釜山蒲項首爾自駕紅葉之旅 第二日 (竹島市場 韓牛湯飯평남식당 佛國寺 元祖奶奶章魚 Jeil Sea Eel 福順都家북순도가 Union Hotel 태기산더덕순대 )
第二日一早起身，先去蒲項竹島市場。
蒲項竹島市場以出售東海岸既新鮮海產聞名。
超過一千二百檔商家亦係東海岸最大漁市場之一。
除左魚檔夠多，咁大既市場當然都有乾貨濕貨同魚生店。
呢個時期當地出產既蟹當造，買蟹真係易過買菜。
市場附近有間出名既韓牛湯飯평남식당Pyeongnam Sikdang，行到就試一試。
店家已煮定一大窩牛肉湯。
白老師都有到訪過。
先食前菜打開胃口，終於食到辣度正常既泡菜。
奶白色和冒住煙既韓牛湯上檯。
湯汁果然帶濃郁肉香，飲落卻沒有牛燥味。
入面既牛肉片都唔少。
肉片唔會煮到又乾又硬，仍然食到肉味。
食完行多一陣市場，天氣開始凍，店舖貓都成個波咁。
除左蟹其他海鮮魚類都唔少。
鮟鱇魚都好有份量。
離開前買少少魚片乾。
下一站會到吐含山，走走超過一千四百年歷史及已成為UNESCO世界文化遺產的佛國寺。
欣賞寺廟之餘賞希望可以見到紅葉。
呢度開始見到似樣既紅葉。
原來寺內有六個文物已被定為韓國國寶。但時間關係唔可能行曬成個寺，行左大半個鐘就開車番釜山。
因為要坐KTX上首爾同還車，到達釜山先去食個早點開始既晚餐。
呢間元祖奶奶章魚店원조할매낙지係老店，主打辣炒章魚海鮮牛腸鍋。
餐牌組合不多。就叫章魚加蝦加韓牛腸鍋再加飯就好。
一路由上菜開火落菜又炒又煮，店員都會一手包辦。
煮好加係白飯上就食得。睇落幾辣食落又唔會，海鮮同腸油香會慢慢滲入白飯中。
食飽飯想食少少甜野，路過見到街檔紅豆鯛魚燒，就買兩件試下。
幾香脆餡料唔太甜。
見重有時間，去左扎嘎其市場個邊行下。
順便食埋盲鰻店Jeil Sea Eel제일산꼼장어장어구이先去搭KTX。
附近都有其他但既然呢間係食盲鰻名店，有位就試下。
時間無多就叫一條細既試試。
開火隔住錫紙煮十多分鐘就可以。
盲鰻肉質唔似鰻魚，口感實在食落彈牙，味道鮮甜亦完全唔似鰻魚。
完成盲鰻餐就係釜山KTX站附近還車。
KTX釜山站大堂都有唔少餐廳、麵包同外賣店。
行完個圈決定買飯卷，出爐熱狗同芝士包。
上車前經過間飲品店舖，原來係福順都家북순도가既自家馬格利酒專門店。
福順都家북순도가曾入選青瓦台國宴用酒，出品只用傳統手工釀製及只用韓國米，不用防腐劑及人工菌及經長期低溫發酵而成。最後忍唔住手買枝粉紅色濁酒。
步上屍殺列車。
上車坐好就開餐。濁酒開樽前不需搖勻，因打開一刻發酵後既天然碳酸會令米酒內在混和，所以只要以45度慢慢開樽就好。
飯卷十分足料，芝士包軟熟，出爐熱狗包身香甜。
食飽坐下訓下，過左兩個半鐘就到首爾站。
出站行十分鐘就到LOTTE首爾站租車點。
拎左車到江南永登浦區Union Hotel check-in。
Union Hotel check-in大堂。
間房四正夠大。
廁所乾濕分離。
放低行李都成12點半，就行去大約十分鐘腳程既24小時豬肉血腸湯飯店태기산더덕순대。
前菜同豬肉血腸湯飯上場，湯汁都係豬肉湯，唔算好濃味。
豬肉同血腸。
加番醬料帶番起湯個味就好好多。
另叫一份餃子湯，足料但味道一般。不過有間行得到既24小時又有熱湯既餐廳都收貨。
食完番去飲多啖福順都家濁酒，好好訓一覺聽朝再出動。
竹島市場
慶尚北道浦項市北區竹島市場13街13-1
054-247-3776
평남식당 Pyeongnam Sikdang
2-358 Jukdo-dong, Buk-gu, Pohang-si
054-247-9124
佛國寺
慶尚北道慶州市佛國路385
054-746-9913
元祖奶奶章魚 원조할매낙지400-1 Myeongnyun-dong, Dongnae-gu, Busan
051-643-5037
Jeil Sea Eel 제일산꼼장어장어구이
65 Jagalchihaean-ro, Jung-gu, Busan
51-245-8990
福順都家북순도가
2/F Busan KTX Station
UNION HOTEL
136 Yangpyeong-ro, Yeongdeungpo-gu, Seoul
82-2-26751214
태기산더덕순대 (24小時)
106 Yangpyeong-ro, Yeongdeungpo-gu, Seoul
82-2-2678-1360