放鬆心情 : Four X Four

都有一段時間沒有走入大圍，今日起身時間比較早，就入去一轉試下早前mark低既cafe。餐牌選擇唔算多但都有點特色，應該係有花過心思唔想交行貨既結果。
餐湯濃郁杰身足料又好味。

主菜先上黑蒜忌廉蒜蓉蛋黃醬大雞扒跟燒菠蘿及菠蘿包薯條。
大雞扒本身普通，但將塊燒菠蘿同雞扒一齊食就幾好，酸酸甜甜可帶出雞味，加埋黑蒜忌廉蒜蓉蛋黃醬就更惹味，另菠蘿包都幾脆，不過已經太多野所以夾唔到同雞扒一齊食。
另一主菜係沙茶醬忌廉紅蝦青口扁意粉加溫泉蛋。

扁意粉口感幾好，加上沙茶醬忌廉就更香滑。

紅蝦同青口唔會只得雪藏味，食落真係有鮮味，呢個價錢收貨有找。

熱飲既蜂蜜柚子茶正常，另菠蘿熱情果茶唔會太甜幾清新。
呢邊比較少途人，冇大圍站個邊咁熱鬧，似乎更適合開cafe，令人可更放鬆心情享受食品同飲品。
Four X Four
地址：慈雲山毓華里55號
Tel : 6207 6420