[世界盃外圍賽] 港隊大敗予巴林賽後感
世界盃亞洲區外圍賽 C 組最後一輪賽事，香港隊 0:4 巴林，以一場大敗結束世界盃外圍賽之旅。
港隊今場依舊以 4-5-1 陣式出戰，主打穩守突擊。進攻方面，今場安永佳復任正前鋒，左右中場派出咗新組合，左邊係「羅梓」羅梓駿，右邊係「均仔」鄭兆均；而後防線就有余煒廉取代停賽嘅徐宏傑出任右閘，基頓取代馮慶燁出任正選中堅。
正選陣容
GK 1 葉鴻輝
RB 20 余煒廉 (61' 由 22 曾錦濤 入替)CB 23 基頓 (83' 由 4 馮慶燁 入替)
CB 5 艾里奧
LB 17 陳晉一
RM13 鄭兆均 (75' 由 21 唐健文 入替)
CM15 羅拔圖
CM6 黃洋
CM12 迪高 (61' 由 14 夏志明 入替)
LM 3 羅梓駿 (61' 由 11 鍾偉強 入替)
ST 9 安永佳
防守篇
同上兩仗一樣港隊依然維持緊密而且有系統嘅防守，兩翼回收與雙閘合作防守邊路及 half space，今場十分有效，因為巴林主要進攻板斧就係放直線或者過頭波去攻擊邊路或 half space 位置，佢哋一傳波我哋嘅球員都能夠即刻緊貼，好少走漏；加上門將葉鴻輝亦比上兩場有更大更廣嘅出迎範圍，令巴林喺禁區內只有寥寥可數嘅機會，變相只可以靠遠射製造威脅。但今場港隊中場除咗遮線之外更會主動上前逼搶，令對手冇乜機會起腳，即使成功起腳遠射都考驗唔到葉鴻輝，港隊上半場嘅防守可以話係固若金湯。
可惜換邊後球員專注度下降，又或者係唔習慣巴林加大力度嘅一輪急攻，導致五分鐘內連失兩球，直接打散港隊軍心，並喺比賽較後時間再失兩球，最後以 0:4 落敗。
進攻篇
今場港隊比前兩場有更多進攻及反擊機會，差啲成功入波，尤其喺上半場港隊多次成功逼搶，球員亦有積極向前跑動配合，令今場唔再只得大腳傳俾安永佳一道反擊板斧。最記得係上半場初段迪高一個直線直接劏穿對方防線俾 cut in 嘅「均仔」追，可惜力道大咗少少，俾對方門將出迎化解危機。
不過整體嚟講球員喺進攻時默契不足令進攻容易斷纜，例如有時隊友向前走但就傳咗個身後波，有時前場想逼但又只有一人配合等等。去到下半場由於體能下降，港隊減少逼搶，雖然仍然能夠靠反擊製造一啲威脅，可惜都把握唔到機會未能破蛋。
改善篇
1. 謎之換人
先讚咗麥柏倫今場能夠果斷換人先。比賽去到 61 分鐘，當時港隊落後緊兩球，麥柏倫果斷作出咗三個調動並變陣 4-4-2 希望加強攻力，分別係位換位以曾錦濤入替下半場跌 watt 嘅余煒廉，抽起一名防中換入「子彈」同埋由鍾偉強入替「羅梓」。
前兩個調動都好正路，但對於最後一個換人我就有少少懷疑：首先「羅梓」今場其實表現唔錯，如果想加強攻力嘅話將佢同「一仔」位置對調已經可以 (詳情請睇第 2 點)；而且如果港隊想轉打法想攻嘅話，換入更擅於護球、組織嘅黃威係咪更適合呢？
但最大問題係跟住落嚟嗰個調動，琴晚我睇到係想直接熄機：75 分鐘時麥柏倫用唐健文入替今場表現活躍嘅「均仔」，就好似宣佈放棄比賽一樣。事後睇翻知道「均仔」有少少抽筋，換佢係無可否非，但換入一名防守球員係咪最理想嘅做法呢？當時已經輸緊 0:3，如果想放手一搏爭取入球嘅話後備席上仍然有孫銘謙、黃威兩位進攻球員；就算唔想搏，咁不如善用剩餘時間俾年輕球員如孫銘謙落場去吸收一下比賽經驗，畢竟香港球員無論喺國家隊或球會層面上都較少機會同其他國家嘅球員交手，能夠有呢啲經驗十分寶貴。
再者，去到下半場中後段時由於港隊由 4-5-1 轉陣 4-4-2，由原本嘅三中場變成兩中場，加上體能下降嘅關係，一對中場黃洋、羅拔圖覆蓋範圍減少咗好多。呢個時候以「光頭」顏樂楓入替其中一名中場去保持中場活力同覆蓋範圍又會唔會係一個更好嘅選擇呢？
