【愛情啤啤佢】雜耍式的放閃圖，又暗藏了香港核心價值

長輩分享長輩圖，咁情侶一定中意分享放閃圖啦（正確來講係女朋友"分享"俾男朋友）

香港情侶有個現象好有趣，只要有張相紅左就會好似matrix咁附係全香港的情侶度陰魂不散，最近的matrix應該係"鼓勵行山"、"香港其實好多地方好令"（本來係囉）、"簡單生活己經好開心"（跟住背景見到對住維港海景食爉燭餐）和"鍚、攬住鍚、抬高鍚、倒轉鍚"的package。最近朋友分享左一個香港情侶ig，話裏面有好多相好多人like架，於是抱住好奇心同學習的心態開左佢地個ig觀摩一下
loop..loop..loop左一陣

整個ig就係：萬花筒咁多種鍚、一定千期唔可以望鏡頭（除非賣廣告）、"你就是我的唯一"caption，究竟係港女太感情豐富（無性別歧視，難啲想像男人對呢類post有興趣）然後按下神聖一like，定係又發揮佢地最神奇能力"自我投射機"同"終極幻想球"將自己完美代入呢？（但通常就tag埋男朋友然後就啟動複製人模式）

鍚一定係令？一定係sweet？
俗語有云：曖味最頂癮

你見格雷呀，三級片呀有幾可係個poster已經主角慾火焚身，肉團搏鬥架，緊係要吊下你癮，擺返個我見猶憐樣架嘛，畫公仔畫哂出腸邊過癮架。不過鍚還鍚可唔可以都注意下美感，張張都雜耍上身咁唔怪得咁多男人要去交會費做gym，又要抱上膊頭又要公主抱又要倒吊又要彎腰90度咁，見到呢個情況就諗起香港啲高層一定要加啲野，再加啲野，有咁多野得咁多野先叫"設計左"。一係就好似大台咁，發覺有一套劇掂喎，就無限loop出N咁多輯，係個ig裏面，淨係剪影都唔知有幾多張；淨係抱起膝頭再鍚又唔知有幾多張