社區社企 : 秀樺廚房 x The Edible Projects (T.E.P.)

 
某日經過深水埗，發現內街有個同周圍舖頭格格不入既淺綠色門面，走近睇真原來係餐廳，就mark低先weekend來幫襯。來到門口上網搵下先知原來係社企，秀樺廚房 x The Edible Projects (T.E.P.)為自閉症青年提供培訓和就業機會，並支援有特殊學習需要成員及低收入家庭既社企餐廳。
既來之食左先，當日比較早到成為第一檯客人。
今日唔算好餓，自家種植羽衣甘藍上湯豬肉餃加紅酒燴牛尾意粉已夠食。
另有All day breakfast、甜品咖啡和其他飲品供應。
自家種植羽衣甘藍上湯豬肉餃先到。
餃身型態飽滿。
入口菜肉比例還好，而羽衣甘藍雖是superfood但一向怕了它的甘苦，今天一嚐甘苦味卻消失得無影無蹤。
紅酒燴牛尾意粉隨後送上。意粉跟牛尾份量都不少。
牛尾夠大件所以連骨既牛尾肉也多，食落也夠淋又入味帶點酒香餘暉。不過意粉較普通也多了點水份。
飲品試左紅石榴多多沙冰，飲落感覺真材實料，用左唔少紅石榴肉去做，飲到底既沙冰都重有紅石榴香甜。
如有機會下午茶時間經過附近，會再試下咖啡及甜點出品。

秀樺廚房 x The Edible Projects (T.E.P.)
深水埗鴨寮街86-88號地舖CFS18號舖
TEL : 2638 8079