[澳洲．塔斯曼尼亞] 澳洲新婚之旅（Day 10）
本來朝早打算去返尋日無去果間Still Water度食早餐，不過起身果陣唔算好肚餓，所以最終我地都無去到，直接去左今日第一個景點既Ashgrove Cheese Farm。其實之前已經去過cheese farm，本來無打算黎呢個，寫低當係optional，但前一晚晌網上又見到有人話芝士迷必到，又話果度d的芝士可以任人試食，所以都係決定去一轉，結果真係無黎錯。
中間個八角形檯放左八款芝士任食，鬆弛食左好多，轉左兩次圈，佢應該好高興。食完重可以睇到人地個芝士製造工場，睇下有幾咁大陣仗。
另外我地仲叫左一個ham, cheese and relish既Toast Sandwiches，真係超好食，半溶既芝士配火腿，再加少少酸甜既蕃茄醬，個多士又烘得夠脆，只係Aus $4.5，又係必食。同埋我地叫左一杯大既熱朱古力，不過比較淡，純粹唔想飲咖啡只好揀呢個，最後我地都食到好飽咁離開。
第二站我地去左41 Degree Salmon and Ginseng Farm，可以試食三文魚同埋三文魚醬，仲有人參seasoning同蜜糖，果度其實好細，三文魚除左煙三文魚外，就係本身帶少鹹味既有骨同無骨三文魚，全部都係已熟可以即食既，另外仲有好幾款三文魚食物，好似三文治同漢堡咁。可能因為一開始期望幾大，所以有少少失望，可以三文魚選擇唔算多，最後我地買左一條Aus$11既原條三文魚打算夜晚煎黎食。最後一站就去到The Honey Farm，基本上如果係去搖籃山既話，去Salmon Farm同The Honey Farm係一定會經過，好順路既。
入面有demo俾人睇到佢地點樣養住d蜜蜂，同埋d蜜蜂採完蜜點樣番去同係個蜂巢既情況，所有野都有玻璃隔住既，唔怕蜜蜂既人可以行埋d近睇。
Honey farm裡面有好多蜜糖可以試食，有唔同口味，仲有自家製既鳥結糖，同埋一d帶鹹味既蜜糖，味道好特別。
果度仲有自家製既蜜糖雪糕，有十幾隻口味，$3.5一球, $4.5兩球，其實都唔貴，不過我地最後無試到，反而買左一pack三樽既蜂膠，近Aus$100，不過應該可以食一年，而且係呢個Honey farm自家製，出面無得賣。去搖籃山之前要上山落山再經過小鎮Mole Creek，見果度有個超市仔，有少量野可以買，我地就買左d椰菜花呀、腸仔呀、蘑菇呀今晚煮晚餐。
離遠見到搖籃山Cradle Mountain，就知就到今晚個park。
呢個Discovery Holiday Parks - Cradle Mountain應該係咁多個之中最大，好在我訂果陣時要求左要近廁所，廁所就係晌我地個泊位對面，而呢度既泊位都俾好高既草叢分隔開，私隱度幾高。
個度除左d小動物如Pademelon之外，其他人係唔會捐過d草叢睇下你係乜水。
Camper kitchen都好近亦好大，但係無任何煮食用具可以借用，所以你一定要自備，佢果度得雪櫃、多士爐、煮食爐、BBQ爐、微皮爐同埋熱水壼。而裡面有非常之多蜜蜂，困左晌屋裡面又趕唔走，係咁嗡嗡到我頭都暈。我地拿拿臨煮左d菜呀腸呀同條三文魚，早d食完早d出去行下順便睇日落。
去睇日落途中見到應該係塔斯曼尼亞既小動物Wombat，個身圓碌碌，個樣其實都幾得意。
呢度係山區所以睇日落無遮無掩，好在個天黑得唔係好快，唔係睇完要摸黑番camp site都幾驚，番到去就快黑晒，順手影埋個月光先。
廁所係廚房既另一邊，亦都係好大，沖涼果度好似寫住只可以沖五分鐘，同樣都係有個綠色掣要按，但係唔知道係咪真係計時，而我地就跟人地去左一個unisex/disabled既廁所，其實只係得一大格，不過天氣實在太凍，所以我地塞埋晌呢個廁所度沖，而呢度個熱水就無限時既，唔知係咪因為咁所以呢個廁所一路都有人排隊，要知道係得番幾度既地方沖涼，如果沖沖下冇水係幾咁大件事。 最後沖完涼出泥有驚喜事情發生，事關有隻塔斯曼尼亞小魔怪搵食，搵到我地個site位度，佢其實好善良，又冇攻擊性，但原來佢帶埋老婆仔女一齊泥搵食，最攪野係我地只留意到佢既時候，老婆仔女就係另一邊跳上車搵食，我就冇咩野呀，但有人俾佢嚇到依嘩鬼叫。
Ashgrove Farm Cheese
6173 Bass Hwy, Elizabeth Town TAS 7304 AUS
www.ashgrovecheese.com.au/
41 Degrees South Salmon and ginsen Farm
323 Montana Rd, Red Hills TAS 7304 AUS
www.41southtasmania.com/
The Honey Farm
39 Sorell St, Chudleigh TAS 7304 AUS
http://www.thehoneyfarm.com.au/
Discovery Holiday Parks - Cradle Mountain
