血洗奧脫福 (曼聯對利物浦賽後分析)
圖片來源：英超官方網站 (https://www.premierleague.com/match/66429)
今個星期英超上演雙紅會，由曼聯喺主場迎戰利物浦。無獨有偶，兩隊都喺周中嘅歐聯分組賽中以 3:2 嘅比數贏波，不過喺聯賽方面曼聯已經三場不勝，面對利物浦呢隊英超唯一不敗之師，雖然有主場之利，但仍然難逃一敗。
曼聯以 4-2-3-1 出戰，人腳同周中歐聯反勝亞特蘭大一仗嘅正選陣容完全一樣：四人防線為梳爾、麥佳亞、連迪洛夫、雲比沙卡；雙防中係麥湯文尼、費特嘅 McFred 組合，左右翼分別係拉舒福特、格連活特，而進攻中場同前鋒當然係必然正選嘅般奴費蘭迪斯同 C 朗。不過令筆者比較意外嘅係今場大戰普巴唔係正選而係先任後備，或者蘇斯克查係想先做好防守啦。
曼聯正選陣容
GK 1 迪基亞 David de Gea
LB 23梳爾 Luke Shaw
CB 5 麥佳亞 Harry Maguire
CB 2 連迪洛夫 Victor LindelöfRB 29雲比沙卡 Aaron Wan-Bissaka
CDM17費特 Fred
CDM39麥湯文尼 Scott McTominay
LM 10拉舒福特 Marcus Rashford (62’ 由達洛特 Diogo Dalot 入替)
CAM18般奴費蘭迪斯 Bruno Fernandes (62’ 由卡雲尼 Edinson Cavani 入替)
RM 11格連活特 Mason Greenwood (46’ 由普巴 Paul Pogba 入替)
FW 7 C 朗拿度 Cristiano Ronaldo
利物浦亦沿用自己最熟悉嘅陣容 4-3-3 出戰，中堅位置上有干拿迪取代馬迪普 (Joël Matip) 嘅正選位置；三中場用咗防守性較高、較為工兵型嘅組合占士米拿、佐敦軒達臣、拿比基達；而三箭頭則有迪奧高祖達取代文尼 (Sadio Mané) 嘅正選位置，與費明奴、沙拿合作攻堅。
利物浦正選陣容
GK1 艾利臣 Alisson Becker
LB 26羅拔臣 Andrew Robertson
CB4 雲迪克 Virgil van Dijk
CB5 干拿迪 Ibrahima Konaté
RB66亞歷山大阿諾 Trent Alexander-Arnold
CM7 占士米拿 James Milner (27’ 由居迪斯鍾斯 Curtis Jones 入替)
CM14佐敦軒達臣 Jordan Henderson
CM8 拿比基達 Naby Keïta (64’ 由張伯倫 Alex Oxlade-Chamberlain入替)
FW20迪奧高祖達 Diogo Jota
FW9 費明奴 Roberto Firmino (77’ 由文尼 Sadio Mané 入替)
FW11沙拿 Mohamed Salah
今場比賽懸殊嘅賽果正正反映出兩隊喺效率及戰術上嘅分野，基本上利物浦喺上半場就已經奠定勝局。
上半場利物浦主導形勢，透過有系統嘅前場逼搶令曼聯難以從中後場組織，非常有效；而曼聯面對逼搶時不論後衛定中場都表現得好「騰雞」、緊張，好似當咗粒波係炸彈想求其踢走佢就算，一對中場未能有效協助後防解困，結果未能保持控球權，俾利物浦壓住嚟打。除咗前場逼搶外，利物浦進攻時會透過快速轉向拉扯曼聯防線，配合左右閘壓上助攻overload 對手邊路防守，而曼聯防守陣形移動嘅速度明顯跟唔上，導致轉邊後利物浦喺邊路有大量空位可以輕鬆組織攻勢，殺入禁區。
