皇權球場攻防戰 (李斯特城對曼城賽後分析)
圖片來源：Sky Sports
國際賽期完結，英超終於重燃戰火，黑仔講波亦繼續揀選一啲大戰同大家一齊睇，作個小小嘅賽後分析。今個星期嘅 Big 6 對碰就有李斯特城主場迎戰曼城，曼城喺接近全場圍攻下，最終憑住貝拿度施華喺下半場一箭定江山，全取三分。
李斯特城以 4-2-3-1 出戰，後防有新兵維斯達哥首次正選上陣，與蘇恩古合作鎮守後防中路；防中位置係熟悉嘅一對拍檔尼迪迪、泰利文斯，擔任後防線前嘅一道屏障，同時掌控節奏、調度進攻，支援由華迪帶領嘅攻擊線。
李斯特城正選陣容
GK 1 卡斯柏舒米高 Kasper Schmeichel
LB 5 貝查特 Ryan Bertrand
CB 23 維斯達哥 Jannik Vestergaard (61' 由伊雲斯 Jonny Evans 入替)
CB 4 蘇恩古 Çağlar Söyüncü
RB 27 卡斯坦尼 Timothy Castagne
CDM25尼迪迪 Wilfred Ndidi
CDM8 泰利文斯 Youri Tielemans
LM 7 班尼斯 Harvey Barnes (73' 由陸文 Ademola Lookman 入替)
CAM10麥迪臣 James Maddison (73' 由伊恩拿祖 Kelechi Iheanacho 入替)RM 11 艾伯禮頓 Marc Albrighton
FW 9 華迪 Jamie Vardy
喺巴西兵風波結束嘅情況下 (詳情請見延伸閲讀)，艾達臣、加比爾捷西斯都能夠出戰今場賽事，令曼城可以沿用上場大勝阿仙奴 5:0 嘅 4-3-3 陣容出戰，繼續以無鋒陣進擊對手。
曼城正選陣容
GK31艾達臣 Ederson
LB 27簡些路 João Cancelo
CB14拿樸迪 Aymeric Laporte
CB 3 戴亞斯 Rúben Dias
RB 2 卡爾獲加 Kyle Walker
CM 8 根度簡 Ilkay Gündogan
CM16洛迪 Rodri
CM20貝拿度施華 Bernardo Silva
FW10基利殊 Jack Grealish
FW21費蘭托利斯 Ferran Torres (64' 由史達寧 Raheem Sterling 入替)
FW9 加比爾捷西斯 Gabriel Jesus (84' 由費蘭甸奴 Fernandinho 入替)
開賽初段曼城積極搶攻，喺邊路連番組織攻勢，運用自己最熟練嘅攻擊 half space 方法進攻。球員靈活嘅走位、快速嘅配合的確能夠令李斯特城嘅防守球員產生混亂，若非舒米高不斷高飛低撲，相信李斯特城喺上半場初段已經失守。相反李斯特城進攻機會唔多，只能靠零星嘅反擊機會試圖創造入球，但始終都係威脅有限，上半場基本上都由曼城控制戰局。換邊後曼城繼續主導形勢， 62 分鐘，簡些路禁區外起腳被蘇恩古擋出不遠，貝拿度施華把握機會射入領先。及後李斯特城換入伊恩拿祖、陸文加強攻力，效果顯著，李斯特城頓時搶翻唔少攻勢並製造有威脅嘅埋門，可惜唔係把握唔到就係過唔到艾達臣嘅十指關。最終今場比賽由曼城作客以 1 球淨勝李斯特城。
李斯特城 – 壓縮空間、防守反擊
