車路士之 3-4-3 EX (阿仙奴對車路士賽後分析)
圖片來源：英超官方網站 (https://www.premierleague.com/match/66352)
英超第二輪繼續有傳統強隊對碰，由阿仙奴主場迎戰車路士，最終車路士憑住上半場兩個入球成功全取三分，連續兩場贏波兼不失球暫列榜首。
阿仙奴以 4-2-3-1 出戰，拿卡錫迪 (Alexandre Lacazette) 繼續唔喺大軍名單，而奧巴美揚則先任後備，中前場除咗有沙卡取代巴盧根嘅正選位置外其他球員都同上場一樣；而後防則有賀定、梳亞利斯取代賓韋特 (Ben White) 、張伯斯 (Calum Chambers) 出任正選中堅及右閘。
阿仙奴正選陣容
GK1 利奴 Bernd Leno
LB 3 泰亞尼 Kieran Tierney (66' 由泰華利斯 Nuno Tavares入替)
CB 22馬里 Pablo Marí
CB 16賀定 Rob Holding
RB 17梳亞利斯 Cédric Soares
CDM34薩卡 Granit Xhaka
CDM23洛岡加 Albert Sambi LokongaLM 7沙卡 Bukayo Saka (61' 由奧巴美揚 Pierre-Emerick Aubameyang 入替)
CAM10史密夫路 Emile Smith-Rowe
RM19比比 Nicolas Pépé
FW35馬天利尼 Gabriel Martinelli (79' 由巴盧根 Folarin Balogun 入替)
車路士今場則繼續以 3-4-2-1 出戰，新援盧卡古取代添姆雲拿正選上陣，與身後嘅夏維斯、蒙特合作攻堅；而上場正選嘅右翼衛艾斯比列古達則移到右中堅位置，右翼衛位置由列斯占士出任。
車路士正選陣容
GK 16文迪 Edouard Mendy
CB 2魯迪加 Antonio Rüdiger
CB 4基斯甸臣 Andreas Christensen
CB 28艾斯比列古達 Cesar Azpilicueta
LWB3馬高斯阿朗素 Marcos Alonso
CM 8高華錫 Mateo Kovacic (72' 由簡迪 N’Golo Kanté 入替)
CM 5佐真奴 Jorginho
RWB24列斯占士 Reece James
CAM29夏維斯 Kai Havertz (90' 由添姆雲拿 Timo Werner 入替)
CAM19蒙特 Mason Mount (82' 由薛耶治 Hakim Ziyech 入替)FW 9盧卡古 Romelu Lukaku
上半場雙方互有攻守，阿仙奴主要喺邊路進攻，透過兩閘 overlap 加上進攻中場史密夫路及左或右防中嘅支援試圖 overload 車路士邊路防守，以短傳方式攻入禁區。但車路士防守時後防有足夠球員，而且防線嚴密，令阿仙奴難以攻入。車路士嘅進攻同樣主要來自邊路，比賽中不時都見到一對翼衛馬高斯阿朗素、列斯占士與對方閘位球員單對單嘅場面，佢哋甚至會殺到入禁區參與進攻；除此之外，車路士亦能夠從中路進攻，主要係因為盧卡古喺身體質素上可以壓制阿仙奴中堅，能夠完全發揮作為一個支點嘅功用，可以 hold 波之餘有時甚至仲可以轉身自己推進，令阿仙奴嘅後防非常頭痛，車路士喺 23 分鐘嘅第一個入球正正就係盧卡古中路控球後回翻俾隊友再自己衝入禁區，然後車路士一個分邊一個傳中就去到盧卡古腳下一個 tap in 入網。10 分鐘後，車路士把握一次反擊機會由列斯占士射成 2:0 。
