[德甲第七輪]拜仁慕尼黑 vs 賀芬咸 [賽前預告]

比賽類型 : 12-13賽季德甲第七輪
比賽時間 : 6/10/2012 09:30
比賽地方 : 安聯球場
歐聯輸波 主場強陣出擊發洩
拜仁岩岩係周中歐聯作客輸俾巴迪，終止左開季之後9連勝既強勢，宜家需要一場勝仗黎提升士氣，今場遇到魚腩部隊賀芬咸好大機會大少！上場因傷缺席既洛賓由於仲未好番今場仍然無份，奧地利小將阿拉巴雖然好番，但係軒歷基斯話唔會放佢係後備席。踢完今場之後將會進入國際賽周，拜仁無後顧之憂下將會大勝發洩！

高美斯復出期預料回顧之前兩間球會既紀錄，拜仁對賀芬咸取得4勝2和。上賽季德甲聯賽入面，拜仁仲係主場7比1大炒。另外拜仁前鋒文素基治狀態大好，6場進6球，今場有望再入。輸波後，拜仁將係熟悉既主場環境入面重整士氣！
但係拜仁隊醫都傳黎左一樣壞消息，上季球隊頭號射手高美斯既傷勢反覆，仍然好難預料佢幾時會復出！

雙方好多球員倒戈
拜仁防守中場古斯達禾、後備門將史達基同養傷中既阿拉巴都曾經効力過賀芬咸，至於賀芬咸既教練巴布、大勇既宇佐美貴史同守將奧查斯都曾經為拜仁効力，拜仁教練軒歷基斯同所有球員，賽前都會送上慰問卡，為車禍既胡錫域打氣！