[德甲第八輪]杜塞爾多夫 vs 拜仁慕尼黑[賽事預告]

比賽類型 : 12-13賽季德甲第八輪
比賽時間 : 20/10/2012 21:30
比賽地方 : 思捷環球競技場

杜塞爾多夫守強攻弱
論進攻火力，杜塞爾多夫前鋒達尼沙欣7場入左4球，拜仁前鋒文素基治7場就入左6球，仲係今個星期既世界杯外圍賽為克羅地亞入波。拜仁係7輪聯賽入面入左21球，平均每場入三球，而杜塞爾多夫就只係入左6球，平均每場都入唔到1球。拜仁只要嚴防杜塞爾多夫射手達尼沙欣，升班馬基本對拜仁無威脅。兩隊今季都以德甲最佳防守為名，拜仁至今只係失左2球，杜塞爾多夫就失左3球。

羅賓受傷缺陣，阿拉巴復出
回顧兩隊近6次交手紀錄，拜仁5勝1平佔上風。拜仁係賽前有一個不幸既消息，傷勢不斷反復既洛賓再次復發，今場己經肯定缺陣。至於拜仁陣中另一位傷兵阿拉巴已經可以為拜仁披甲上陣，係上週拜仁既熱身賽同埋國家隊既比賽中佢都有落場，國家隊既比賽仲以1入球2助攻成為比賽最佳球員。