人與人之間係極需要空間

自我離職後，終於可以透下氣~慢活一陣。畫畫~睇片~間中做下宅女/ 做下文青/ 玩下攝影..
但...有很熱心嘅親戚知道我而家好得閒，就開始向我傳福音想我跟佢番教會...
我好溫柔地講 "其實...我本身已有番開嘅教會..我自己會睇會聽.你放心啦"
佢就冇再講落去...

隔左一排 呢位長輩親戚屋企裝修暫借住我家。
每個星期佢都有教會小組視像活動，甘佢有幾次都無啦啦搵我同佢啲教友打招呼基於禮貌我都有打招呼~之後就番入房。
但事後覺得奇怪~因為幾個星期都係甘樣...WHAT?!
之後有一次，又打招呼，其中有位教友講"大家認識下，有興趣可以JOIN埋我地小組呀"
我笑笑冇野講~
嘩!你地個小組...平均年齡50+....我仲好後生嫁!

最近有一次，呀親戚搵我幫佢整電腦野，之後同我講"一陣再搵你..."
我問"點解? "
佢講"教會就快開番,同人打下招呼認識下嘛。"
等佢入番房之後，嘩!!我個下當堂嚇到跑去搵呀媽點解決~
因為佢直頭當我一定會番佢個教會咁款~
呀媽叫我即刻落街行個圈避一避~我即刻9秒9換衫走人!
我心諗點呀?!我好驚呀~我好怕人地甘樣迫我去做某樣野...
大家保持距離唔得嘅?係都要入侵我保護區?