天下武功唯快不破 (利物浦對車路士賽後分析)
圖片來源：Sky Sports
今輪英超仲有另一場焦點賽事，利物浦同車路士會師晏菲路上演一場榜首大戰，雙方不論係戰術、臨場調動及球員發揮都可以話係高手過招，最終車路士喺下半場踢少一人嘅情況下成功守住 1:1 嘅戰局，雙方握手言和各得一分。
利物浦依舊排出 4-3-3，後防有左閘羅拔臣傷癒復出擔任正選，而中前場分別有佐敦軒達臣、費明奴取代上場拿比基達、迪奧高祖達嘅正選位置，可以話係 full team 上陣。值得一提嘅係今季外借回歸嘅艾利諾連續第三場正選上陣，相信今季會備受重用。
利物浦正選陣容
GK1 艾利臣 Alisson Becker
LB 26羅拔臣 Andrew Robertson (86' 由斯米卡斯 Konstantinos Tsimikas 入替)
CB4 雲迪克 Virgil van Dijk
CB32馬迪普 Joël Matip
RB66亞歷山大阿諾 Trent Alexander-Arnold
CM14佐敦軒達臣 Jordan Henderson (74' 由泰亞高 Thiago Alcántara 入替)
CM3 法賓奴 Fabinho
CM67艾利諾 Harvey Elliott
FW10文尼 Sadio ManéFW9 費明奴 Roberto Firmino (43' 由迪奧高祖達 Diogo Jota 入替)
FW11沙拿 Mohamed Salah
車路士則沿用 3-4-2-1 出戰，對比上場贏阿仙奴嘅陣容只係作出咗一個調動，就係由簡迪取代高華錫嘅正選中場位置，相信杜曹係希望加強中場嘅防守同覆蓋範圍。而今場對於盧卡古嚟講可以話係一場考牌戰，畢竟由雲迪克率領、艾利臣把關嘅利物浦防線喺英超嚟講實力絕對係數一數二。
車路士正選陣容
GK 16文迪 Edouard Mendy
CB 2 魯迪加 Antonio Rüdiger
CB 4 基斯甸臣 Andreas Christensen
CB 28艾斯比列古達 Cesar Azpilicueta
LWB3馬高斯阿朗素 Marcos Alonso
CM 7 簡迪 N’Golo Kanté (46' 由高華錫 Mateo Kovacic 入替)
CM 5 佐真奴 Jorginho (87' 由查洛巴 Trevoh Chalobah 入替)
RWB24列斯占士 Reece James
CAM29夏維斯 Kai Havertz (46' 由泰亞高施華 Thiago Silva 入替)
CAM19蒙特 Mason Mount
FW 9 盧卡古 Romelu Lukaku
正所謂天下武功唯快不破，今場兩隊節奏明快，絕不拖泥帶水，雙方都積極作出逼搶而且會主動嘗試以長傳、through pass 直接進攻，實在賞心悅目。上半場車路士先憑一個角球攻勢由夏維斯秒頂笠死艾利臣，戰至上半場補時階段，列斯占士喺自己龍門前「食全餐」領紅牌兼輸 12 碼，利物浦由沙拿操刀射入追平。下半場多踢一人嘅利物浦佔多數攻勢並控制戰局，但依然未能攻破車路士嘅穩固防守，而車路士嘅反擊亦十分有威脅，不過利物浦都能夠成功抵禦。最終雙方 1:1 打成平手，繼續保持不敗之身。
利物浦 – 閘位內收中場 (Inverted Wing Back)
利物浦近季一直主打 4-3-3，具備優秀傳中能力嘅兩閘羅拔臣、亞歷山大阿諾經常壓上助攻，係球隊其中一個主要進攻泉源，但今季從亞歷山大阿諾身上就見多咗另一種打法：內收中場，意指閘位球員進攻時收入中間位置支援中場，而非近年常見嘅邊路疊瓦式助攻 (overlap)，係由於球隊進攻時好多時會將中場推上至進攻中場甚至前鋒線支援進攻，變相令中場少咗人，為咗確保中場有足夠人數保持球權，於是就會要求閘位球員補翻中場位置，因而出現呢種戰術。