Cradle Mountain Road, Cradle Mountain TAS 7310 AUS
http://cradle-mountain.tas.big4.com.au/
中間個八角形檯放左八款芝士任食，鬆弛食左好多，轉左兩次圈，佢應該好高興。食完重可以睇到人地個芝士製造工場，睇下有幾咁大陣仗。
另外我地仲叫左一個ham, cheese and relish既Toast Sandwiches，真係超好食，半溶既芝士配火腿，再加少少酸甜既蕃茄醬，個多士又烘得夠脆，只係Aus $4.5，又係必食。同埋我地叫左一杯大既熱朱古力，不過比較淡，純粹唔想飲咖啡只好揀呢個，最後我地都食到好飽咁離開。
第二站我地去左41 Degree Salmon and Ginseng Farm，可以試食三文魚同埋三文魚醬，仲有人參seasoning同蜜糖，果度其實好細，三文魚除左煙三文魚外，就係本身帶少鹹味既有骨同無骨三文魚，全部都係已熟可以即食既，另外仲有好幾款三文魚食物，好似三文治同漢堡咁。可能因為一開始期望幾大，所以有少少失望，可以三文魚選擇唔算多，最後我地買左一條Aus$11既原條三文魚打算夜晚煎黎食。最後一站就去到The Honey Farm，基本上如果係去搖籃山既話，去Salmon Farm同The Honey Farm係一定會經過，好順路既。
入面有demo俾人睇到佢地點樣養住d蜜蜂，同埋d蜜蜂採完蜜點樣番去同係個蜂巢既情況，所有野都有玻璃隔住既，唔怕蜜蜂既人可以行埋d近睇。
Honey farm裡面有好多蜜糖可以試食，有唔同口味，仲有自家製既鳥結糖，同埋一d帶鹹味既蜜糖，味道好特別。
果度仲有自家製既蜜糖雪糕，有十幾隻口味，$3.5一球, $4.5兩球，其實都唔貴，不過我地最後無試到，反而買左一pack三樽既蜂膠，近Aus$100，不過應該可以食一年，而且係呢個Honey farm自家製，出面無得賣。去搖籃山之前要上山落山再經過小鎮Mole Creek，見果度有個超市仔，有少量野可以買，我地就買左d椰菜花呀、腸仔呀、蘑菇呀今晚煮晚餐。
離遠見到搖籃山Cradle Mountain，就知就到今晚個park。
呢個Discovery Holiday Parks - Cradle Mountain應該係咁多個之中最大，好在我訂果陣時要求左要近廁所，廁所就係晌我地個泊位對面，而呢度既泊位都俾好高既草叢分隔開，私隱度幾高。
個度除左d小動物如Pademelon之外，其他人係唔會捐過d草叢睇下你係乜水。
Camper kitchen都好近亦好大，但係無任何煮食用具可以借用，所以你一定要自備，佢果度得雪櫃、多士爐、煮食爐、BBQ爐、微皮爐同埋熱水壼。而裡面有非常之多蜜蜂，困左晌屋裡面又趕唔走，係咁嗡嗡到我頭都暈。我地拿拿臨煮左d菜呀腸呀同條三文魚，早d食完早d出去行下順便睇日落。
去睇日落途中見到應該係塔斯曼尼亞既小動物Wombat，個身圓碌碌，個樣其實都幾得意。
呢度係山區所以睇日落無遮無掩，好在個天黑得唔係好快，唔係睇完要摸黑番camp site都幾驚，番到去就快黑晒，順手影埋個月光先。
廁所係廚房既另一邊，亦都係好大，沖涼果度好似寫住只可以沖五分鐘，同樣都係有個綠色掣要按，但係唔知道係咪真係計時，而我地就跟人地去左一個unisex/disabled既廁所，其實只係得一大格，不過天氣實在太凍，所以我地塞埋晌呢個廁所度沖，而呢度個熱水就無限時既，唔知係咪因為咁所以呢個廁所一路都有人排隊，要知道係得番幾度既地方沖涼，如果沖沖下冇水係幾咁大件事。 最後沖完涼出泥有驚喜事情發生，事關有隻塔斯曼尼亞小魔怪搵食，搵到我地個site位度，佢其實好善良，又冇攻擊性，但原來佢帶埋老婆仔女一齊泥搵食，最攪野係我地只留意到佢既時候，老婆仔女就係另一邊跳上車搵食，我就冇咩野呀，但有人俾佢嚇到依嘩鬼叫。
Ashgrove Farm Cheese
6173 Bass Hwy, Elizabeth Town TAS 7304 AUS
www.ashgrovecheese.com.au/
41 Degrees South Salmon and ginsen Farm
323 Montana Rd, Red Hills TAS 7304 AUS
www.41southtasmania.com/
The Honey Farm
39 Sorell St, Chudleigh TAS 7304 AUS
http://www.thehoneyfarm.com.au/
Discovery Holiday Parks - Cradle Mountain
Cradle Mountain Road, Cradle Mountain TAS 7310 AUS
http://cradle-mountain.tas.big4.com.au/