曲終人未散 - 香港足球點樣行 (下)
前言
今日係亞協第一輪開打嘅日子，今晚20:00理文對東方香港打吡大家記得支持！
言歸正傳，喺上集我講完點解我會支持麥柏倫留任，嚟到下集我就會講講佢需要改進嘅地方。由於實在太耐冇國際賽嘅關係，我接下來嘅觀察主要都係嚟自過去三場世界盃外圍賽。
1. 用人
睇翻呢三場世界盃外圍賽都唔太理麥柏倫嘅用人準則。「光頭」顏樂楓今季喺理文嘅表現有目共睹，更當選今屆香港足球明星 11 人。可惜佢喺過去三場港隊比賽一場正選都冇兼且一共只係踢咗廿幾分鐘；「一仔」陳晉一喺傑志一直踢開左翼，喺港隊有其他左閘人選如羅梓駿、徐宏傑嘅情況下，麥柏倫卻連續三場安排「一仔」打左閘，浪費咗佢嘅進攻才能；喺第二場嘅時候麥柏倫安排「子彈」夏志明打正前鋒，安永佳打右翼，但對於兩位嚟講其實最佳位置都係正前鋒，即使想攻但咁樣排陣結果只係 1 + 1 < 2 。
2. 換人
換人方面，我對麥柏倫第二、第三場嘅調動抱有多少懷疑。第二場主要係喺只落後一球嘅情況下未有用盡所有換人名額搶分，同埋第三場未有善用換人，詳情可以睇翻我之前寫嘅兩篇賽後感。
3. 球隊需要 Plan
現時港隊戰術以 4-5-1 防守反擊為主，而且執行得唔錯，但球隊絕對需要一套主攻嘅 Plan B 應付先失球嘅情況。過去三場比賽港隊都係先失球嘅一方，而喺第一場對伊朗、最後一場對巴林時，麥柏倫都有作出調動變陣 4-4-2 加強攻力，面對伊朗更成功取得入球。不過仍然睇得出港隊球員並未習慣作為主導球賽嘅一方，即使控球在腳都會顯得戰戰兢兢，唔夠自信，好似唔太敢控球想盡快傳走個波咁，失誤亦隨之增加。故此，港隊集訓時除咗苦練防守戰術外，亦需要投放更多時間喺進攻演練上，等球員習慣控球在腳，同時建立彼此默契。
世界盃外圍賽系列就此告一段落，希望香港足球盡快確立發展方向，繼續進步，同時都希望傑志、理文、東方喺亞冠、亞協有好成績！
寫於風雨飄搖之時。
今日係亞協第一輪開打嘅日子，今晚20:00理文對東方香港打吡大家記得支持！
言歸正傳，喺上集我講完點解我會支持麥柏倫留任，嚟到下集我就會講講佢需要改進嘅地方。由於實在太耐冇國際賽嘅關係，我接下來嘅觀察主要都係嚟自過去三場世界盃外圍賽。
1. 用人
睇翻呢三場世界盃外圍賽都唔太理麥柏倫嘅用人準則。「光頭」顏樂楓今季喺理文嘅表現有目共睹，更當選今屆香港足球明星 11 人。可惜佢喺過去三場港隊比賽一場正選都冇兼且一共只係踢咗廿幾分鐘；「一仔」陳晉一喺傑志一直踢開左翼，喺港隊有其他左閘人選如羅梓駿、徐宏傑嘅情況下，麥柏倫卻連續三場安排「一仔」打左閘，浪費咗佢嘅進攻才能；喺第二場嘅時候麥柏倫安排「子彈」夏志明打正前鋒，安永佳打右翼，但對於兩位嚟講其實最佳位置都係正前鋒，即使想攻但咁樣排陣結果只係 1 + 1 < 2 。
2. 換人
換人方面，我對麥柏倫第二、第三場嘅調動抱有多少懷疑。第二場主要係喺只落後一球嘅情況下未有用盡所有換人名額搶分，同埋第三場未有善用換人，詳情可以睇翻我之前寫嘅兩篇賽後感。
3. 球隊需要 Plan
現時港隊戰術以 4-5-1 防守反擊為主，而且執行得唔錯，但球隊絕對需要一套主攻嘅 Plan B 應付先失球嘅情況。過去三場比賽港隊都係先失球嘅一方，而喺第一場對伊朗、最後一場對巴林時，麥柏倫都有作出調動變陣 4-4-2 加強攻力，面對伊朗更成功取得入球。不過仍然睇得出港隊球員並未習慣作為主導球賽嘅一方，即使控球在腳都會顯得戰戰兢兢，唔夠自信，好似唔太敢控球想盡快傳走個波咁，失誤亦隨之增加。故此，港隊集訓時除咗苦練防守戰術外，亦需要投放更多時間喺進攻演練上，等球員習慣控球在腳，同時建立彼此默契。
世界盃外圍賽系列就此告一段落，希望香港足球盡快確立發展方向，繼續進步，同時都希望傑志、理文、東方喺亞冠、亞協有好成績！
寫於風雨飄搖之時。