2024福岡及貓島之旅 - 第4天 (白金茶房 麵道はなもこし LOPIA超市友都八喜店 那之福飛魚醬油咖哩烏龍麵)

 
最後一日行程簡單，朝早pancake早餐，中午前來個early lunch，食飽番市中心行街買手信後準備出發到機場，有時間的話會上機前食多餐。
Check out簡單快靚正，再來都會考慮住番呢間APA。
拎埋行李去博多站，鎖入locker先去食早餐。
今早已訂好位，去試試聽聞已久既白金茶房。
座位分佈在不同樓層。

來到這裡pancake可說是必吃，不好pancake的話當然都可以到來，但不叫pancake就沒甚選擇。
一個Pancake份量唔少，加上生果伴碟的話一個人未必食得完，所以歡迎客人分享食物。加埋糖槳就可以開動。
Pancake係好鬆軟，夠熱度入口又有香氣，鍾意pancake既應該可以一個人ko一份吧。

同樣在福岡市，tabelog有3.69評分的麵道はなもこし早在2014年已在當年的行程內，不過當年都要預早一小時排隊才可能第一輪入座，但團友人多兼行程緊湊，在唐戶市場、江戸前鮨二鶴、唐津呼子朝市及麵道はなもこし的選擇中最後放棄了這裡。今日吃罷pancake想起這裡，發覺竟在半小時車程內，而且才剛吃飽，去到門口再等一小時開門都得，決定食埋先番香港。
門外告示。
準時開門入座。
下單後等10多分鐘就有得食，濃厚雞湯粗麵在上檯一刻已聞到雞湯氣味。
飲落順喉且鮮味澎湃但又帶一點豚骨餘韻。
帶麥香的麵身雖粗一點但也掛湯。
深橙色的玉子夠流心，雞片不算多卻軟嫩。
另一碗中華幼麵帶濃郁魚介味，吃罷再找資料原來店家用了羅臼海帶、鯖魚和鰹魚片煮湯汁。
幼麵麵身入口爽滑，掛湯能力比粗麵更好。
今日總算完成了多年前未完成的行程。
吃飽就是手信時間，先去博多站作最後衝刺。
去機場前上一轉LOPIA超市友都八喜店買埋水果就出發。
去到機場check-in過完境重有時間，行去睇下跑道風景。
睇睇下心想不如食多餐先上機，候機大堂冇咩選擇，呢間那之福飛魚醬油咖哩烏龍麵已係最似樣既一間。
烏龍麵既醬油咖哩真係夠惹味，蜆肉烏龍麵既蜆肉多到食極都有。
今次行程豐富，去左貓島之外，訂左既7間餐廳都有水準或有驚喜，希望下次到來可以發掘更多美食。
白金茶房
福岡市中央白金1-11-7
050-5456-1116

麵道はなもこし
福岡市中央区薬院2-4-35 エステート・モアシャトー薬院1F

唐戶市場
下關市唐戶町5-50
083-231-0001

江戸前鮨 二鶴
北九州市小倉北区足立1丁目4-31
093-531-2442

唐津呼子朝市
唐津市呼子町呼子朝市通り
0955-82-3426

LOPIA超市友都八喜店
福岡市博多駅中央街6-12　ヨドバシ博多4F
092-432-0298

那之福飛魚醬油咖哩烏龍麵
福岡國際線客運大樓 4F
092-710-4624
2024福岡及貓島之旅 - 第1天

2024福岡及貓島之旅 - 第2天

2024福岡及貓島之旅 - 第3天

2024福岡及貓島之旅 - 第4天