內收中場嘅亞歷山大阿諾喺用波上會有更多選擇，從而令對方更難防守。有睇開利物浦或者英超比賽嘅球迷相信都知道呢位球員有好好嘅長傳能力，無論係轉邊、傳中都做到，而且佢斬波有足夠弧度令佢喺邊路 45 度角位置作出嘅傳中非常有威脅。但呢啲嘢你知我知單眼佬都知，其他球隊都已經熟習利物浦嘅打法，或者正因為咁，領隊高普 (Jürgen Klopp) 今季要求亞歷山大阿諾更多內切入中場，令佢除咗傳中之外仲有更多選擇，令人防不勝防，例如佢可以分俾拉邊嘅球員甚至係自己射門，畢竟喺利物浦負責射罰球嘅亞歷山大阿諾都有一定遠射能力。
圖片來源：利物浦官方 YouTube (https://www.youtube.com/watch?v=gPtBzwrdfac)
就如上圖嘅攻勢所見，亞歷山大阿諾已經內切咗入中場中嘅位置，而今次負責拉邊嘅係沙拿，中場艾利諾則前插至 half space 位置為隊友提供傳球選擇及駁腳，當艾利諾佢回翻個波俾沙拿後就會跑向邊路拉走防線讓出 half space 空間俾沙拿。
圖片來源：車路士官方 YouTube (https://www.youtube.com/watch?v=_c4rJHhc580)
又睇下呢一個攻勢：法賓奴遠射一刻可以見到沙拿同艾利諾互換位置，前者回後至中場而後者則走到前鋒位置，而亞歷山大阿諾則負責拉邊。
從呢兩個攻勢可以睇到利物浦球員好了解球隊嘅戰術亦好清楚自己係每次進攻當中擔任嘅角色及定位，而且佢哋唔係只會做同一件事，而係會不斷變化，今次拉邊嘅係沙拿然後艾利諾，但到下個進攻時又可以變翻亞歷山大阿諾拉邊，令對手難以適應。
車路士 – 鐵血防守但反擊可以更銳利
自從杜曹 (Thomas Tuchel) 接任車路士領隊後球隊防守表現大大改善，計埋今場佢帶領車路士至今喺各項賽事出戰 35 場失 23 球，場均只失 0.66 球，而面對英超 Big 6 嘅 9 場比賽當中 (包括歐聯及足總盃) 更加只係輸過 3 場失咗 3 球，可見球隊防守表現之好。兩名中場簡迪、佐真奴覆蓋面廣，準確截斷傳球路線，前者更不斷跑動破壞對方組織，係車路士後防前嘅一道穩固屏障；而 5 人後防線都好專注防守，利物浦球員雖然不斷跑動，但車路士嘅後防球員對於互相補位非常熟練，仍然能夠保持隊型。雖然列斯占士被逐，但杜曹下半場立即換人鞏固防守，包括換入泰亞高施華出任中堅位置並將艾斯比列古達放到右翼衛，同時以高華錫入替簡迪。即使利物浦打多一個但都冇太多機會攻到入心臟地帶，好多時只能靠遠射搏一搏，但亦同樣攻破唔到文迪嘅十指關。
反擊方面，作為支點嘅盧卡古今場仍然能夠停球甚至轉身推進突破，但喺傳球同臨場決定方面可以做得更好。今場出現唔少畫面係盧卡古因為一絲猶豫而錯過咗傳球嘅最佳時機，又或者自己帶失波。今場盧卡古畢竟要面對嘅係雲迪克、馬迪普而唔係上場對阿仙奴嘅賀定、馬里，雖然仍然能夠推進製造威脅，但未能有壓倒性嘅優勢，反而佢吸引對手中堅注意後，身後嘅蒙特、夏維斯就能夠分別單挑對方兩閘亞歷山大阿諾、羅拔臣，而前兩者係絕對有能力擺脫後兩者防守，筆者認為佢哋可以打多啲類似下圖嘅配合。
圖片來源：車路士官方 YouTube (https://www.youtube.com/watch?v=_c4rJHhc580)
喺呢個車路士嘅反擊當中，盧卡古轉身避過馬迪普攔截後引球推進，利物浦球員只能後退等支援，雖然夏維斯舉晒手要波，但雲迪克嘅企位似乎可以截到傳俾夏維斯嘅波，所以盧卡古選擇繼續推進。但之後當夏維斯想走斜線繞過雲迪克身後時，亞歷山大阿諾被吸引收入中路，反而令佢原本防守嘅蒙特多咗空位，盧卡古見狀立即傳俾蒙特，蒙特亦輕易咁壓過亞歷山大阿諾射門，可惜未能命中目標。
總結
利物浦同車路士合演咗一場精彩比賽，筆者甚至認為今場係今季英超開季至今最刺激嘅一場。兩隊無論喺攻守方面都展現出一流強隊嘅實力，利物浦嘅侵略性踢法、多變化進攻，車路士固若金湯嘅防守，同樣喺球迷腦海留下深刻印象。兩隊如果今季可以保持住呢個水準嘅話，絕對有機會問鼎英超冠軍。
今輪英超仲有另一場焦點賽事，利物浦同車路士會師晏菲路上演一場榜首大戰，雙方不論係戰術、臨場調動及球員發揮都可以話係高手過招，最終車路士喺下半場踢少一人嘅情況下成功守住 1:1 嘅戰局，雙方握手言和各得一分。
