[世界盃外圍賽] 港隊 0:1 憾負伊拉克賽後感
世界盃亞洲區外圍賽 C 組尾二一輪賽事，香港隊 0:1 不敵伊拉克。
港隊今場以 4-5-1 陣式出戰伊拉克，陣容上亦作出咗三個調動，由羅拔圖、黃威同夏志明取代唐健文、梁冠聰同孫銘謙擔任正選，戰術上仍然以穩守突擊為主。
正選陣容
GK 1 葉鴻輝
RB 2 徐宏傑
CB 4 馮慶燁 (46' 由 20 余煒廉 入替)
CB 5 艾里奧LB 17 陳晉一
RM 9 安永佳
CM15 羅拔圖
CM 6 黃洋
CM12 迪高 (86' 由 8 顏樂楓 入替)
LM 10 黃威 (74' 由 13 鄭兆均 入替)
ST14 夏志明 (57' 由 7 孫銘謙 入替)
防守篇
無論係上場對伊朗抑或係今場對伊拉克，港隊防守上都有好表現，分工清晰、有系統。首先中場同後衛會壓縮空間令對手難以喺心臟地帶大造文章，中路防守方面，三中場有效嘅遮線絕對係後防前嘅一道有效屏障；而邊路方面左右翼嘅黃威、安永佳都會回得比較深協助雙閘防守，以防對手邊路 overload 或利用 half space 位置製造威脅。即使對手能夠傳中，一對中堅面對高空波時大多都能夠頭鎚解圍。可惜今場早段輸咗球烏龍波，而最後亦以同樣比數落敗。
反擊篇
由守轉攻係穩守突擊戰術之中最重要一環，可惜港隊缺乏能夠箍波而且敢用波、擅於用波之人，今次陣容中符合呢三個條件嘅幾乎只有黃威一個，呢兩場賽事喺港隊成功防守奪得控球權後佢好多時都能夠保持控球，再向前盤球或作出傳送。正因為咁，港隊嘅反擊好多時都係向前長傳，希望可以依靠留喺前場等待機會嘅「子彈」夏志明以速度突破對手防線。可惜面對住伊拉克，向來以速度見稱嘅「子彈」都未能佔到甜頭，而背身護球亦唔係佢嘅強項，所以今場港隊都未能靠反擊製造太多威脅。
改善篇
1. 臨場調動要更果斷
今場大部份時間落後 0:1 下，我認為去到尾段需要勇敢啲放手一搏。今場領隊麥柏倫作出嘅四個調動基本上都係位換位，而且保持住三防中到完場，我覺得呢個情況下絕對可以考慮抽起一個防中換入鍾偉強加強攻力。
除此之外，港隊逼搶開始得太遲，明白一定程度上有體能嘅顧慮，但我更認為領隊可以更早換人。鄭兆均 74 分鐘入替後下個調動已經係 86 分鐘顏樂楓入替迪高，而且仲剩低一個換人名額。雖然去到比賽末段球員體力可能都已經消耗得七七八八，但相信佢哋加上啱啱落場嘅新血都能夠應付到小範圍逼搶，而最重要嘅係即使對方係伊拉克，港隊末段嘅一輪逼搶都能夠令佢哋多咗好多失誤，從而增加自己控球同組織嘅機會。
2. 安永佳續任正前鋒
喺速度上未能佔優嘅情況下，由安永佳擔任正前鋒作為前場支點會係一個更好嘅選擇。無論係上場對伊朗擔任前鋒，抑或係今場出任右翼，都見到佢有唔錯嘅頭鎚同護球能力，甚至可以引球向前推進，相信佢有能力喺反擊中擔任前場支點嘅角色，等待隊友跟上，從而策動反擊。
3. 顏樂楓出任正選
綜觀呢兩場比賽港隊中場防守時都係以遮線為主，略為被動，而且反擊時即時現位嘅球員唔多，針對呢兩點我認為「光頭」顏樂楓值得一個出任正選嘅機會。雖然佢今季受傷患困擾，但傷愈後佢喺港超聯都有唔錯嘅表現；而且佢跑動多、覆蓋範圍廣、痴身，可以為港隊中場線添加活力，喺現時以遮線為主嘅中場防守中加入主動上搶嘅原素。
4. 徐宏傑先係港隊左閘真命天子？
香港球壇有個有趣現象，如果你係一個左腳進攻球員，你好大機會都要客串一下左閘，陳晉一如是，鍾偉強如是，孫銘謙如是。陳晉一喺過去兩場都擔任正選左閘，撇除首度成為大港腳出戰國際賽怯場嘅因素，從佢嘅身體語言其實都睇得出佢防守意識不足；又或者咁講，佢骨子裏就係一個進攻球員。綜觀今次港隊名單，能夠勝任右閘嘅有唐健文、羅拔圖、羅梓駿，安排可以踢晒左右閘同中堅嘅後防萬能 key 徐宏傑出任左閘會唔會係最好嘅安排呢？
感想篇
輸 0:1 固然覺得唔抵，但見到琴晚尾段時港隊球員嘅逼搶，羅拔圖、鄭兆均、顏樂楓等人不斷鼓勵隊友同帶動隊友推高戰線，實在有種熱血感動嘅感覺。
