[世界盃外圍賽] 香港對巴林前瞻
世界盃亞洲區外圍賽 C 組最後一輪賽事，港隊會喺聽晚挑戰有主場之利嘅巴林。兩隊對上一次交手係喺 2019 年嘅世界盃亞洲區外圍賽首循環賽事，當時港隊喺主場同對手踢成 0:0。
睇翻上次正選陣容，港隊都係以 4-5-1 陣容出戰，只不過當時嘅正選陳俊樂、梁諾恆、羅素今次都因為所效力嘅中超或中甲球會唔肯放人而冇得出戰，而當日嘅正選前鋒基奧雲尼都已經唔喺大軍名單之中，對港隊無論係進攻定防守上都有一定影響。
預計陣容預計領隊麥柏倫依舊會排出 4-5-1 陣容出戰並沿用穩守突擊嘅戰術。雖然巴林有主場之利，但佢哋嘅實力始終比起前兩仗對手伊朗、伊拉克較弱，加上係最後一場比賽，相信麥柏倫都唔想 3 戰 0 分而回，用人上會進取翻少少。
後防
門將：葉鴻輝
雖然港隊前兩仗一共失咗四球，但葉鴻輝整體表現都好穩陣，如無意外佢都會繼續為港隊把守最後一關。
四後衛：唐健文、余煒廉、艾里奧、陳晉一
陣容中最大嘅變動係由余煒廉出任正選中堅。上場面對伊拉克時麥柏倫喺 46 分鐘就以余煒廉入替喺上半場初段擺烏龍嘅馮慶燁，相信佢對馮慶燁嘅表現非常不滿；反而後備入替嘅余煒廉表現有驚喜，不論面對對方靈活型前鋒穆罕拿德阿里抑或柱躉式前鋒侯辛都不落下風，相信對巴林一仗佢將會夥拍穩健嘅艾里奧鎮守後防中路。雙閘方面，由於徐宏傑累積兩面黃牌需要停賽，右閘相信會由上場輪休嘅唐健文復任，而左閘則沿用陳晉一。
五中場：孫銘謙、羅拔圖、黃洋、顏樂楓、黃威
過去兩仗負責港隊中路防守嘅三中場遮線都有好表現，但考慮到港隊有需要加強轉守為攻、搶奪球權嘅表現下，由「光頭」顏樂楓出任其中一名正選中場更為合適。喺左右中場嘅位置上，港隊嘅穩守突擊戰術需要攻得又肯防守嘅球員，黃威、孫銘謙跑動積極、敢於突破，前者更係港隊名單中組織能力中最好嘅球員，相信麥柏倫會安排二人正選上陣。
單前鋒：安永佳
第一場大港腳比賽就入波，加上對上兩場展現嘅頭鎚、護球同作為前線支點嘅能力，安永佳無疑係港隊鋒線上嘅首選。而「子彈」夏志明則可以擔當後備殺手，當下半場對手體力下降時，佢嘅速度或者可以帶嚟驚喜。
心水陣容
上面預計完麥柏倫嘅排陣，呢度都分享下自己心水。我心水陣容同預計陣容大致一樣，不過左閘位置會由羅梓駿代替「一仔」陳晉一。
回顧上兩場港隊左路防守其實唔太穩陣，而上場一仔同黃威防守都有幾次走漏眼或者跟唔足嘅情況出現。喺顧及港隊嘅進攻同組織能力為前提下，黃威會繼續正選，而左閘位置我更傾向安排防守能力較好嘅羅梓駿出任。
最後，大家記得聽晚12點半(即係16/6凌晨)一齊睇直播，撐港隊！到時Now E會有免費直播，只要輸入「COMEONHK」就可以收睇！
香港加油！We are HONG KONG!!
睇翻上次正選陣容，港隊都係以 4-5-1 陣容出戰，只不過當時嘅正選陳俊樂、梁諾恆、羅素今次都因為所效力嘅中超或中甲球會唔肯放人而冇得出戰，而當日嘅正選前鋒基奧雲尼都已經唔喺大軍名單之中，對港隊無論係進攻定防守上都有一定影響。
預計陣容預計領隊麥柏倫依舊會排出 4-5-1 陣容出戰並沿用穩守突擊嘅戰術。雖然巴林有主場之利，但佢哋嘅實力始終比起前兩仗對手伊朗、伊拉克較弱，加上係最後一場比賽，相信麥柏倫都唔想 3 戰 0 分而回，用人上會進取翻少少。
後防
門將：葉鴻輝
雖然港隊前兩仗一共失咗四球，但葉鴻輝整體表現都好穩陣，如無意外佢都會繼續為港隊把守最後一關。
四後衛：唐健文、余煒廉、艾里奧、陳晉一
陣容中最大嘅變動係由余煒廉出任正選中堅。上場面對伊拉克時麥柏倫喺 46 分鐘就以余煒廉入替喺上半場初段擺烏龍嘅馮慶燁，相信佢對馮慶燁嘅表現非常不滿；反而後備入替嘅余煒廉表現有驚喜，不論面對對方靈活型前鋒穆罕拿德阿里抑或柱躉式前鋒侯辛都不落下風，相信對巴林一仗佢將會夥拍穩健嘅艾里奧鎮守後防中路。雙閘方面，由於徐宏傑累積兩面黃牌需要停賽，右閘相信會由上場輪休嘅唐健文復任，而左閘則沿用陳晉一。
五中場：孫銘謙、羅拔圖、黃洋、顏樂楓、黃威
過去兩仗負責港隊中路防守嘅三中場遮線都有好表現，但考慮到港隊有需要加強轉守為攻、搶奪球權嘅表現下，由「光頭」顏樂楓出任其中一名正選中場更為合適。喺左右中場嘅位置上，港隊嘅穩守突擊戰術需要攻得又肯防守嘅球員，黃威、孫銘謙跑動積極、敢於突破，前者更係港隊名單中組織能力中最好嘅球員，相信麥柏倫會安排二人正選上陣。
單前鋒：安永佳
第一場大港腳比賽就入波，加上對上兩場展現嘅頭鎚、護球同作為前線支點嘅能力，安永佳無疑係港隊鋒線上嘅首選。而「子彈」夏志明則可以擔當後備殺手，當下半場對手體力下降時，佢嘅速度或者可以帶嚟驚喜。
心水陣容
上面預計完麥柏倫嘅排陣，呢度都分享下自己心水。我心水陣容同預計陣容大致一樣，不過左閘位置會由羅梓駿代替「一仔」陳晉一。
回顧上兩場港隊左路防守其實唔太穩陣，而上場一仔同黃威防守都有幾次走漏眼或者跟唔足嘅情況出現。喺顧及港隊嘅進攻同組織能力為前提下，黃威會繼續正選，而左閘位置我更傾向安排防守能力較好嘅羅梓駿出任。
最後，大家記得聽晚12點半(即係16/6凌晨)一齊睇直播，撐港隊！到時Now E會有免費直播，只要輸入「COMEONHK」就可以收睇！
香港加油！We are HONG KONG!!