雪糕藝術, 一試愛上 @Tokyo Secret
話說 Bel Bel 約兩個月前，咁岩去開尖沙咀，無意中發現 Tokyo Secret 呢間雪糕店剛剛開張，於是買了一杯抹茶雪糕食，真係好好味。
一個月後，和朋友在尖沙咀食完飯後，我便帶她去 Tokyo Secret 食番個飯後甜品啦。
雖然舖仔細細，只有外賣而沒有堂食，不過見到企街邊的客人，手中的雪糕賣相都好吸引，真是讓我好奇。
上次試過抹茶雪糕，本來太掛住四年無去的富士山，所以諗住買杯以富士山為題的雪糕，點知收銀妹妹話賣晒，真係失望... 不過，我又好想去日本睇紅葉，但係紅葉有排都未有得睇住啦，咁唯有買杯「楓之火焰」，等我望梅止渴先啦。
雪糕唔只賣相吸引，而且收銀隔離仲有別出心裁的佈景，意境係秋天的神社，雪糕放在呢度，好似去左日本咁，真係好有 feel。
「楓之火焰」中間的紅桑子汁，係用朱古力半圓杯裝住，好似熔岩咁出晒煙，賣相好似成座火山咁，又幾得意。當然，呢 d 熔岩梗係冰冰凍凍啦。榛子味的軟雪糕口感淡甜，質感軟滑，而上面酸酸地、甜甜地的的紅桑子糖 topping，就正好點綴軟雪糕的淡甜。還有，topping 的爆炸糖，舌頭感到霹靂啪啦，真的會聯想起火山熔岩活躍的感覺。
食完爆炸糖同埋紅桑子糖之後，上面的紅桑子汁已經熄左，於是可以倒在餘下的雪糕上並且攪勻。紅桑子汁的酸甜味比之前的糖更濃、更深入。
食到差唔多落杯底，仲發現有幾粒脆卜卜的爆谷，榛子雪糕味的爆谷都幾好味喎~
唯獨是而家天氣熱，我杯雪糕未食晒，軟雪糕好快溶。
至於我朋友叫了杯好吸睛的「森之樹林」，綠茶軟雪糕仲可以揀普通抹茶或者特濃抹茶，由於朋友係綠茶 fans，所以揀了特濃抹茶味。
呢杯雪糕又幾得意喎，成舊棉花糖封住杯頂，topping 有脆脆紅桑子糖同埋餅乾碎，下面係綠色的特濃抹茶雪糕，造型成棵樹咁，好得意啊~
不過，如果剩係掛住影相，棉花糖都溶得幾快，所以相機食野都要食快 d 之餘，自己都要拿拿臨咬幾啖棉花糖先。
咬左少少棉花糖之後，剩番少少，可以塞落雪糕杯度，讓棉花糖的清甜，中和一下特濃抹茶雪糕的苦澀茶香。
呢杯特濃抹茶雪糕，比之前我食過的牛奶抹茶雪糕，茶香更濃郁，但都更澀，一丁點甜都沒有，相信喜愛正宗綠茶的朋友會一試愛上。
食到落底，還有多件日式年輪蛋糕，年輪蛋糕厚厚的，有清清甜甜的蛋香，而且很軟綿綿，加埋抹茶味雪糕，令到抺茶味無咁苦澀，咁既配搭又幾好味喎。
下次經過，一定要試下「冬之富士山」！
溫馨提示：食完雪糕之後，膠杯和膠羹可以俾番店舖，可以唔駛我丟去垃圾桶，咁就好環保啦。
一個月後，和朋友在尖沙咀食完飯後，我便帶她去 Tokyo Secret 食番個飯後甜品啦。
雖然舖仔細細，只有外賣而沒有堂食，不過見到企街邊的客人，手中的雪糕賣相都好吸引，真是讓我好奇。
上次試過抹茶雪糕，本來太掛住四年無去的富士山，所以諗住買杯以富士山為題的雪糕，點知收銀妹妹話賣晒，真係失望... 不過，我又好想去日本睇紅葉，但係紅葉有排都未有得睇住啦，咁唯有買杯「楓之火焰」，等我望梅止渴先啦。
雪糕唔只賣相吸引，而且收銀隔離仲有別出心裁的佈景，意境係秋天的神社，雪糕放在呢度，好似去左日本咁，真係好有 feel。
「楓之火焰」中間的紅桑子汁，係用朱古力半圓杯裝住，好似熔岩咁出晒煙，賣相好似成座火山咁，又幾得意。當然，呢 d 熔岩梗係冰冰凍凍啦。榛子味的軟雪糕口感淡甜，質感軟滑，而上面酸酸地、甜甜地的的紅桑子糖 topping，就正好點綴軟雪糕的淡甜。還有，topping 的爆炸糖，舌頭感到霹靂啪啦，真的會聯想起火山熔岩活躍的感覺。
食完爆炸糖同埋紅桑子糖之後，上面的紅桑子汁已經熄左，於是可以倒在餘下的雪糕上並且攪勻。紅桑子汁的酸甜味比之前的糖更濃、更深入。
食到差唔多落杯底，仲發現有幾粒脆卜卜的爆谷，榛子雪糕味的爆谷都幾好味喎~
唯獨是而家天氣熱，我杯雪糕未食晒，軟雪糕好快溶。
至於我朋友叫了杯好吸睛的「森之樹林」，綠茶軟雪糕仲可以揀普通抹茶或者特濃抹茶，由於朋友係綠茶 fans，所以揀了特濃抹茶味。
呢杯雪糕又幾得意喎，成舊棉花糖封住杯頂，topping 有脆脆紅桑子糖同埋餅乾碎，下面係綠色的特濃抹茶雪糕，造型成棵樹咁，好得意啊~
不過，如果剩係掛住影相，棉花糖都溶得幾快，所以相機食野都要食快 d 之餘，自己都要拿拿臨咬幾啖棉花糖先。
咬左少少棉花糖之後，剩番少少，可以塞落雪糕杯度，讓棉花糖的清甜，中和一下特濃抹茶雪糕的苦澀茶香。
呢杯特濃抹茶雪糕，比之前我食過的牛奶抹茶雪糕，茶香更濃郁，但都更澀，一丁點甜都沒有，相信喜愛正宗綠茶的朋友會一試愛上。
食到落底，還有多件日式年輪蛋糕，年輪蛋糕厚厚的，有清清甜甜的蛋香，而且很軟綿綿，加埋抹茶味雪糕，令到抺茶味無咁苦澀，咁既配搭又幾好味喎。
下次經過，一定要試下「冬之富士山」！
溫馨提示：食完雪糕之後，膠杯和膠羹可以俾番店舖，可以唔駛我丟去垃圾桶，咁就好環保啦。