縱然比賽輸，但精神唔可以輸，希望港隊可以好好休息，下場對巴林踢一場好波俾大家睇！
香港加油！
港隊今場以 4-5-1 陣式出戰伊拉克，陣容上亦作出咗三個調動，由羅拔圖、黃威同夏志明取代唐健文、梁冠聰同孫銘謙擔任正選，戰術上仍然以穩守突擊為主。
正選陣容
GK 1 葉鴻輝
RB 2 徐宏傑
CB 4 馮慶燁 (46' 由 20 余煒廉 入替)
CB 5 艾里奧LB 17 陳晉一
RM 9 安永佳
CM15 羅拔圖
CM 6 黃洋
CM12 迪高 (86' 由 8 顏樂楓 入替)
LM 10 黃威 (74' 由 13 鄭兆均 入替)
ST14 夏志明 (57' 由 7 孫銘謙 入替)
防守篇
無論係上場對伊朗抑或係今場對伊拉克，港隊防守上都有好表現，分工清晰、有系統。首先中場同後衛會壓縮空間令對手難以喺心臟地帶大造文章，中路防守方面，三中場有效嘅遮線絕對係後防前嘅一道有效屏障；而邊路方面左右翼嘅黃威、安永佳都會回得比較深協助雙閘防守，以防對手邊路 overload 或利用 half space 位置製造威脅。即使對手能夠傳中，一對中堅面對高空波時大多都能夠頭鎚解圍。可惜今場早段輸咗球烏龍波，而最後亦以同樣比數落敗。
反擊篇
由守轉攻係穩守突擊戰術之中最重要一環，可惜港隊缺乏能夠箍波而且敢用波、擅於用波之人，今次陣容中符合呢三個條件嘅幾乎只有黃威一個，呢兩場賽事喺港隊成功防守奪得控球權後佢好多時都能夠保持控球，再向前盤球或作出傳送。正因為咁，港隊嘅反擊好多時都係向前長傳，希望可以依靠留喺前場等待機會嘅「子彈」夏志明以速度突破對手防線。可惜面對住伊拉克，向來以速度見稱嘅「子彈」都未能佔到甜頭，而背身護球亦唔係佢嘅強項，所以今場港隊都未能靠反擊製造太多威脅。
改善篇
1. 臨場調動要更果斷
今場大部份時間落後 0:1 下，我認為去到尾段需要勇敢啲放手一搏。今場領隊麥柏倫作出嘅四個調動基本上都係位換位，而且保持住三防中到完場，我覺得呢個情況下絕對可以考慮抽起一個防中換入鍾偉強加強攻力。
除此之外，港隊逼搶開始得太遲，明白一定程度上有體能嘅顧慮，但我更認為領隊可以更早換人。鄭兆均 74 分鐘入替後下個調動已經係 86 分鐘顏樂楓入替迪高，而且仲剩低一個換人名額。雖然去到比賽末段球員體力可能都已經消耗得七七八八，但相信佢哋加上啱啱落場嘅新血都能夠應付到小範圍逼搶，而最重要嘅係即使對方係伊拉克，港隊末段嘅一輪逼搶都能夠令佢哋多咗好多失誤，從而增加自己控球同組織嘅機會。
2. 安永佳續任正前鋒
喺速度上未能佔優嘅情況下，由安永佳擔任正前鋒作為前場支點會係一個更好嘅選擇。無論係上場對伊朗擔任前鋒，抑或係今場出任右翼，都見到佢有唔錯嘅頭鎚同護球能力，甚至可以引球向前推進，相信佢有能力喺反擊中擔任前場支點嘅角色，等待隊友跟上，從而策動反擊。
3. 顏樂楓出任正選
綜觀呢兩場比賽港隊中場防守時都係以遮線為主，略為被動，而且反擊時即時現位嘅球員唔多，針對呢兩點我認為「光頭」顏樂楓值得一個出任正選嘅機會。雖然佢今季受傷患困擾，但傷愈後佢喺港超聯都有唔錯嘅表現；而且佢跑動多、覆蓋範圍廣、痴身，可以為港隊中場線添加活力，喺現時以遮線為主嘅中場防守中加入主動上搶嘅原素。
4. 徐宏傑先係港隊左閘真命天子？
香港球壇有個有趣現象，如果你係一個左腳進攻球員，你好大機會都要客串一下左閘，陳晉一如是，鍾偉強如是，孫銘謙如是。陳晉一喺過去兩場都擔任正選左閘，撇除首度成為大港腳出戰國際賽怯場嘅因素，從佢嘅身體語言其實都睇得出佢防守意識不足；又或者咁講，佢骨子裏就係一個進攻球員。綜觀今次港隊名單，能夠勝任右閘嘅有唐健文、羅拔圖、羅梓駿，安排可以踢晒左右閘同中堅嘅後防萬能 key 徐宏傑出任左閘會唔會係最好嘅安排呢？
感想篇
輸 0:1 固然覺得唔抵，但見到琴晚尾段時港隊球員嘅逼搶，羅拔圖、鄭兆均、顏樂楓等人不斷鼓勵隊友同帶動隊友推高戰線，實在有種熱血感動嘅感覺。
縱然比賽輸，但精神唔可以輸，希望港隊可以好好休息，下場對巴林踢一場好波俾大家睇！
香港加油！