其後大部份時間車路士都掌握住比賽節奏，阿仙奴雖然偶有反擊但都未能入球，即使喺下半場換入奧巴美揚、巴盧根都未能破門。最終阿仙奴喺主場以兩球落敗，開季兩連敗之餘更一球未入。
車路士 – 強化版 3-4-2-1
筆者早前曾經係另一篇文章提過盧卡古嘅加盟能夠提升車路士嘅攻力，令進攻更立體、有更多板斧，喺今場比賽就正正顯示出嚟 (詳情請見延伸閲讀)。盧卡古步大力雄，憑藉強橫嘅身體質素不斷衝擊阿仙奴防線，一對中堅馬里、賀定都未能夠阻止佢，可以話係攔都攔唔住，拉都拉唔跌。而佢體型上嘅優勢令佢喺作為前場支點背身護球時能夠有好表現，呢點對反擊嚟講非常重要，因為佢為球隊提供多一個選擇，反擊時除咗將波傳落空位俾速度快嘅球員跑之外仲可以傳俾盧卡古 hold 住先，等其他隊友跟上，令反擊冇咁容易斷欖。
圖片來源：車路士官方 YouTube (https://www.youtube.com/watch?v=BTwS9KHpivo)
以車路士第一個入球為例，盧卡古先用身位擔住馬里 hold 波，再回俾高華錫，然後自己跑入禁區準備接應傳中，而喺衝入禁區時馬里伸手想食身位但唔成功，俾盧卡古食翻身位轉頭之餘自己仲跌低埋，最終盧卡古無人看管下成功入球。
而車路士呢個陣容嘅核心就係一對中場拍檔：佐真奴、高華錫。佢哋負責掌控全隊波嘅節奏，無論係防守時嘅遮線、轉守為攻需要嘅傳送或盤帶、進攻時嘅支援等等，佢哋全部都做到。進攻時，車路士嘅 3-4-2-1 之中兩名進攻中場夏維斯、蒙特多數會出現喺 half-space 位置，吸引對手後防球員並會不斷走位現位製造機會，邊線空間則主要由兩名翼衛負責，而佐真奴、高華錫準確嘅傳送往往就能恰到好處咁將波傳到佢哋腳下。琴晚就出現咗唔少佢哋長傳俾翼衛與對方閘位球員單對單嘅情況，尤其是當車路士轉邊進攻時。當車路士從邊路進攻，阿仙奴防線都要整體順移至相應方向跟上，喺呢個時候球場另一邊往往就會出現大量空位，而佐真奴、高華錫就係有足夠嘅視野、能力一腳波完成轉邊，創造出對邊翼衛單對單嘅機會。
阿仙奴 – 防守專注度不足
面對住車路士 3-4-2-1翼衛壓上嘅進攻模式，單憑四人防線係冇可能 mark 得晒，但呢種進攻模式並唔係啲咩新鮮事，阿仙奴理應知道並有所準備。但無論係第一定第二個失球，都清楚見到對方右翼衛列斯占士擁有大量空位，第二球尚可以話係因為對方反擊有人數上嘅優勢 mark 唔晒，但第一個失球阿仙奴嘅左路球員絕對責無旁貸。
圖片來源：車路士官方 YouTube (https://www.youtube.com/watch?v=BTwS9KHpivo)
以上圖第一個入球為例，車路士嘅蒙特走入 half space，由於阿仙奴左中堅馬里被盧卡古拉走，左閘泰亞尼選擇離開自己嘅左閘位置緊貼蒙特防守 (紅圈所示) 其實並無問題。但當盧卡古回傳翻俾高華錫，高華錫長傳一剎，泰亞尼仍然防守緊蒙特，左閘位置仍然係冇人防守，令列斯占士有大量空位，同中路有 5 個阿仙奴球員形成強烈對比。正常情況下如果要轉換防守位置或防守目標，隊友間必須互相配合、補位，尤其是現代足球進攻時已經唔係淨係得前鋒、中場參與，而係會有埋邊路防守球員。當泰亞尼選擇離開左閘位置防守 half space 時，左防中薩卡或左翼沙卡應該要幫手補位；又或者由薩卡防守 half space，泰亞尼位置不變，但從呢次進攻明顯睇得出阿仙奴嘅球員並冇好好溝通到底應該點樣防守。
總結
車路士開季二連勝兼不失球，氣勢如虹，反觀阿仙奴則兩連敗零入球，而下星期兩隊都分別要面對利物浦、曼城兩支強隊。面對住攻力更強、配合更熟練嘅曼城球員，如果阿仙奴冇好好調整防守嘅話，難保要迎接一場大敗；而車路士作客晏菲路亦將會係一場硬仗，相信呢兩隊同樣係二連勝兼不失球嘅球隊將會打得非常激烈。
