今時今日咁嘅服務態度唔得嫁

係寫呢篇分享之前，諗咗好耐~到底寫唔寫好!因為有可能對比讀者你地黎講可能好少事~但我人生中未試過因為行街唔買野，個店主反我白眼。

話說，在葵涌廣場有好多好多平價衫褲賣，特別在3樓，有好多野食!
咁個日行街去到3樓逛圈，見到好多門口都掛著啲衫褲，好幾間門口都掛著$50一條/一件。
我經過其中一間，見到條麻質褲我就停低望下~
店內個長髮肥老闆娘即刻出來sell條褲點點點~又話我一定岩著大腿位有鬆之類說話...
我望一望就知沒可能穿得下~你那條褲大腿位又窄顏色又唔岩..

我就客氣說" 我出面行個圈先，好多都未睇"
佢即刻好緊張講" 出面一定冇佢甘平，一條$50平到咁仲要行 " (我個下已想走，最怕強迫消費)
我話" 你呢啲色我都有"
佢指著啲 粉紅色、黃色褲 話" 出面一定冇佢甘多色 " (我心諗: 你呢啲色點著出街呀)
我話" 我要睇下點襯先 "
佢竟然...反我白眼!!! 我同朋友都見到~我即刻冇理佢就走.

我問我朋友，我當時應唔應該即刻罵佢呢?
我朋友勸我 由得佢啦~=3= 佢咁嘅態度唔洗旨意有生意!!
唔岩就唔岩心水嫁啦!點可能迫人買野嫁!

T_T