曼聯 – 豆腐防線
利物浦進攻時兩閘會壓上助攻，中場會前插攻擊 half space，呢啲都唔係啲咩新鮮事，所以踢 4-2-3-1 嘅曼聯好需要左右翼回防守住對方兩閘，但觀乎曼聯嘅防守表現佢哋好似未有喺賽前好好訓練，喺利物浦不斷轉邊進攻下，曼聯嘅防守陣形好易被拉散，球員之間好似並唔熟習點樣防守，而且球員之間嚴重缺乏溝通。
圖片來源：利物浦官方 YouTube (https://www.youtube.com/watch?v=nLxmuh6wCVY)
上圖呢一個攻勢已經可以解釋晒以上各點，利物浦當時從左路進攻，但羅拔臣一個人就吸引咗曼聯右翼格連活特、右閘雲比沙卡防守，兩位曼聯球員明顯未有事先溝通好邊個負責防守羅拔臣，導致中堅連迪洛夫需要一打二；羅拔臣見狀立即傳中，雖然迪奧高祖達未能接應，但呢球毫無威脅嘅傳中竟然引起曼聯後防混亂，麥佳亞、梳爾互相禮讓、遲遲唔解圍，最後仲炒埋一碟，拿比基達漁人得利並交俾後上嘅亞歷山大阿諾，後者一個地波傳中，迪奧高祖達門前輕鬆撞入。喺傳中一刻可以見到曼聯防線有幾鬆散：頭先提到嘅右閘雲比沙卡防守完羅拔臣後施施然回防，麥湯文尼補翻 half space 位係正確決定但佢卻未能緊貼占士米拿；而麥湯文尼去補位導致費特喺禁區頂嘅位置需要以一敵三，麥佳亞、梳爾則同時俾亞歷山大阿諾吸引注意。而且，亞歷山大阿諾後上助攻時曼聯完全係冇人防守佢，要知道 4-2-3-1 呢個陣式防守時兩翼回防本身就係一個關鍵，對住利物浦呢類閘位會經常上前助攻嘅球隊就更加重要，當右翼格連活特都要防守利物浦左閘羅拔臣時，對邊嘅拉舒福特竟然可以任由亞歷山大阿諾助攻，呢個防守堪稱災難級。
而以下利物浦第三個入球嘅攻勢亦清楚反映出曼聯防守上嘅失誤：利物浦中間三名球員已經引嚟六名曼聯防守球員，當中更包括晒四後衛，可以見到分別喺最左同最右嘅羅拔臣、拿比基達有幾咁多空位；最有趣嘅位，當沙拿起腳被擋後皮球彈到去右路位置，曼聯眾將先如夢初醒，醒覺到原來利物浦仲有進攻球員喺邊路，不過想回身追已經追唔切，拿比基達輕鬆傳俾沙拿射入。
圖片來源：利物浦官方 YouTube (https://www.youtube.com/watch?v=nLxmuh6wCVY)
利物浦 – 水銀瀉地
正如上文提過，利物浦會利用快速轉邊將閘位助攻嘅威脅最大化，因為轉邊可以逼使對手防線跟隨自己進攻方向移動，若果可以短時間內完成轉邊，對手防線好容易就會跟唔上速度，從而獲得大量空位進攻，翼鋒沙拿、迪奧高祖達加上助攻嘅左右閘羅拔臣、亞歷山大阿諾，再配合前插嘅中場，就能夠輕鬆 overload 對手，把握人數優勢創造有威脅嘅埋門。從上述幾張截圖都可以睇得出利物浦能夠成功執行呢套戰術，而且對曼聯非常有效，每個入球都係源於邊路嘅攻勢。
與此同時，利物浦嘅高位逼搶對曼聯中後場同樣有效。當曼聯希望從後場組織，一對中堅控球時，利物浦嘅三箭頭就會採取人盯人逼搶，同時中場亦會壓前，防守曼聯一對中場，因為中場回後幫波係破解逼搶嘅有效方法。之前利物浦喺對陣車路士嘅比賽中同樣有採取前場逼搶，但車路士透過策動中場回至後防線協助組織就能夠破解，因為不論係佐真奴 (Jorginho) 抑或高華錫 (Mateo Kovacic) 都擁有優秀嘅護球、用球能力，能夠透過精準嘅長短傳甚至自行引球推進舒緩後防壓力。可惜曼聯嘅一對防中費特、麥湯文尼欠缺呢種能力，未能幫到手之餘自己控球面對逼搶時亦非常緊張，導致失誤連連，利物浦因而輕易地保持控球權。
