大阪京都神戶馬拉松之旅 第三日 (神戶馬拉松 大阪市 越中屋立食壽司 teamLab Botanical Garden Osaka 南たこ梅關東煮 炭火焼とりえんや難波3号店)

 
今朝六點幾就起身落街，因為七點前要完成早餐，俾兩個鐘個胃消化，等九點馬拉松起跑前消化曬個早餐。有間炸豬扒開24小時，但炸野都係等跑完先食，因驚太油又難消化。
六點幾既神戶唔係太多早餐選擇，好彩附近都有兩間松屋。
松屋食牛肉飯係指定動作，順便加多個飯。
食完兩大碗後飽到上心口。
行下晨早既神戶街頭幫助消化。
八點九左右真係要落樓去起點。
40公里後跑到最辛苦既神戶大橋，見過海景後落橋就係終點。

都算順利用左唔使四個鐘跑完，嗱嗱聲趕番酒店沖涼，執野起程番大阪check-in同食午餐。今晚住Hotel Resol Trinity Osaka，呢邊比較靜同酒店有得泊車。
Check-in area都好有style。一樓走廊盡頭係溫泉入口。
房間好新淨，房內裝潢亦好有氣氛。

放好行李就去食飯，呢餐本來想試天下茶屋既一間關東煮但唔成功，結果去左立食壽司店越中屋。
網上資料顯示開下午五點，四點幾去到門口見到店主已在恭候。店內只有一人，店主亦是壽司師傅，店內亦只有企位。
二話不說見到今日推介都叫黎試下，Toro肥美而魷魚鮮甜。
加上店主推介每人食左6件壽司。
雖不是每件壽司都喜歡，但這樣近距離跟師傅互動及交流十分有趣，也是很難忘的經驗。

食飽就去大阪長居植物園。
今晚book左大阪長居植物園既teamLab Botanical Garden Osaka。
早一日在上網訂好票。
等入園的一刻。

每一區都有不同主題。
園內的不同區域。
不同色彩的配合在夜色下特別耀眼。
遊客也可置身其中。

動感滿滿的效果。

離園後北上，去番旺區試另一間關東煮的南たこ梅關東煮。
對關東煮不陌生但也不算熟悉，所以到來除了食之外，也想見識正統既關東煮出品。
叫了幾款常見又認得出既食品試下。
關東煮既靈魂應該係湯汁。
簡單如蘿蔔，看色水已知夠入味，沒想到經湯汁入侵後，蘿蔔香甜得跟吃甜品沒兩樣。
軟糯既年糕不但沒給湯汁煮到稀爛，米香在湯汁襯托下更突出。
吸了湯的豆品也是豆香跟鮮味滿瀉。
在眾多關東煮食材中也不可不提雞蛋同蔬果，因在湯汁加持下，食材的鮮味也昇華到另一層次。
如無意外下次到大阪會再回來。

食完關東煮感覺除了美味，胃口竟然比入店前更好，便立即走訪附近一間風評不錯既串燒店炭火焼とりえんや。雖有胃口但體能已到紅線下，就快快叫幾串肉類試下。
前菜都係下酒好品，就算配汽水或烏龍茶也不錯。
串燒未到先吃芝味香濃既拉絲芝士山藥。
等了20分鐘串燒先出現，店家是即叫即燒慢工出細貨，雞翼的金黃程度真係少見。
人已散散地意識有點朦糊，但吃得出串燒都很香口。除了味道最有感莫過於串燒既溫度，近年偶爾吃串燒但總吃不到燙口出品，呢度卻幾乎每款都吃到燙口感覺。這串金黃既ぼんじり即雞patpat完全見不到有燒焦位兼入口熱燙，証明店家燒得用心。
最後來個雜炊及甜品補充一下澱粉及糖份，終於可以番酒店好好訓一覺。

Hotel Resol Trinity Osaka
2-6-6 Koraibashi, Chuo-ku, Osaka-shi, Osaka
06-6229-9269

越中屋立食壽司
大阪西成区岸里1-1-9 ショップ南海 天下茶屋站

teamLab Botanical Garden Osaka
大阪市東住吉区長居公園1-23長居植物園

南たこ梅 關東煮
大阪市中央區難波1-7-16
06-6213-6218

炭火焼とりえんや難波3号店
大阪市中央区難波千日前3-5
06-6633-8055

大阪京都神戶馬拉松之旅 第一日

大阪京都神戶馬拉松之旅 第二日

大阪京都神戶馬拉松之旅 第三日