2024韓國櫻花之鎮海軍港櫻花節 진해군항제 (餘左川 慶和站)

除左日本可在春天賞櫻花，近年都興起韓國櫻花遊，今年三月底到四月頭就走了一轉，到慶尚南道感受一下2024鎮海櫻花節的盛況。
以下係有關連結

Visit Korea鎮海軍港節

Visit Korea官方2024年韓國櫻花開花期預測

韓國Weather Korea開花日子預測

去鎮海前一晚先到麗水休息，因為麗水都算近鎮海又冇咁釜山或鎮海咁多遊客。
一朝早在麗水市場附近行一行，已見到幾顆櫻花樹。
食完早餐到達鎮海約一點，聽到震耳飛機聲，原來有幾架戰機噴住5色彩帶係上空飛過，真係好震撼。
未睇櫻花先有挑戰，因為有極大量汽車湧入鎮海，市中心泊車位真係一位難求，不過市內既學校或橫街街邊都會變成泊車位，肯行遠d都可以搵到位。鎮海櫻花節主要有3個櫻花景點，包括市西沿著餘左川溪流兩旁約1.5公里櫻花夾道的步道，慶和站內櫻花群盛放的鐵路圍園，以及可以揸車上山兜風順道賞櫻既山上安民嶺十里櫻花路。由於市內極多外來車，加上旅遊巴及為左櫻花節加開既免費市內穿梭巴士線，塞車非常嚴重，所以今次只去餘左川櫻花道及慶和站櫻花群。
先去餘左川溪流櫻花夾道的步道行下。其實未到餘左川溪流，已見櫻花夾道，好多遊人已忍不住坐住車都開始打咭。
愈近川溪流就愈多櫻花樹。
去到餘左川溪流旁更不得了。
櫻花樹夾道而開。
超過1公里既川流兩邊都係密麻麻既櫻花樹。
影相既話想要櫻花打爆個畫面?冇難度可言。
川流中間亦有襯托櫻花樹既擺設。
打直向前或後望都係一整排櫻花。
叫得做節慶當然有市場同藝術文化表演等活動，不過除左櫻花，最吸引自己既都係溪流沿途有餐廳同大量小食供應。
沿川流由北向南，去到鎮海站前的大街Chungjang-ro，就可見到免費市內穿梭巴士線。
上左藍色既4號線順便休息下。到慶和站對面落車。
慶和站入口。
慶和站櫻花群跟火車。
櫻花群跟餘左川不同，唔係兩列排開。
而係站內周圍都有櫻花樹群。
樹下有唔少攤檔，可以一邊賞櫻一邊遊玩。
站內亦有表演助慶。
睇完表演要番去餘左川個邊攞車，等shuttle既時候食少少野補充體力。
番到餘左川仍然非常熱鬧。
開車離去前仍可順道欣賞櫻花群。