【中山投資機遇】
【中山投資機遇】
繼早兩個星期同李老闆傾檳城買樓退休後，今次我大樓陳去拜訪另一位客户——做電子生意嘅王老闆，又講起買大陸樓，今次係講中山。
言談間，得知王老闆原來十多年前曾到中山開廠，佢話當初主要考慮兩個地點——東莞與中山。
佢當時揀中山開廠，因為佢覺得中山人比較老實，同香港文化比較接近，而覺得東莞比較龍蛇混雜。之不過，佢話當時呢個決定係錯嘅，因為之後佢發現東莞對廠商嘅配套支援好好多，對佢電子生意發展會更好。
不過，佢話如果係住嘅話，中山就應該比東莞好。中山民風較純樸，治安較好，而且綠化率高，有好好嘅居住環境。
聽完王老闆對中山嘅睇法之後，我大樓陳都有同王老闆分享一下對中山樓市嘅睇法。今年大樓陳都去過中山考察幾次，搵下有咩筍盤。當然中山最大嘅賣點，就係深中通道同受惠於大灣區發展。另外，中山買樓投資最大嘅賣點係佢嘅舒適居住環境，同埋佢將來可以作為深圳後花園嘅定位。其實情況就好似 90年代初我哋香港人覺得當時深圳啲樓好抵買，而且環境相對冇咁擠迫，買返間退休都唔錯。當時深圳啲樓仲係一百幾十萬就有交易。時移世易，今時今日深圳憑著IT業發展一日千里，樓價全國冠軍。深圳其中一個最貴嘅地段——南山，而家講緊七萬八萬人仔一平方米，即係港紙八九千蚊一呎。同香港人一樣，深圳人今日都係越住越細，由以前普遍住過千呎，到而家好多人都係住四五百呎。對比中山，雖然因為條深中通道令樓價呢兩年都升咗兩三倍，但係都係講緊萬幾蚊一平方米。將來深中通道起好，由南山過去中山只係大概半個鐘！半個鐘車程，一邊賣緊六七萬蚊一平方米，一邊賣緊萬幾蚊一平方米，呢個差距有咩可能唔收窄呢？宜家深圳啲樓貴到咁樣，有錢嘅深圳人都擔心仔女將來買唔到樓，一啲深圳嘅慈父慈母都開始趁現時中山樓價仲負擔得到，就去中山買層樓畀仔女將來用或者自己退休住。就住以上原因，我大樓陳100%睇好中山樓市發展。
當然，中山現時樓市亦有一啲問題，例如現時買中山樓嘅多數係投資客，因為中山一般本地人嘅收入追唔到樓價升幅，負擔唔起現時嘅樓價。另外，同好多二三線城市一樣，現時樓市都係處於去庫存階段， 大量供應需要時間消耗。不過，隨著中山受惠於大灣區發展，更多外來人口進入中山，呢啲問題就會慢慢解決。 所以買中山樓，如果係睇長線，係必賺嘅，問題只係要持貨幾耐，同埋會有幾多回報。
即刻Follow埋大樓陳
#樓市 #大灣區#香港樓市 #內地樓市#投資 #粵港澳 #中山樓#南山#深圳#東莞#物業#通脹
繼早兩個星期同李老闆傾檳城買樓退休後，今次我大樓陳去拜訪另一位客户——做電子生意嘅王老闆，又講起買大陸樓，今次係講中山。
言談間，得知王老闆原來十多年前曾到中山開廠，佢話當初主要考慮兩個地點——東莞與中山。
佢當時揀中山開廠，因為佢覺得中山人比較老實，同香港文化比較接近，而覺得東莞比較龍蛇混雜。之不過，佢話當時呢個決定係錯嘅，因為之後佢發現東莞對廠商嘅配套支援好好多，對佢電子生意發展會更好。
不過，佢話如果係住嘅話，中山就應該比東莞好。中山民風較純樸，治安較好，而且綠化率高，有好好嘅居住環境。
聽完王老闆對中山嘅睇法之後，我大樓陳都有同王老闆分享一下對中山樓市嘅睇法。今年大樓陳都去過中山考察幾次，搵下有咩筍盤。當然中山最大嘅賣點，就係深中通道同受惠於大灣區發展。另外，中山買樓投資最大嘅賣點係佢嘅舒適居住環境，同埋佢將來可以作為深圳後花園嘅定位。其實情況就好似 90年代初我哋香港人覺得當時深圳啲樓好抵買，而且環境相對冇咁擠迫，買返間退休都唔錯。當時深圳啲樓仲係一百幾十萬就有交易。時移世易，今時今日深圳憑著IT業發展一日千里，樓價全國冠軍。深圳其中一個最貴嘅地段——南山，而家講緊七萬八萬人仔一平方米，即係港紙八九千蚊一呎。同香港人一樣，深圳人今日都係越住越細，由以前普遍住過千呎，到而家好多人都係住四五百呎。對比中山，雖然因為條深中通道令樓價呢兩年都升咗兩三倍，但係都係講緊萬幾蚊一平方米。將來深中通道起好，由南山過去中山只係大概半個鐘！半個鐘車程，一邊賣緊六七萬蚊一平方米，一邊賣緊萬幾蚊一平方米，呢個差距有咩可能唔收窄呢？宜家深圳啲樓貴到咁樣，有錢嘅深圳人都擔心仔女將來買唔到樓，一啲深圳嘅慈父慈母都開始趁現時中山樓價仲負擔得到，就去中山買層樓畀仔女將來用或者自己退休住。就住以上原因，我大樓陳100%睇好中山樓市發展。
當然，中山現時樓市亦有一啲問題，例如現時買中山樓嘅多數係投資客，因為中山一般本地人嘅收入追唔到樓價升幅，負擔唔起現時嘅樓價。另外，同好多二三線城市一樣，現時樓市都係處於去庫存階段， 大量供應需要時間消耗。不過，隨著中山受惠於大灣區發展，更多外來人口進入中山，呢啲問題就會慢慢解決。 所以買中山樓，如果係睇長線，係必賺嘅，問題只係要持貨幾耐，同埋會有幾多回報。
即刻Follow埋大樓陳
#樓市 #大灣區#香港樓市 #內地樓市#投資 #粵港澳 #中山樓#南山#深圳#東莞#物業#通脹