另外高普喺防守上亦有針對自身弱點而作出部署。眾所周知，攻擊利物浦最有效方法就係直接攻擊兩閘身後位置，把握佢哋上前助攻回防不及嘅時間。有見及此，今仗高普以老將占士米拿出任正選左中場，喺羅拔臣壓上助攻時，占士米拿就會補翻個左閘位協助球隊防守，以防對手反擊同埋防範曼聯右翼格連活特嘅 cut 入中路射門，對於占士米拿呢類經驗豐富、戰術執行力高而且又經常客串打閘嘅球員嚟講，呢項工作絕對唔係問題。
總結
今場利物浦喺未有受到太大考驗嘅情況下就取得一場大勝，當中可以見到高普充足嘅部署、利物浦一眾球員到位嘅戰術執行力；反觀曼聯球員就踢得又慌又亂，更喺 60 分鐘起就要踢少一人，最終大敗一場。筆者曾經喺上一篇文章 (李斯特城對曼聯賽後分析，詳情請見延伸閱讀) 提及到曼聯需要調整防守表現，否則喺接下來嘅賽程好難贏波，結果今場曼聯嘅防守彷彿比對李斯特城時更差。到底接下來曼聯對熱刺、曼城時係能夠及時調整抑或繼續被對手教訓，下星期自有分曉。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！
https://www.facebook.com/blacksontalkball/
今個星期英超上演雙紅會，由曼聯喺主場迎戰利物浦。無獨有偶，兩隊都喺周中嘅歐聯分組賽中以 3:2 嘅比數贏波，不過喺聯賽方面曼聯已經三場不勝，面對利物浦呢隊英超唯一不敗之師，雖然有主場之利，但仍然難逃一敗。
曼聯以 4-2-3-1 出戰，人腳同周中歐聯反勝亞特蘭大一仗嘅正選陣容完全一樣：四人防線為梳爾、麥佳亞、連迪洛夫、雲比沙卡；雙防中係麥湯文尼、費特嘅 McFred 組合，左右翼分別係拉舒福特、格連活特，而進攻中場同前鋒當然係必然正選嘅般奴費蘭迪斯同 C 朗。不過令筆者比較意外嘅係今場大戰普巴唔係正選而係先任後備，或者蘇斯克查係想先做好防守啦。
曼聯正選陣容
GK 1 迪基亞 David de Gea
LB 23梳爾 Luke Shaw
CB 5 麥佳亞 Harry Maguire
CB 2 連迪洛夫 Victor LindelöfRB 29雲比沙卡 Aaron Wan-Bissaka
CDM17費特 Fred
CDM39麥湯文尼 Scott McTominay
LM 10拉舒福特 Marcus Rashford (62’ 由達洛特 Diogo Dalot 入替)
CAM18般奴費蘭迪斯 Bruno Fernandes (62’ 由卡雲尼 Edinson Cavani 入替)
RM 11格連活特 Mason Greenwood (46’ 由普巴 Paul Pogba 入替)
FW 7 C 朗拿度 Cristiano Ronaldo
利物浦亦沿用自己最熟悉嘅陣容 4-3-3 出戰，中堅位置上有干拿迪取代馬迪普 (Joël Matip) 嘅正選位置；三中場用咗防守性較高、較為工兵型嘅組合占士米拿、佐敦軒達臣、拿比基達；而三箭頭則有迪奧高祖達取代文尼 (Sadio Mané) 嘅正選位置，與費明奴、沙拿合作攻堅。
利物浦正選陣容
GK1 艾利臣 Alisson Becker
