韓國濟州島首爾自駕自由行 Day2 (Pure Doombi豆腐專門店, NOLMAN놀맨海鮮泡麵, 涯月翰潭, Tribe, Umu布甸, 滿足的商會, Osulloc綠茶博物館, 新緣橋, 黑豚家濟州本店)
今日本來想訓多一陣先起身，但要一早泊好架車所以七點幾就出門，攪攪下又冇左睡意，就直接去食早餐。上Kakao Map搵到間豆腐專門店Pure Doombi 순수한 둠비，評分同相都ok就行路去。
前菜好味食完胃口重好。
辣豆腐湯唔算太辣有豆香。
紫菜豆腐鍋睇落都吸引。
紫菜食極都有，另豆腐夠都好多又夠滑，不過豆味再濃一點就更好。
湯底重有蠔肉加持，難怪湯汁有蠔味。
米飯用蒸爐一煲煲分開蒸好。
米飯非常有咬口又有米香。
喜歡豆腐既可以來一試。
食飽番民宿個露台坐下，吸收下濟州既日光。
個露台有韓劇feel，好多男女主角既互動就係响度開始。
9點半出發，今日向西南走，第一站去NOLMAN놀맨海鮮泡麵。
坐位係自助形式，搵左位就拎張籌叫野等野食。
一窩海鮮泡麵唔算好大窩，但就放左唔少海鮮，所以湯汁帶濃郁海鮮味。
青口肉身大入口有海水風味，大蝦肉彈味鮮。蟹身可能因要煮出海鮮湯風味所以有點overcook但蟹肉仍鮮甜。泡麵在海鮮下面，已吸收湯汁所以集海鮮味大成。
吃過美味海鮮泡麵，順便在涯月翰潭睇下風景。
沿著涯月翰潭海邊步道長廊而行。
沿途風景都很優美。
走在海岸線風景的路上，不知不覺便來到咖啡店Tribe。
Tribe下層其實也有不錯佈置，只是上層海景實在太吸引。
這裡可以對著海邊坐下。既來之食左先，來杯清涼飲料refresh一下，再吃吃soufflé pancakes才去下一站。幾杯飲品色水都好夏日，飲落係甜一點但融冰後就剛好。
兩款口味既梳芙厘口感都鬆軟，吃完不會太漏，自己更喜歡香橙既清新。
吃過甜品下一站也是甜品的Umu布甸。
店家的布甸公仔得意又易認。
試了原味、蘿蔔及栗米三款口味布甸。
三款口味中的栗米味布甸最香最濃最得我歡心。
接著要快步趕住下一站滿足的商會만족한상회，這裡的主角是魚肉海鮮刺身及白帶魚料理。
魚肉刺身係新鮮，食落有咬口，沾上醬油更可帶出魚肉鮮味。
灸蝦有酒香但不算很鮮甜。
大醬湯足料。
醬油蟹都可以，入口鮮甜而肉身也沒有浸霉。
甜酸魚一般，炸過雖香口但不是大家的目標。
主角白帶魚上場，整條白帶魚上檯一刻都幾震撼，因為魚身真係好長。
燒好既白帶魚不只帶焦香，魚邊不斷滲出魚油所以也有誘人魚油香，令大家再飽都食到最後一啖。
難得既係魚肉味道都好濃郁，一致認為是全餐最好的出品。
吃過海鮮及美味白帶魚後，在日落前到達Osulloc綠茶博物館。入園區前先到室內既購物區同用餐區行下。
一場到來冇理由唔試下綠茶同其他濟州水果既甜品及飲品。綠茶雪糕軟滑又有綠茶天然香味值得一試。
旁邊的茶商店Tea Store售賣與茶有關的各種商品。
食完買完亦要到室外欣賞一下茶園景緻。呢度既園區其實幾大，室內又有唔少野睇同買，有時間既可以早點入場慢慢行。
離開茶園便到鳥島新緣橋行一行。
跟新緣橋及附近碼頭風景打咭留念。
去過茶園及新緣橋，食過白帶魚總算完成濟州島西南面的景點及餐廳，直接返回市內再訪熱鬧的濟州東門市場。
昨天太夜到來大部份店已關門，今日可以慢慢行。
行下睇下買下食下濟州出品同土產。
行完東門市埸後白帶魚同海鮮仍未落格，決定再去多間貨倉型式超市買手信。
一排幾乎見唔到盡頭既超長凍櫃。
貨架上既貨品完全係貨倉feel既陣容。
呢度雖然好多野賣，但唔係全部都係韓國貨，泡菜就有中國既出品。
而且好多貨品都要一大盒一大扎咁買或者係商用出品，所以好多都係睇到但買唔落手。
行過市埸又可以再戰，今日晚餐來到黑豚家本店。入到來已經接近last call，拿拿聲坐低開爐落單。
食物都上得極快。
店員又幫手燒呀燒，我地都配合食得好快。燒香既五花腩最好食，其他部位比較普通。
燒豬皮好正好香口。
肉類出品感覺比較一般，冷麵反而幾好食，湯汁濃麵又彈牙。
食飽番民宿係門口附近見到貓貓出沒。
今日都算好完滿又充實，可以安心番民宿食下生果同試下當地既泡麵及yogurt。
Pure Doombi 순수한 둠비(콩요리전문점)
37-11 Seomun-ro, 특별자치도 Jeju-si
64-747-1361
NOLMAN놀맨海鮮泡麵
제주시애월읍애월로1길24
064-799-3332
Tribe
2464, aewol-ri, Aewol-eup, Jeju-si
064-799-1031
Umu
542-1 Hallim-ro, Hallim-eup, Jeju-si
010-6705-0064
滿足的商會만족한상회
58-5 Jungmunsang-ro, Seogwipo-si
064-763-1388
Osulloc綠茶博物館
15 Sinhwayeoksa-ro, Andeok-myeon, Seogwipo-si, Jeju-do
064-794-5312
濟州東門市場동문재래시장
제주특별자치도 제주시 관덕로14길 20
064-752-3001
黑豚家
1509 Nohyeong-dong, Cheju, Jeju-do
82 64-747-0088
韓國濟州島首爾自駕自由行 Day1