李斯特城有針對曼城嘅進攻作出防守上嘅部署，佢哋防守時陣型會由 4-2-3-1 轉為 4-4-2 ，目的係防止曼城從中路進攻。當曼城後衛控球時，4-4-2 入面最前嘅華迪、麥迪臣會以企位遮線嘅方式堵塞曼城傳俾中場洛迪嘅傳球路線；而且，雙翼班尼斯、艾伯禮頓亦會企得較前，與雙中場、雙前鋒形成一個六角形嘅包圍網，完全唔俾空間洛迪，從而逼使曼城一定要從邊路進攻。但即使逼到曼城要由邊路進攻，佢哋仍然可以打出自己熟悉嘅 half space 套路，而佢哋靈活、熟練嘅配合亦令李城後衛狼狽得疲於奔命，不時出現防守不穩嘅問題，例如會有 mark 漏人、跟甩人嘅情況，慶幸有表現神勇嘅隊長卡斯柏舒米高把守最後一關先唔洗早早落後。
但李城亦受制於曼城嘅高位逼搶，未能輕易咁組織攻勢。當李城成功防守完一波攻勢，打算從後場組織時，曼城嘅逼搶球員已經殺到，李城單憑龍門及雙中堅根本唔能夠成功組織，好易俾曼城球員拍甩或者攔截；就算長傳上去，但華迪畢竟並非支點型嘅前鋒，要同對方中堅拿樸迪、戴亞斯爭頂實在冇咩優勢。
圖片來源：Sky Sports
呢個時候就想講講泰利文斯，筆者認為佢係李城嘅關鍵人物。喺曼城進行高位逼搶時，李城後衛基本上都有人跟實，但當泰利文斯從中場回後攞波時就能提供額外一個傳球選擇，曼城嘅逼搶球員唔能夠同時再兼顧 man mark 多一個人，而本身負責防守泰利文斯嘅曼城中場球員亦反應唔切唔能夠即時跟上，泰利文斯就能把握住呢一絲空間以傳球、個人突破或 one touch pass 破解對方逼搶，策動反擊。不過曼城方面應變速度好快，喺見到泰利文斯成功過一次之後，立即重點招呼佢，佢一攞到波時基本上已經有曼城球員貼身防守，唔再俾佢有時間去思考下一步應該點做，即使佢嘅中場拍檔尼迪迪都同樣回後做同一樣嘢，但始終傳球視野、質素上都有分別，未能做出有效反擊；而李城其他球員特別前場球員亦好少現位，導致李城一直難以運波上前，組織唔到有效、入肉嘅攻勢，形成今場比賽一面倒嘅局面。
曼城 – 無鋒陣靈活執行、高位逼搶
就如上文提過，李斯特城壓縮中路嘅防守方法逼使曼城要從邊路進攻，但對擅長攻擊 half space 嘅曼城嚟講絕對唔成問題。當曼城喺邊路進攻時，投入嘅兵力最少已經 3 人，包括翼鋒、中場同閘，而由於無鋒陣嘅關係，正前鋒位置嘅球員亦可以拉邊幫手，人數上可以 overload 李城防守球員。而且曼城進攻時球員唔會企死或走死一個位，令李城球員防守時會出現唔知應該跟人定跟位嘅情況，曼城就能夠把握住呢一剎猶豫嘅瞬間攻入李城嘅心臟地帶。
但曼城並唔只得一種進攻模式，只不過呢一種係佢哋最熟練、今場最有效嘅方法。曼城被逼至邊路策動進攻時有嘗試過傳中入禁區，但根本過唔到李城嘅一對中堅，尤其是係身高近 2 米嘅維斯達哥；曼城亦嘗試過係中路較後位置長傳吊入禁區，但即使過到李城嘅後衛，由於佢哋防線企位較低嘅關係，長傳落下嘅位置基本上都由卡斯柏舒米高掌控。經過連番嘗試，曼城始終都係覺得自己一直用慣嘅進攻方法最得心應手。