利物浦依舊排出 4-3-3，後防有左閘羅拔臣傷癒復出擔任正選，而中前場分別有佐敦軒達臣、費明奴取代上場拿比基達、迪奧高祖達嘅正選位置，可以話係 full team 上陣。值得一提嘅係今季外借回歸嘅艾利諾連續第三場正選上陣，相信今季會備受重用。
利物浦正選陣容
GK1 艾利臣 Alisson Becker
LB 26羅拔臣 Andrew Robertson (86' 由斯米卡斯 Konstantinos Tsimikas 入替)
CB4 雲迪克 Virgil van Dijk
CB32馬迪普 Joël Matip
RB66亞歷山大阿諾 Trent Alexander-Arnold
CM14佐敦軒達臣 Jordan Henderson (74' 由泰亞高 Thiago Alcántara 入替)
CM3 法賓奴 Fabinho
CM67艾利諾 Harvey Elliott
FW10文尼 Sadio ManéFW9 費明奴 Roberto Firmino (43' 由迪奧高祖達 Diogo Jota 入替)
FW11沙拿 Mohamed Salah
車路士則沿用 3-4-2-1 出戰，對比上場贏阿仙奴嘅陣容只係作出咗一個調動，就係由簡迪取代高華錫嘅正選中場位置，相信杜曹係希望加強中場嘅防守同覆蓋範圍。而今場對於盧卡古嚟講可以話係一場考牌戰，畢竟由雲迪克率領、艾利臣把關嘅利物浦防線喺英超嚟講實力絕對係數一數二。
車路士正選陣容
GK 16文迪 Edouard Mendy
CB 2 魯迪加 Antonio Rüdiger
CB 4 基斯甸臣 Andreas Christensen
CB 28艾斯比列古達 Cesar Azpilicueta
LWB3馬高斯阿朗素 Marcos Alonso
CM 7 簡迪 N’Golo Kanté (46' 由高華錫 Mateo Kovacic 入替)
CM 5 佐真奴 Jorginho (87' 由查洛巴 Trevoh Chalobah 入替)
RWB24列斯占士 Reece James
CAM29夏維斯 Kai Havertz (46' 由泰亞高施華 Thiago Silva 入替)
CAM19蒙特 Mason Mount
FW 9 盧卡古 Romelu Lukaku
正所謂天下武功唯快不破，今場兩隊節奏明快，絕不拖泥帶水，雙方都積極作出逼搶而且會主動嘗試以長傳、through pass 直接進攻，實在賞心悅目。上半場車路士先憑一個角球攻勢由夏維斯秒頂笠死艾利臣，戰至上半場補時階段，列斯占士喺自己龍門前「食全餐」領紅牌兼輸 12 碼，利物浦由沙拿操刀射入追平。下半場多踢一人嘅利物浦佔多數攻勢並控制戰局，但依然未能攻破車路士嘅穩固防守，而車路士嘅反擊亦十分有威脅，不過利物浦都能夠成功抵禦。最終雙方 1:1 打成平手，繼續保持不敗之身。
利物浦 – 閘位內收中場 (Inverted Wing Back)
利物浦近季一直主打 4-3-3，具備優秀傳中能力嘅兩閘羅拔臣、亞歷山大阿諾經常壓上助攻，係球隊其中一個主要進攻泉源，但今季從亞歷山大阿諾身上就見多咗另一種打法：內收中場，意指閘位球員進攻時收入中間位置支援中場，而非近年常見嘅邊路疊瓦式助攻 (overlap)，係由於球隊進攻時好多時會將中場推上至進攻中場甚至前鋒線支援進攻，變相令中場少咗人，為咗確保中場有足夠人數保持球權，於是就會要求閘位球員補翻中場位置，因而出現呢種戰術。
內收中場嘅亞歷山大阿諾喺用波上會有更多選擇，從而令對方更難防守。有睇開利物浦或者英超比賽嘅球迷相信都知道呢位球員有好好嘅長傳能力，無論係轉邊、傳中都做到，而且佢斬波有足夠弧度令佢喺邊路 45 度角位置作出嘅傳中非常有威脅。但呢啲嘢你知我知單眼佬都知，其他球隊都已經熟習利物浦嘅打法，或者正因為咁，領隊高普 (Jürgen Klopp) 今季要求亞歷山大阿諾更多內切入中場，令佢除咗傳中之外仲有更多選擇，令人防不勝防，例如佢可以分俾拉邊嘅球員甚至係自己射門，畢竟喺利物浦負責射罰球嘅亞歷山大阿諾都有一定遠射能力。