2. 既然出一仔左閘羅梓左翼不如調翻轉個位「一仔」左翼、「羅梓」左閘可以令港隊反擊更有威脅，而且對兩位球員嘅發展更有幫助。首先佢哋本身喺球會就係咁踢，唔知點解去到港隊反而調轉咗。而兩位球員最大分別係前者係一名左腳球員，後者則係一名右腳球員。呢個分別喺防守上影響不大，因為港隊執行穩守突擊下閘同翼都要一齊防守。但去到反擊時，由於巴林球員速度高、回防快，「羅梓」好少機會可以 cup 後就翻隻右腳，結果被逼要用左腳傳中，影響傳球質素；而「一仔」因為慣用左腳嘅關係就唔會有呢個問題，況且本身佢傳中嘅能力就比「羅梓」好。長遠嚟講「一仔」應該踢翻進攻位置，唔好浪費佢嘅天賦及能力。
3. 羅馬非一日建成之進攻表現有待改善
除咗依靠安永佳作為前場支點嘅能力停球護球等待隊友後上反攻之外，今場見到港隊好多成功逼搶快速反擊嘅畫面，而中場球員都較上兩場有更積極嘅向前跑動，兩翼兩閘都多咗疊瓦式助攻。可惜隊友之間仍然默契欠奉，不時出現隊友走啱位但傳失波嘅情況；再者，港隊依然缺少一名擅於組織嘅球員，間接拖慢咗進攻或反擊節奏，而且球員好多時都唔敢控波用波，又或者俾人一逼就甩。
呢啲問題都唔係一朝一夕可以解決，個人層面上，每位球員都需要不斷訓練同憑藉比賽吸收經驗去提升個自己嘅能力、技術；而團隊方面，足總應該為港隊安排更多友誼賽令球員可以適應外面強度高、節奏快嘅比賽，同時建立隊員之間嘅默契同港隊自己嘅踢法、風格，咁先可以提升港隊實力。
總結
雖然世界盃亞洲區外圍賽已經結束，但香港足球發展仍然有好長嘅路要行。麥柏倫嘅合約將會喺月底屆滿，足總嚟緊就會開會討論決定定佢嘅去留，時間許可嘅話我希望能夠喺足總宣佈結果前講講自己睇法。
另外，一星期後亞冠、亞協就會揭開戰幔，傑志會代表香港出戰亞冠，而東方、理文則會出戰亞協，請大家繼續支持香港足球，為香港打氣！
香港加油！We are HONG KONG !!
港隊今場依舊以 4-5-1 陣式出戰，主打穩守突擊。進攻方面，今場安永佳復任正前鋒，左右中場派出咗新組合，左邊係「羅梓」羅梓駿，右邊係「均仔」鄭兆均；而後防線就有余煒廉取代停賽嘅徐宏傑出任右閘，基頓取代馮慶燁出任正選中堅。
正選陣容
GK 1 葉鴻輝
RB 20 余煒廉 (61' 由 22 曾錦濤 入替)CB 23 基頓 (83' 由 4 馮慶燁 入替)
CB 5 艾里奧
LB 17 陳晉一
RM13 鄭兆均 (75' 由 21 唐健文 入替)
CM15 羅拔圖
CM6 黃洋
CM12 迪高 (61' 由 14 夏志明 入替)
LM 3 羅梓駿 (61' 由 11 鍾偉強 入替)
ST 9 安永佳
防守篇
同上兩仗一樣港隊依然維持緊密而且有系統嘅防守，兩翼回收與雙閘合作防守邊路及 half space，今場十分有效，因為巴林主要進攻板斧就係放直線或者過頭波去攻擊邊路或 half space 位置，佢哋一傳波我哋嘅球員都能夠即刻緊貼，好少走漏；加上門將葉鴻輝亦比上兩場有更大更廣嘅出迎範圍，令巴林喺禁區內只有寥寥可數嘅機會，變相只可以靠遠射製造威脅。但今場港隊中場除咗遮線之外更會主動上前逼搶，令對手冇乜機會起腳，即使成功起腳遠射都考驗唔到葉鴻輝，港隊上半場嘅防守可以話係固若金湯。
可惜換邊後球員專注度下降，又或者係唔習慣巴林加大力度嘅一輪急攻，導致五分鐘內連失兩球，直接打散港隊軍心，並喺比賽較後時間再失兩球，最後以 0:4 落敗。
進攻篇
今場港隊比前兩場有更多進攻及反擊機會，差啲成功入波，尤其喺上半場港隊多次成功逼搶，球員亦有積極向前跑動配合，令今場唔再只得大腳傳俾安永佳一道反擊板斧。最記得係上半場初段迪高一個直線直接劏穿對方防線俾 cut in 嘅「均仔」追，可惜力道大咗少少，俾對方門將出迎化解危機。