英超第二輪繼續有傳統強隊對碰，由阿仙奴主場迎戰車路士，最終車路士憑住上半場兩個入球成功全取三分，連續兩場贏波兼不失球暫列榜首。
阿仙奴以 4-2-3-1 出戰，拿卡錫迪 (Alexandre Lacazette) 繼續唔喺大軍名單，而奧巴美揚則先任後備，中前場除咗有沙卡取代巴盧根嘅正選位置外其他球員都同上場一樣；而後防則有賀定、梳亞利斯取代賓韋特 (Ben White) 、張伯斯 (Calum Chambers) 出任正選中堅及右閘。
阿仙奴正選陣容
GK1 利奴 Bernd Leno
LB 3 泰亞尼 Kieran Tierney (66' 由泰華利斯 Nuno Tavares入替)
CB 22馬里 Pablo Marí
CB 16賀定 Rob Holding
RB 17梳亞利斯 Cédric Soares
CDM34薩卡 Granit Xhaka
CDM23洛岡加 Albert Sambi LokongaLM 7沙卡 Bukayo Saka (61' 由奧巴美揚 Pierre-Emerick Aubameyang 入替)
CAM10史密夫路 Emile Smith-Rowe
RM19比比 Nicolas Pépé
FW35馬天利尼 Gabriel Martinelli (79' 由巴盧根 Folarin Balogun 入替)
車路士今場則繼續以 3-4-2-1 出戰，新援盧卡古取代添姆雲拿正選上陣，與身後嘅夏維斯、蒙特合作攻堅；而上場正選嘅右翼衛艾斯比列古達則移到右中堅位置，右翼衛位置由列斯占士出任。
車路士正選陣容
GK 16文迪 Edouard Mendy
CB 2魯迪加 Antonio Rüdiger
CB 4基斯甸臣 Andreas Christensen
CB 28艾斯比列古達 Cesar Azpilicueta
LWB3馬高斯阿朗素 Marcos Alonso
CM 8高華錫 Mateo Kovacic (72' 由簡迪 N’Golo Kanté 入替)
CM 5佐真奴 Jorginho
RWB24列斯占士 Reece James
CAM29夏維斯 Kai Havertz (90' 由添姆雲拿 Timo Werner 入替)
CAM19蒙特 Mason Mount (82' 由薛耶治 Hakim Ziyech 入替)FW 9盧卡古 Romelu Lukaku
上半場雙方互有攻守，阿仙奴主要喺邊路進攻，透過兩閘 overlap 加上進攻中場史密夫路及左或右防中嘅支援試圖 overload 車路士邊路防守，以短傳方式攻入禁區。但車路士防守時後防有足夠球員，而且防線嚴密，令阿仙奴難以攻入。車路士嘅進攻同樣主要來自邊路，比賽中不時都見到一對翼衛馬高斯阿朗素、列斯占士與對方閘位球員單對單嘅場面，佢哋甚至會殺到入禁區參與進攻；除此之外，車路士亦能夠從中路進攻，主要係因為盧卡古喺身體質素上可以壓制阿仙奴中堅，能夠完全發揮作為一個支點嘅功用，可以 hold 波之餘有時甚至仲可以轉身自己推進，令阿仙奴嘅後防非常頭痛，車路士喺 23 分鐘嘅第一個入球正正就係盧卡古中路控球後回翻俾隊友再自己衝入禁區，然後車路士一個分邊一個傳中就去到盧卡古腳下一個 tap in 入網。10 分鐘後，車路士把握一次反擊機會由列斯占士射成 2:0 。
其後大部份時間車路士都掌握住比賽節奏，阿仙奴雖然偶有反擊但都未能入球，即使喺下半場換入奧巴美揚、巴盧根都未能破門。最終阿仙奴喺主場以兩球落敗，開季兩連敗之餘更一球未入。