圖片來源：利物浦官方 YouTube (https://www.youtube.com/watch?v=gPtBzwrdfac)
就如上圖嘅攻勢所見，亞歷山大阿諾已經內切咗入中場中嘅位置，而今次負責拉邊嘅係沙拿，中場艾利諾則前插至 half space 位置為隊友提供傳球選擇及駁腳，當艾利諾佢回翻個波俾沙拿後就會跑向邊路拉走防線讓出 half space 空間俾沙拿。
圖片來源：車路士官方 YouTube (https://www.youtube.com/watch?v=_c4rJHhc580)
又睇下呢一個攻勢：法賓奴遠射一刻可以見到沙拿同艾利諾互換位置，前者回後至中場而後者則走到前鋒位置，而亞歷山大阿諾則負責拉邊。
從呢兩個攻勢可以睇到利物浦球員好了解球隊嘅戰術亦好清楚自己係每次進攻當中擔任嘅角色及定位，而且佢哋唔係只會做同一件事，而係會不斷變化，今次拉邊嘅係沙拿然後艾利諾，但到下個進攻時又可以變翻亞歷山大阿諾拉邊，令對手難以適應。
車路士 – 鐵血防守但反擊可以更銳利
自從杜曹 (Thomas Tuchel) 接任車路士領隊後球隊防守表現大大改善，計埋今場佢帶領車路士至今喺各項賽事出戰 35 場失 23 球，場均只失 0.66 球，而面對英超 Big 6 嘅 9 場比賽當中 (包括歐聯及足總盃) 更加只係輸過 3 場失咗 3 球，可見球隊防守表現之好。兩名中場簡迪、佐真奴覆蓋面廣，準確截斷傳球路線，前者更不斷跑動破壞對方組織，係車路士後防前嘅一道穩固屏障；而 5 人後防線都好專注防守，利物浦球員雖然不斷跑動，但車路士嘅後防球員對於互相補位非常熟練，仍然能夠保持隊型。雖然列斯占士被逐，但杜曹下半場立即換人鞏固防守，包括換入泰亞高施華出任中堅位置並將艾斯比列古達放到右翼衛，同時以高華錫入替簡迪。即使利物浦打多一個但都冇太多機會攻到入心臟地帶，好多時只能靠遠射搏一搏，但亦同樣攻破唔到文迪嘅十指關。
反擊方面，作為支點嘅盧卡古今場仍然能夠停球甚至轉身推進突破，但喺傳球同臨場決定方面可以做得更好。今場出現唔少畫面係盧卡古因為一絲猶豫而錯過咗傳球嘅最佳時機，又或者自己帶失波。今場盧卡古畢竟要面對嘅係雲迪克、馬迪普而唔係上場對阿仙奴嘅賀定、馬里，雖然仍然能夠推進製造威脅，但未能有壓倒性嘅優勢，反而佢吸引對手中堅注意後，身後嘅蒙特、夏維斯就能夠分別單挑對方兩閘亞歷山大阿諾、羅拔臣，而前兩者係絕對有能力擺脫後兩者防守，筆者認為佢哋可以打多啲類似下圖嘅配合。
圖片來源：車路士官方 YouTube (https://www.youtube.com/watch?v=_c4rJHhc580)
喺呢個車路士嘅反擊當中，盧卡古轉身避過馬迪普攔截後引球推進，利物浦球員只能後退等支援，雖然夏維斯舉晒手要波，但雲迪克嘅企位似乎可以截到傳俾夏維斯嘅波，所以盧卡古選擇繼續推進。但之後當夏維斯想走斜線繞過雲迪克身後時，亞歷山大阿諾被吸引收入中路，反而令佢原本防守嘅蒙特多咗空位，盧卡古見狀立即傳俾蒙特，蒙特亦輕易咁壓過亞歷山大阿諾射門，可惜未能命中目標。
總結
利物浦同車路士合演咗一場精彩比賽，筆者甚至認為今場係今季英超開季至今最刺激嘅一場。兩隊無論喺攻守方面都展現出一流強隊嘅實力，利物浦嘅侵略性踢法、多變化進攻，車路士固若金湯嘅防守，同樣喺球迷腦海留下深刻印象。兩隊如果今季可以保持住呢個水準嘅話，絕對有機會問鼎英超冠軍。
如果喜歡我們的文章，請即分享到︰
延伸閲讀：
師父教徒弟 (曼城對阿仙奴賽後分析)
車路士之 3-4-3 EX (阿仙奴對車路士賽後分析)
防守反擊 – 戰勝曼城的不二法門 (熱刺對曼城賽後分析)
蘇斯克查 – 下一分鐘的我打倒上一分鐘的我 (年青人對曼聯換人賽後分析)
得中場得天下 (熱刺對車路士賽後分析)
師父教徒弟 (曼城對阿仙奴賽後分析)
車路士之 3-4-3 EX (阿仙奴對車路士賽後分析)
防守反擊 – 戰勝曼城的不二法門 (熱刺對曼城賽後分析)
蘇斯克查 – 下一分鐘的我打倒上一分鐘的我 (年青人對曼聯換人賽後分析)
得中場得天下 (熱刺對車路士賽後分析)