防守上，高位逼搶喺今場對李斯特城十分有效。喺李城缺少一個擅於用波嘅中堅下，高位逼搶令佢哋難以組織，不時需要回後，但曼城唔會見你回俾龍門就停止逼搶，而係會繼續逼，逼到李城出現失誤例如傳失，或者逼到李城長傳上前，再藉住防守球員嘅身高優勢回收控球，繼續組織進攻。即使李城泰利文斯回後幫波能夠成功破解曼城嘅逼搶包圍網，但曼城應變能力迅速， mark 實泰利文斯，唔俾佢有下一次成功破解逼搶嘅機會。
圖片來源：李斯特城官方 YouTube (https://www.youtube.com/watch?v=r3dfnszcfG4)
高位逼搶同樣有風險，如果對手能夠突破逼搶，後場就會有大量空間俾對手打反擊。好似上圖咁，李城成功突破曼城高位逼搶送出長傳，後場就有空位俾擅於走位嘅速度型前鋒華迪發揮，加上拿樸迪解圍不成，令華迪可以成功控球並作出傳中，但最後呢球都過唔到艾達臣。不過呢個攻勢亦顯示出防守反擊仍然係對付曼城嘅有效武器，而應付反擊時曼城防守球員亦唔需要好似拿樸迪咁急於喺第一時間搶下控球，應該先了解場上形勢，例如上圖曼城喺防守上有人數優勢，只要兩名中堅一個一直緊貼華迪，另一個守翻中堅位，相信亦能夠成功守到呢一球。
總結
曼城喺控制比賽嘅情況下成功擊敗李斯特城，從中我哋可以睇到佢哋球員之間嘅配合越嚟越熟練、越嚟越有默契，但球員把握力亦需要繼續提升；而李斯特城一直受制於對手嘅高位逼搶，冇咩機會可以組織到入肉嘅攻勢，相信需要多作部署、練習去適應同研究點樣應對呢種戰術，畢竟呢種戰術喺而家並唔罕見，若果李城想爭奪今季歐聯入場券就必先要跨過呢個關口。
國際賽期完結，英超終於重燃戰火，黑仔講波亦繼續揀選一啲大戰同大家一齊睇，作個小小嘅賽後分析。今個星期嘅 Big 6 對碰就有李斯特城主場迎戰曼城，曼城喺接近全場圍攻下，最終憑住貝拿度施華喺下半場一箭定江山，全取三分。
李斯特城以 4-2-3-1 出戰，後防有新兵維斯達哥首次正選上陣，與蘇恩古合作鎮守後防中路；防中位置係熟悉嘅一對拍檔尼迪迪、泰利文斯，擔任後防線前嘅一道屏障，同時掌控節奏、調度進攻，支援由華迪帶領嘅攻擊線。
李斯特城正選陣容
GK 1 卡斯柏舒米高 Kasper Schmeichel
LB 5 貝查特 Ryan Bertrand
CB 23 維斯達哥 Jannik Vestergaard (61' 由伊雲斯 Jonny Evans 入替)
CB 4 蘇恩古 Çağlar Söyüncü
RB 27 卡斯坦尼 Timothy Castagne
CDM25尼迪迪 Wilfred Ndidi
CDM8 泰利文斯 Youri Tielemans
LM 7 班尼斯 Harvey Barnes (73' 由陸文 Ademola Lookman 入替)
CAM10麥迪臣 James Maddison (73' 由伊恩拿祖 Kelechi Iheanacho 入替)RM 11 艾伯禮頓 Marc Albrighton
FW 9 華迪 Jamie Vardy
喺巴西兵風波結束嘅情況下 (詳情請見延伸閲讀)，艾達臣、加比爾捷西斯都能夠出戰今場賽事，令曼城可以沿用上場大勝阿仙奴 5:0 嘅 4-3-3 陣容出戰，繼續以無鋒陣進擊對手。
曼城正選陣容
GK31艾達臣 Ederson
LB 27簡些路 João Cancelo
CB14拿樸迪 Aymeric Laporte
CB 3 戴亞斯 Rúben Dias