車路士 – 強化版 3-4-2-1
筆者早前曾經係另一篇文章提過盧卡古嘅加盟能夠提升車路士嘅攻力，令進攻更立體、有更多板斧，喺今場比賽就正正顯示出嚟 (詳情請見延伸閲讀)。盧卡古步大力雄，憑藉強橫嘅身體質素不斷衝擊阿仙奴防線，一對中堅馬里、賀定都未能夠阻止佢，可以話係攔都攔唔住，拉都拉唔跌。而佢體型上嘅優勢令佢喺作為前場支點背身護球時能夠有好表現，呢點對反擊嚟講非常重要，因為佢為球隊提供多一個選擇，反擊時除咗將波傳落空位俾速度快嘅球員跑之外仲可以傳俾盧卡古 hold 住先，等其他隊友跟上，令反擊冇咁容易斷欖。
圖片來源：車路士官方 YouTube (https://www.youtube.com/watch?v=BTwS9KHpivo)
以車路士第一個入球為例，盧卡古先用身位擔住馬里 hold 波，再回俾高華錫，然後自己跑入禁區準備接應傳中，而喺衝入禁區時馬里伸手想食身位但唔成功，俾盧卡古食翻身位轉頭之餘自己仲跌低埋，最終盧卡古無人看管下成功入球。
而車路士呢個陣容嘅核心就係一對中場拍檔：佐真奴、高華錫。佢哋負責掌控全隊波嘅節奏，無論係防守時嘅遮線、轉守為攻需要嘅傳送或盤帶、進攻時嘅支援等等，佢哋全部都做到。進攻時，車路士嘅 3-4-2-1 之中兩名進攻中場夏維斯、蒙特多數會出現喺 half-space 位置，吸引對手後防球員並會不斷走位現位製造機會，邊線空間則主要由兩名翼衛負責，而佐真奴、高華錫準確嘅傳送往往就能恰到好處咁將波傳到佢哋腳下。琴晚就出現咗唔少佢哋長傳俾翼衛與對方閘位球員單對單嘅情況，尤其是當車路士轉邊進攻時。當車路士從邊路進攻，阿仙奴防線都要整體順移至相應方向跟上，喺呢個時候球場另一邊往往就會出現大量空位，而佐真奴、高華錫就係有足夠嘅視野、能力一腳波完成轉邊，創造出對邊翼衛單對單嘅機會。
阿仙奴 – 防守專注度不足
面對住車路士 3-4-2-1翼衛壓上嘅進攻模式，單憑四人防線係冇可能 mark 得晒，但呢種進攻模式並唔係啲咩新鮮事，阿仙奴理應知道並有所準備。但無論係第一定第二個失球，都清楚見到對方右翼衛列斯占士擁有大量空位，第二球尚可以話係因為對方反擊有人數上嘅優勢 mark 唔晒，但第一個失球阿仙奴嘅左路球員絕對責無旁貸。
圖片來源：車路士官方 YouTube (https://www.youtube.com/watch?v=BTwS9KHpivo)
以上圖第一個入球為例，車路士嘅蒙特走入 half space，由於阿仙奴左中堅馬里被盧卡古拉走，左閘泰亞尼選擇離開自己嘅左閘位置緊貼蒙特防守 (紅圈所示) 其實並無問題。但當盧卡古回傳翻俾高華錫，高華錫長傳一剎，泰亞尼仍然防守緊蒙特，左閘位置仍然係冇人防守，令列斯占士有大量空位，同中路有 5 個阿仙奴球員形成強烈對比。正常情況下如果要轉換防守位置或防守目標，隊友間必須互相配合、補位，尤其是現代足球進攻時已經唔係淨係得前鋒、中場參與，而係會有埋邊路防守球員。當泰亞尼選擇離開左閘位置防守 half space 時，左防中薩卡或左翼沙卡應該要幫手補位；又或者由薩卡防守 half space，泰亞尼位置不變，但從呢次進攻明顯睇得出阿仙奴嘅球員並冇好好溝通到底應該點樣防守。
總結
車路士開季二連勝兼不失球，氣勢如虹，反觀阿仙奴則兩連敗零入球，而下星期兩隊都分別要面對利物浦、曼城兩支強隊。面對住攻力更強、配合更熟練嘅曼城球員，如果阿仙奴冇好好調整防守嘅話，難保要迎接一場大敗；而車路士作客晏菲路亦將會係一場硬仗，相信呢兩隊同樣係二連勝兼不失球嘅球隊將會打得非常激烈。