LB 26羅拔臣 Andrew Robertson
CB4 雲迪克 Virgil van Dijk
CB5 干拿迪 Ibrahima Konaté
RB66亞歷山大阿諾 Trent Alexander-Arnold
CM7 占士米拿 James Milner (27’ 由居迪斯鍾斯 Curtis Jones 入替)
CM14佐敦軒達臣 Jordan Henderson
CM8 拿比基達 Naby Keïta (64’ 由張伯倫 Alex Oxlade-Chamberlain入替)
FW20迪奧高祖達 Diogo Jota
FW9 費明奴 Roberto Firmino (77’ 由文尼 Sadio Mané 入替)
FW11沙拿 Mohamed Salah
今場比賽懸殊嘅賽果正正反映出兩隊喺效率及戰術上嘅分野，基本上利物浦喺上半場就已經奠定勝局。
上半場利物浦主導形勢，透過有系統嘅前場逼搶令曼聯難以從中後場組織，非常有效；而曼聯面對逼搶時不論後衛定中場都表現得好「騰雞」、緊張，好似當咗粒波係炸彈想求其踢走佢就算，一對中場未能有效協助後防解困，結果未能保持控球權，俾利物浦壓住嚟打。除咗前場逼搶外，利物浦進攻時會透過快速轉向拉扯曼聯防線，配合左右閘壓上助攻overload 對手邊路防守，而曼聯防守陣形移動嘅速度明顯跟唔上，導致轉邊後利物浦喺邊路有大量空位可以輕鬆組織攻勢，殺入禁區。
曼聯 – 豆腐防線
利物浦進攻時兩閘會壓上助攻，中場會前插攻擊 half space，呢啲都唔係啲咩新鮮事，所以踢 4-2-3-1 嘅曼聯好需要左右翼回防守住對方兩閘，但觀乎曼聯嘅防守表現佢哋好似未有喺賽前好好訓練，喺利物浦不斷轉邊進攻下，曼聯嘅防守陣形好易被拉散，球員之間好似並唔熟習點樣防守，而且球員之間嚴重缺乏溝通。
圖片來源：利物浦官方 YouTube (https://www.youtube.com/watch?v=nLxmuh6wCVY)
上圖呢一個攻勢已經可以解釋晒以上各點，利物浦當時從左路進攻，但羅拔臣一個人就吸引咗曼聯右翼格連活特、右閘雲比沙卡防守，兩位曼聯球員明顯未有事先溝通好邊個負責防守羅拔臣，導致中堅連迪洛夫需要一打二；羅拔臣見狀立即傳中，雖然迪奧高祖達未能接應，但呢球毫無威脅嘅傳中竟然引起曼聯後防混亂，麥佳亞、梳爾互相禮讓、遲遲唔解圍，最後仲炒埋一碟，拿比基達漁人得利並交俾後上嘅亞歷山大阿諾，後者一個地波傳中，迪奧高祖達門前輕鬆撞入。喺傳中一刻可以見到曼聯防線有幾鬆散：頭先提到嘅右閘雲比沙卡防守完羅拔臣後施施然回防，麥湯文尼補翻 half space 位係正確決定但佢卻未能緊貼占士米拿；而麥湯文尼去補位導致費特喺禁區頂嘅位置需要以一敵三，麥佳亞、梳爾則同時俾亞歷山大阿諾吸引注意。而且，亞歷山大阿諾後上助攻時曼聯完全係冇人防守佢，要知道 4-2-3-1 呢個陣式防守時兩翼回防本身就係一個關鍵，對住利物浦呢類閘位會經常上前助攻嘅球隊就更加重要，當右翼格連活特都要防守利物浦左閘羅拔臣時，對邊嘅拉舒福特竟然可以任由亞歷山大阿諾助攻，呢個防守堪稱災難級。
而以下利物浦第三個入球嘅攻勢亦清楚反映出曼聯防守上嘅失誤：利物浦中間三名球員已經引嚟六名曼聯防守球員，當中更包括晒四後衛，可以見到分別喺最左同最右嘅羅拔臣、拿比基達有幾咁多空位；最有趣嘅位，當沙拿起腳被擋後皮球彈到去右路位置，曼聯眾將先如夢初醒，醒覺到原來利物浦仲有進攻球員喺邊路，不過想回身追已經追唔切，拿比基達輕鬆傳俾沙拿射入。