不過整體嚟講球員喺進攻時默契不足令進攻容易斷纜，例如有時隊友向前走但就傳咗個身後波，有時前場想逼但又只有一人配合等等。去到下半場由於體能下降，港隊減少逼搶，雖然仍然能夠靠反擊製造一啲威脅，可惜都把握唔到機會未能破蛋。
改善篇
1. 謎之換人
先讚咗麥柏倫今場能夠果斷換人先。比賽去到 61 分鐘，當時港隊落後緊兩球，麥柏倫果斷作出咗三個調動並變陣 4-4-2 希望加強攻力，分別係位換位以曾錦濤入替下半場跌 watt 嘅余煒廉，抽起一名防中換入「子彈」同埋由鍾偉強入替「羅梓」。
前兩個調動都好正路，但對於最後一個換人我就有少少懷疑：首先「羅梓」今場其實表現唔錯，如果想加強攻力嘅話將佢同「一仔」位置對調已經可以 (詳情請睇第 2 點)；而且如果港隊想轉打法想攻嘅話，換入更擅於護球、組織嘅黃威係咪更適合呢？
但最大問題係跟住落嚟嗰個調動，琴晚我睇到係想直接熄機：75 分鐘時麥柏倫用唐健文入替今場表現活躍嘅「均仔」，就好似宣佈放棄比賽一樣。事後睇翻知道「均仔」有少少抽筋，換佢係無可否非，但換入一名防守球員係咪最理想嘅做法呢？當時已經輸緊 0:3，如果想放手一搏爭取入球嘅話後備席上仍然有孫銘謙、黃威兩位進攻球員；就算唔想搏，咁不如善用剩餘時間俾年輕球員如孫銘謙落場去吸收一下比賽經驗，畢竟香港球員無論喺國家隊或球會層面上都較少機會同其他國家嘅球員交手，能夠有呢啲經驗十分寶貴。
再者，去到下半場中後段時由於港隊由 4-5-1 轉陣 4-4-2，由原本嘅三中場變成兩中場，加上體能下降嘅關係，一對中場黃洋、羅拔圖覆蓋範圍減少咗好多。呢個時候以「光頭」顏樂楓入替其中一名中場去保持中場活力同覆蓋範圍又會唔會係一個更好嘅選擇呢？
2. 既然出一仔左閘羅梓左翼不如調翻轉個位「一仔」左翼、「羅梓」左閘可以令港隊反擊更有威脅，而且對兩位球員嘅發展更有幫助。首先佢哋本身喺球會就係咁踢，唔知點解去到港隊反而調轉咗。而兩位球員最大分別係前者係一名左腳球員，後者則係一名右腳球員。呢個分別喺防守上影響不大，因為港隊執行穩守突擊下閘同翼都要一齊防守。但去到反擊時，由於巴林球員速度高、回防快，「羅梓」好少機會可以 cup 後就翻隻右腳，結果被逼要用左腳傳中，影響傳球質素；而「一仔」因為慣用左腳嘅關係就唔會有呢個問題，況且本身佢傳中嘅能力就比「羅梓」好。長遠嚟講「一仔」應該踢翻進攻位置，唔好浪費佢嘅天賦及能力。
3. 羅馬非一日建成之進攻表現有待改善
除咗依靠安永佳作為前場支點嘅能力停球護球等待隊友後上反攻之外，今場見到港隊好多成功逼搶快速反擊嘅畫面，而中場球員都較上兩場有更積極嘅向前跑動，兩翼兩閘都多咗疊瓦式助攻。可惜隊友之間仍然默契欠奉，不時出現隊友走啱位但傳失波嘅情況；再者，港隊依然缺少一名擅於組織嘅球員，間接拖慢咗進攻或反擊節奏，而且球員好多時都唔敢控波用波，又或者俾人一逼就甩。
呢啲問題都唔係一朝一夕可以解決，個人層面上，每位球員都需要不斷訓練同憑藉比賽吸收經驗去提升個自己嘅能力、技術；而團隊方面，足總應該為港隊安排更多友誼賽令球員可以適應外面強度高、節奏快嘅比賽，同時建立隊員之間嘅默契同港隊自己嘅踢法、風格，咁先可以提升港隊實力。
總結
雖然世界盃亞洲區外圍賽已經結束，但香港足球發展仍然有好長嘅路要行。麥柏倫嘅合約將會喺月底屆滿，足總嚟緊就會開會討論決定定佢嘅去留，時間許可嘅話我希望能夠喺足總宣佈結果前講講自己睇法。
另外，一星期後亞冠、亞協就會揭開戰幔，傑志會代表香港出戰亞冠，而東方、理文則會出戰亞協，請大家繼續支持香港足球，為香港打氣！
香港加油！We are HONG KONG !!