RB 2 卡爾獲加 Kyle Walker
CM 8 根度簡 Ilkay Gündogan
CM16洛迪 Rodri
CM20貝拿度施華 Bernardo Silva
FW10基利殊 Jack Grealish
FW21費蘭托利斯 Ferran Torres (64' 由史達寧 Raheem Sterling 入替)
FW9 加比爾捷西斯 Gabriel Jesus (84' 由費蘭甸奴 Fernandinho 入替)
開賽初段曼城積極搶攻，喺邊路連番組織攻勢，運用自己最熟練嘅攻擊 half space 方法進攻。球員靈活嘅走位、快速嘅配合的確能夠令李斯特城嘅防守球員產生混亂，若非舒米高不斷高飛低撲，相信李斯特城喺上半場初段已經失守。相反李斯特城進攻機會唔多，只能靠零星嘅反擊機會試圖創造入球，但始終都係威脅有限，上半場基本上都由曼城控制戰局。換邊後曼城繼續主導形勢， 62 分鐘，簡些路禁區外起腳被蘇恩古擋出不遠，貝拿度施華把握機會射入領先。及後李斯特城換入伊恩拿祖、陸文加強攻力，效果顯著，李斯特城頓時搶翻唔少攻勢並製造有威脅嘅埋門，可惜唔係把握唔到就係過唔到艾達臣嘅十指關。最終今場比賽由曼城作客以 1 球淨勝李斯特城。
李斯特城 – 壓縮空間、防守反擊
李斯特城有針對曼城嘅進攻作出防守上嘅部署，佢哋防守時陣型會由 4-2-3-1 轉為 4-4-2 ，目的係防止曼城從中路進攻。當曼城後衛控球時，4-4-2 入面最前嘅華迪、麥迪臣會以企位遮線嘅方式堵塞曼城傳俾中場洛迪嘅傳球路線；而且，雙翼班尼斯、艾伯禮頓亦會企得較前，與雙中場、雙前鋒形成一個六角形嘅包圍網，完全唔俾空間洛迪，從而逼使曼城一定要從邊路進攻。但即使逼到曼城要由邊路進攻，佢哋仍然可以打出自己熟悉嘅 half space 套路，而佢哋靈活、熟練嘅配合亦令李城後衛狼狽得疲於奔命，不時出現防守不穩嘅問題，例如會有 mark 漏人、跟甩人嘅情況，慶幸有表現神勇嘅隊長卡斯柏舒米高把守最後一關先唔洗早早落後。
但李城亦受制於曼城嘅高位逼搶，未能輕易咁組織攻勢。當李城成功防守完一波攻勢，打算從後場組織時，曼城嘅逼搶球員已經殺到，李城單憑龍門及雙中堅根本唔能夠成功組織，好易俾曼城球員拍甩或者攔截；就算長傳上去，但華迪畢竟並非支點型嘅前鋒，要同對方中堅拿樸迪、戴亞斯爭頂實在冇咩優勢。
圖片來源：Sky Sports
呢個時候就想講講泰利文斯，筆者認為佢係李城嘅關鍵人物。喺曼城進行高位逼搶時，李城後衛基本上都有人跟實，但當泰利文斯從中場回後攞波時就能提供額外一個傳球選擇，曼城嘅逼搶球員唔能夠同時再兼顧 man mark 多一個人，而本身負責防守泰利文斯嘅曼城中場球員亦反應唔切唔能夠即時跟上，泰利文斯就能把握住呢一絲空間以傳球、個人突破或 one touch pass 破解對方逼搶，策動反擊。不過曼城方面應變速度好快，喺見到泰利文斯成功過一次之後，立即重點招呼佢，佢一攞到波時基本上已經有曼城球員貼身防守，唔再俾佢有時間去思考下一步應該點做，即使佢嘅中場拍檔尼迪迪都同樣回後做同一樣嘢，但始終傳球視野、質素上都有分別，未能做出有效反擊；而李城其他球員特別前場球員亦好少現位，導致李城一直難以運波上前，組織唔到有效、入肉嘅攻勢，形成今場比賽一面倒嘅局面。