圖片來源：利物浦官方 YouTube (https://www.youtube.com/watch?v=nLxmuh6wCVY)
利物浦 – 水銀瀉地
正如上文提過，利物浦會利用快速轉邊將閘位助攻嘅威脅最大化，因為轉邊可以逼使對手防線跟隨自己進攻方向移動，若果可以短時間內完成轉邊，對手防線好容易就會跟唔上速度，從而獲得大量空位進攻，翼鋒沙拿、迪奧高祖達加上助攻嘅左右閘羅拔臣、亞歷山大阿諾，再配合前插嘅中場，就能夠輕鬆 overload 對手，把握人數優勢創造有威脅嘅埋門。從上述幾張截圖都可以睇得出利物浦能夠成功執行呢套戰術，而且對曼聯非常有效，每個入球都係源於邊路嘅攻勢。
與此同時，利物浦嘅高位逼搶對曼聯中後場同樣有效。當曼聯希望從後場組織，一對中堅控球時，利物浦嘅三箭頭就會採取人盯人逼搶，同時中場亦會壓前，防守曼聯一對中場，因為中場回後幫波係破解逼搶嘅有效方法。之前利物浦喺對陣車路士嘅比賽中同樣有採取前場逼搶，但車路士透過策動中場回至後防線協助組織就能夠破解，因為不論係佐真奴 (Jorginho) 抑或高華錫 (Mateo Kovacic) 都擁有優秀嘅護球、用球能力，能夠透過精準嘅長短傳甚至自行引球推進舒緩後防壓力。可惜曼聯嘅一對防中費特、麥湯文尼欠缺呢種能力，未能幫到手之餘自己控球面對逼搶時亦非常緊張，導致失誤連連，利物浦因而輕易地保持控球權。
另外高普喺防守上亦有針對自身弱點而作出部署。眾所周知，攻擊利物浦最有效方法就係直接攻擊兩閘身後位置，把握佢哋上前助攻回防不及嘅時間。有見及此，今仗高普以老將占士米拿出任正選左中場，喺羅拔臣壓上助攻時，占士米拿就會補翻個左閘位協助球隊防守，以防對手反擊同埋防範曼聯右翼格連活特嘅 cut 入中路射門，對於占士米拿呢類經驗豐富、戰術執行力高而且又經常客串打閘嘅球員嚟講，呢項工作絕對唔係問題。
總結
今場利物浦喺未有受到太大考驗嘅情況下就取得一場大勝，當中可以見到高普充足嘅部署、利物浦一眾球員到位嘅戰術執行力；反觀曼聯球員就踢得又慌又亂，更喺 60 分鐘起就要踢少一人，最終大敗一場。筆者曾經喺上一篇文章 (李斯特城對曼聯賽後分析，詳情請見延伸閱讀) 提及到曼聯需要調整防守表現，否則喺接下來嘅賽程好難贏波，結果今場曼聯嘅防守彷彿比對李斯特城時更差。到底接下來曼聯對熱刺、曼城時係能夠及時調整抑或繼續被對手教訓，下星期自有分曉。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！
https://www.facebook.com/blacksontalkball/
如果喜歡我們的文章，請即分享到︰
延伸閲讀：
以快打曼 (李斯特城對曼聯賽後分析)
進攻是最好的防守 (利物浦對曼城賽後分析)
蘇斯克查 – 下一分鐘的我打倒上一分鐘的我 (年青人對曼聯換人賽後分析)
天下武功唯快不破 (利物浦對車路士賽後分析)
海軍鬥水兵 (熱刺對曼聯賽後分析)
以快打曼 (李斯特城對曼聯賽後分析)
進攻是最好的防守 (利物浦對曼城賽後分析)
蘇斯克查 – 下一分鐘的我打倒上一分鐘的我 (年青人對曼聯換人賽後分析)
天下武功唯快不破 (利物浦對車路士賽後分析)
海軍鬥水兵 (熱刺對曼聯賽後分析)