【澳洲樓市最新概況】
【澳洲樓市最新概況】
大樓陳上個月去澳洲墨爾本旅遊兼探朋友，難得咁好機會，當然要同當地居住嘅朋友了解一下最新澳洲樓市情況。
朋友A在當地做地產經紀，我特意去探班睇下市況如何。 一到朋友工作嘅銷售處， 眼見佈置好似一間coffee shop， 門口仲有兩個人沖咖啡 ，我以為自己搵錯地方！
經朋友介紹，佢公司而家sell緊一個Glen Waverley商場上蓋項目。 約1000呎的單位，澳幣100萬。（港幣約580萬）。Glen Waverly 係墨爾本一個著名華人區， 附近有名校， 開車去 市中心約30分鐘， 附近食肆林立， 生活配套區備，絕對係一個好區。 該項目仲要喺個大商場上面， 如果用我哋香港人嘅標準，港幣580萬只可以買到三四百呎， 咁嘅價錢對我哋嚟講真係好吸引! 不過回想起十多年前，我大樓陳當時喺墨爾本讀書嘅時候， 澳幣五六十萬就可以喺該區買到一間2000呎既house， 可想而知呢十幾年，澳洲樓價升幅亦都十分驚人。
同朋友了解得知， 由於中國內地資金越嚟越難流出國外， 加上澳洲經濟半身麻麻地， 澳洲樓價已經見頂回落，佢嘅生意亦都冇幾年前咁好。
探完朋友A後， 之後再去同朋友B食飯。做投資移民的朋友B當然亦受到中國內地資金走唔到出嚟影響，生意都係難做。更甚者，佢早兩年喺墨爾本東面Wantrina區買左兩間屋，一間自住，一間當投資租畀人，由於租金cover唔到mortgage，同埋佢自己生意收入下降，所以令到佢都好大壓力，更因此經常失眠。佢打算賣左其中一間減輕負擔。但由於佢早兩年買入時墨爾本東部已被華人炒高左，所以佢宜家賣都要蝕本離場。
過左兩日之後，再約朋友C食飯。朋友C在一間本地物流公司工作。佢亦都喺一年前買左屋。不過佢就喺樓價落後嘅墨爾本西部買， 由於西部冇咁多華人投資，所以樓價比較冇受到中國經濟因素影響。加上東西部樓價差距，資金開始追落後， 轉去買西部地區。 朋友C 買入該物業後在短短一年巳逆市升咗20%。加上佢儲左較多首期先上車，所以冇咩供樓壓力，生活輕鬆。問佢點解咁有眼光同埋有咩投資心得，佢簡單回覆一句 「buy cheap」。
當然從朋友C分享中得知，佢買入該物業前做左好多研究分析， 並唔係只係buy cheap咁簡單。
大樓陳從朋友B及朋友C 嘅個案睇，朋友B買入當時已被中國資金炒高既東部物業就似 momentum trading，如果市況逆轉就會首當其衝。朋友C買入價格落後既西部物業就似 value investing。 由於價格較合理，當市況逆轉， 跌幅會較少，甚致會成為部分避險資金對象，不跌反升! 加上朋友C首期畀得多（ 槓桿較少）， 所以當有危機時，亦有較強持貨能力。
以上個案，亦令到我諗起， 上年同事朋友唔問價炒騰訊， 問我點解買啲悶到冇朋友嘅電訊收息股，到今年個個輸3、4成坐晒艇。巴菲特一句名句「當退潮的時候， 你才知道誰在裸泳。」真係充滿知慧呢!
即刻Follow埋大樓陳
#樓市 #墨爾本 #澳洲#地產#buy cheap#中國資金#經濟#巴菲特#澳洲樓市#香港樓市 #內地樓市 #投資
大樓陳上個月去澳洲墨爾本旅遊兼探朋友，難得咁好機會，當然要同當地居住嘅朋友了解一下最新澳洲樓市情況。
朋友A在當地做地產經紀，我特意去探班睇下市況如何。 一到朋友工作嘅銷售處， 眼見佈置好似一間coffee shop， 門口仲有兩個人沖咖啡 ，我以為自己搵錯地方！
經朋友介紹，佢公司而家sell緊一個Glen Waverley商場上蓋項目。 約1000呎的單位，澳幣100萬。（港幣約580萬）。Glen Waverly 係墨爾本一個著名華人區， 附近有名校， 開車去 市中心約30分鐘， 附近食肆林立， 生活配套區備，絕對係一個好區。 該項目仲要喺個大商場上面， 如果用我哋香港人嘅標準，港幣580萬只可以買到三四百呎， 咁嘅價錢對我哋嚟講真係好吸引! 不過回想起十多年前，我大樓陳當時喺墨爾本讀書嘅時候， 澳幣五六十萬就可以喺該區買到一間2000呎既house， 可想而知呢十幾年，澳洲樓價升幅亦都十分驚人。
同朋友了解得知， 由於中國內地資金越嚟越難流出國外， 加上澳洲經濟半身麻麻地， 澳洲樓價已經見頂回落，佢嘅生意亦都冇幾年前咁好。
探完朋友A後， 之後再去同朋友B食飯。做投資移民的朋友B當然亦受到中國內地資金走唔到出嚟影響，生意都係難做。更甚者，佢早兩年喺墨爾本東面Wantrina區買左兩間屋，一間自住，一間當投資租畀人，由於租金cover唔到mortgage，同埋佢自己生意收入下降，所以令到佢都好大壓力，更因此經常失眠。佢打算賣左其中一間減輕負擔。但由於佢早兩年買入時墨爾本東部已被華人炒高左，所以佢宜家賣都要蝕本離場。
過左兩日之後，再約朋友C食飯。朋友C在一間本地物流公司工作。佢亦都喺一年前買左屋。不過佢就喺樓價落後嘅墨爾本西部買， 由於西部冇咁多華人投資，所以樓價比較冇受到中國經濟因素影響。加上東西部樓價差距，資金開始追落後， 轉去買西部地區。 朋友C 買入該物業後在短短一年巳逆市升咗20%。加上佢儲左較多首期先上車，所以冇咩供樓壓力，生活輕鬆。問佢點解咁有眼光同埋有咩投資心得，佢簡單回覆一句 「buy cheap」。
當然從朋友C分享中得知，佢買入該物業前做左好多研究分析， 並唔係只係buy cheap咁簡單。
大樓陳從朋友B及朋友C 嘅個案睇，朋友B買入當時已被中國資金炒高既東部物業就似 momentum trading，如果市況逆轉就會首當其衝。朋友C買入價格落後既西部物業就似 value investing。 由於價格較合理，當市況逆轉， 跌幅會較少，甚致會成為部分避險資金對象，不跌反升! 加上朋友C首期畀得多（ 槓桿較少）， 所以當有危機時，亦有較強持貨能力。
以上個案，亦令到我諗起， 上年同事朋友唔問價炒騰訊， 問我點解買啲悶到冇朋友嘅電訊收息股，到今年個個輸3、4成坐晒艇。巴菲特一句名句「當退潮的時候， 你才知道誰在裸泳。」真係充滿知慧呢!
即刻Follow埋大樓陳
#樓市 #墨爾本 #澳洲#地產#buy cheap#中國資金#經濟#巴菲特#澳洲樓市#香港樓市 #內地樓市 #投資