曼城 – 無鋒陣靈活執行、高位逼搶
就如上文提過，李斯特城壓縮中路嘅防守方法逼使曼城要從邊路進攻，但對擅長攻擊 half space 嘅曼城嚟講絕對唔成問題。當曼城喺邊路進攻時，投入嘅兵力最少已經 3 人，包括翼鋒、中場同閘，而由於無鋒陣嘅關係，正前鋒位置嘅球員亦可以拉邊幫手，人數上可以 overload 李城防守球員。而且曼城進攻時球員唔會企死或走死一個位，令李城球員防守時會出現唔知應該跟人定跟位嘅情況，曼城就能夠把握住呢一剎猶豫嘅瞬間攻入李城嘅心臟地帶。
但曼城並唔只得一種進攻模式，只不過呢一種係佢哋最熟練、今場最有效嘅方法。曼城被逼至邊路策動進攻時有嘗試過傳中入禁區，但根本過唔到李城嘅一對中堅，尤其是係身高近 2 米嘅維斯達哥；曼城亦嘗試過係中路較後位置長傳吊入禁區，但即使過到李城嘅後衛，由於佢哋防線企位較低嘅關係，長傳落下嘅位置基本上都由卡斯柏舒米高掌控。經過連番嘗試，曼城始終都係覺得自己一直用慣嘅進攻方法最得心應手。
防守上，高位逼搶喺今場對李斯特城十分有效。喺李城缺少一個擅於用波嘅中堅下，高位逼搶令佢哋難以組織，不時需要回後，但曼城唔會見你回俾龍門就停止逼搶，而係會繼續逼，逼到李城出現失誤例如傳失，或者逼到李城長傳上前，再藉住防守球員嘅身高優勢回收控球，繼續組織進攻。即使李城泰利文斯回後幫波能夠成功破解曼城嘅逼搶包圍網，但曼城應變能力迅速， mark 實泰利文斯，唔俾佢有下一次成功破解逼搶嘅機會。
圖片來源：李斯特城官方 YouTube (https://www.youtube.com/watch?v=r3dfnszcfG4)
高位逼搶同樣有風險，如果對手能夠突破逼搶，後場就會有大量空間俾對手打反擊。好似上圖咁，李城成功突破曼城高位逼搶送出長傳，後場就有空位俾擅於走位嘅速度型前鋒華迪發揮，加上拿樸迪解圍不成，令華迪可以成功控球並作出傳中，但最後呢球都過唔到艾達臣。不過呢個攻勢亦顯示出防守反擊仍然係對付曼城嘅有效武器，而應付反擊時曼城防守球員亦唔需要好似拿樸迪咁急於喺第一時間搶下控球，應該先了解場上形勢，例如上圖曼城喺防守上有人數優勢，只要兩名中堅一個一直緊貼華迪，另一個守翻中堅位，相信亦能夠成功守到呢一球。
總結
曼城喺控制比賽嘅情況下成功擊敗李斯特城，從中我哋可以睇到佢哋球員之間嘅配合越嚟越熟練、越嚟越有默契，但球員把握力亦需要繼續提升；而李斯特城一直受制於對手嘅高位逼搶，冇咩機會可以組織到入肉嘅攻勢，相信需要多作部署、練習去適應同研究點樣應對呢種戰術，畢竟呢種戰術喺而家並唔罕見，若果李城想爭奪今季歐聯入場券就必先要跨過呢個關口。
如果喜歡我們的文章，請即分享到︰
延伸閲讀：
沒有森巴兵團的一周！？
師父教徒弟 (曼城對阿仙奴賽後分析)
防守反擊 – 戰勝曼城的不二法門 (熱刺對曼城賽後分析)
得中場得天下 (熱刺對車路士賽後分析)
高手過招，一球定輸贏 (車路士對曼城賽後分析)
沒有森巴兵團的一周！？
師父教徒弟 (曼城對阿仙奴賽後分析)
防守反擊 – 戰勝曼城的不二法門 (熱刺對曼城賽後分析)
得中場得天下 (熱刺對車路士賽後分析)
高手過招，一球定輸贏 (車路士對曼城賽後分析)