壽司郎居酒屋 : 杉玉 Sugidama
壽司郎應該好多人都幫襯過，價格親民又係日本直營店既吸引力毋庸置疑，前一排收到風壽司郎母公司開左居酒屋，今晚就約食友一齊試下。餐牌都唔少選擇，壽司都一堆不過唔係主要目標，要食壽司既話直接去壽司郎就得。最後點左小小壽司、一堆小食炸物同甜品試下。
居酒屋又點可以冇酒，種類同選擇都唔算太少。
杉玉薯仔沙律應該係呢度名物，裡面有薯蓉、蝦乾、甜醋薑包住流心蛋，外面就灑上海苔粉，就叫一個試下。
個樣幾吸引不過味道唔算好特別，主要都係食到薯仔沙律同蛋既味道而已。
炸池魚食落脆口又有魚肉味值得一試。
池魚骨脆餅炸得堅脆口，魚骨一咬即散。
吞拿魚拌山藥泥比較淡，山藥泥係軟滑但同吞拿魚冇咩化學作用。
原來呢度都有壽司郎冇既壽司出品，食友又有興趣所以都試下。
炙燒海膽牛油鮟鱇魚肝壽司油香足，炙燒海過既鮟鱇魚肝夠吸引。
炙燒昆布漬鰈魚鰭邊壽司入口有油香有炙燒香氣。
大啖滿足茶碗蒸同預期差唔多，要蛋味有蛋味同食落都軟滑。
螢光魷魚醬油漬夠鹹香，係送酒佳品。
日式高湯玉子燒伴蘿蔔蓉幾好，蛋香不錯入口滑溜。
蒸鮟鱇魚肝拌關東煮蘿蔔都可以，鮟鱇魚肝鮮味滲入軟嫩煮蘿蔔內，令到蘿蔔都變左亮點。
卡達拉娜即係焦糖燉蛋，炙過帶焦香。
降霜芝士白桃意式奶凍，降霜即係店家即場刨芝士。白桃味道清甜，而即場刨芝士睇就幾夠gimmik但口味上帶唔出咩效果。
呢度雖叫居酒屋，但氣氛唔太似真正日式居酒屋，不過想食下日式小食同淺嚐兩杯都可以。
杉玉 Sugidama地址：灣仔軒尼詩道256號The Hennessy地下B及C號舖
Tel : 2286 0898
居酒屋又點可以冇酒，種類同選擇都唔算太少。
杉玉薯仔沙律應該係呢度名物，裡面有薯蓉、蝦乾、甜醋薑包住流心蛋，外面就灑上海苔粉，就叫一個試下。
個樣幾吸引不過味道唔算好特別，主要都係食到薯仔沙律同蛋既味道而已。
炸池魚食落脆口又有魚肉味值得一試。
池魚骨脆餅炸得堅脆口，魚骨一咬即散。
吞拿魚拌山藥泥比較淡，山藥泥係軟滑但同吞拿魚冇咩化學作用。
原來呢度都有壽司郎冇既壽司出品，食友又有興趣所以都試下。
炙燒海膽牛油鮟鱇魚肝壽司油香足，炙燒海過既鮟鱇魚肝夠吸引。
炙燒昆布漬鰈魚鰭邊壽司入口有油香有炙燒香氣。
大啖滿足茶碗蒸同預期差唔多，要蛋味有蛋味同食落都軟滑。
螢光魷魚醬油漬夠鹹香，係送酒佳品。
日式高湯玉子燒伴蘿蔔蓉幾好，蛋香不錯入口滑溜。
蒸鮟鱇魚肝拌關東煮蘿蔔都可以，鮟鱇魚肝鮮味滲入軟嫩煮蘿蔔內，令到蘿蔔都變左亮點。
卡達拉娜即係焦糖燉蛋，炙過帶焦香。
降霜芝士白桃意式奶凍，降霜即係店家即場刨芝士。白桃味道清甜，而即場刨芝士睇就幾夠gimmik但口味上帶唔出咩效果。
呢度雖叫居酒屋，但氣氛唔太似真正日式居酒屋，不過想食下日式小食同淺嚐兩杯都可以。
杉玉 Sugidama地址：灣仔軒尼詩道256號The Hennessy地下B及C號舖
Tel : 2286 0898