技術性擊倒 (曼聯對曼城賽後分析)
圖片來源：Sky Sports (https://www.skysports.com/football/manchester-united-vs-manchester-city/report/446395)
曼聯自上場擊敗熱刺嘅聯賽賽事開始使用三中堅陣式，連埋週中歐聯比賽取得一勝一和嘅成績，球隊似乎有啲起色，但今場要面對強大嘅曼城仍然唔足以與其抗衡，最終喺大部份時間被對手控制戰局嘅情況下，主場以 0:2 落敗。
曼聯今場沿用三中堅陣式，由於華拉尼 (Raphaël Varane) 喺周中歐聯比賽受傷，今場由拜利取代其正選中堅位置；中場喺普巴需要停賽嘅情況下只好繼續用上 McFred 組合，而前鋒則改由格連活特擔任 C 朗嘅拍檔。
曼聯正選陣容
GK 1 迪基亞 David de Gea
CB 5 麥佳亞 Harry Maguire
CB 2 連迪洛夫 Victor Lindelöf
CB 3 拜利 Eric Bailly (45’ 由辛祖 Jadon Sancho 入替)
LWB23梳爾 Luke Shaw (73’ 由泰利斯 Alex Telles 入替)CM 17 費特 Fred (80’ 由雲迪碧克 Donny van de Beek 入替)
CM 39 麥湯文尼 Scott McTominay
RWB29雲比沙卡 Aaron Wan-Bissaka
CAM18般奴費蘭迪斯 Bruno Fernandes
FW 7 C 朗拿度 Cristiano Ronaldo
FW 11格連活特 Mason Greenwood (67‘ 由拉舒福特 Marcus Rashford 入替)
曼城則繼續使出自己嘅拿手好戲：4-3-3 無鋒陣，以不變應萬變。由於拿樸迪 (Aymeric Laporte) 停賽，史東斯今場得到正選上陣嘅機會；中場有根度簡、迪布尼同時正選，增強控制力，而貝拿度施華則由以往嘅中場位置改為踢最前。
曼城正選陣容GK 31艾達臣 Ederson
LB 27 簡些路 João Cancelo
CB 3 戴亞斯 Rúben Dias
CB 5 史東斯 John Stones
RB 2 卡爾獲加 Kyle Walker
CM 8 根度簡 İlkay Gündoğan
CM 16洛迪高 Rodrigo
CM 17迪布尼 Kevin De Bruyne
FW 47科頓 Phil Foden
FW 20貝拿度施華 Bernardo Silva
FW 9 加比爾捷西斯 Gabriel Jesus
曼聯 – 完敗
圖片來源：Sky Sports (https://www.skysports.com/football/manchester-united-vs-manchester-city/report/446395)
今場除咗完敗之外都搵唔到另一個更貼切嘅形容詞，睇翻上圖數據就可以清楚：只有三成控球率、射門次數 5 對16、中龍次數 1 對 5、傳球次數不及對方嘅一半，而且喺對方禁區內觸球次數只得 4 次，足見今場比賽由控制戰局，曼聯難以組織攻勢，遑論要攻入對手心臟地帶，製造威脅。
今場比賽曼聯受制於曼城嘅前場逼搶。雖然曼聯已經排出三中堅，試圖掩蓋防守薄弱嘅缺點同增加後場傳球選擇以破解逼搶，但即使能夠舒緩後防壓力，中場球員喺能力、技術上嘅差距仍然無法解決。要費特、麥湯文尼呢對組合負責防守工作佢哋尚能勝任，但若要佢哋從中場轉守為攻、自行推進，尤其是面對曼城呢類強隊時，恐怕就力有不逮，變相曼聯得到球權後只能交由般奴發揮，令曼城防守相對變得輕鬆：只要守住般奴就可以令曼聯進攻啞火。
曼聯中場控制力不足已經唔係第一日嘅事，今場喺普巴停賽嘅情況下更加係毫無懸念，但雲迪碧克係咪真係完全不值一提、唔值得上陣呢？呢個答案只有蘇斯克查先知。但觀乎今場及週中歐聯分組賽佢落場後嘅表現，佢嘅活力、盤球、控球都係如今曼聯中場線欠缺嘅元素。與其固步自封擁抱 McFred 嘅中場組合，曼聯都係時候作出新嘗試。
曼城 – 技術性擊倒
比賽數據同上面嘅部分已經解釋咗曼城掌控比賽嘅原因，呢度就唔再額外討論，反而想講講曼城點樣將曼聯 3-4-1-2 嘅弱點無限大。
曼聯嘅 3-4-1-2 防守時般奴嘅位置會拉後，呈 5-3-2 狀態，有時甚至需要將前鋒之一嘅格連活特拉後至進攻中場位置，變為呈 5-4-1 菱形中場嘅防守陣式，但無論點變，呢類陣式都係著重中路防守，邊路防守則非常薄弱，只得一對翼衛梳爾、雲比沙卡負責。曼城走位靈活自由就不在話下，overload half space或邊路更係佢哋嘅拿手好戲。曼城進攻時先從邊路開始組織攻勢，逼使曼聯整體陣形偏向一邊，再透過一兩腳波轉邊到另一邊繼續進攻。呢個時間點由於曼聯整體陣形偏向咗一邊嘅關係，球員移動速度不及曼城轉邊，導致另一邊只得一名閘位球員防守，曼城對邊嘅翼鋒、中場同閘位球員可以輕易形成 2 打 1 甚至 3 打 1 嘅人數優勢，呢個亦係左閘簡些路今場活躍嘅原因，更包辦晒球隊兩個助攻。
簡些路一直以嚟嘅進步有目共睹，現時曼城陣中撇除中前場無鋒陣外，佢就係球隊進攻及戰術上嘅秘密武器。簡些路初初加盟時明顯水土不服，未能適應英超節奏，根本無法撼動卡爾獲加嘅正選右閘位置，只有擔任輪換球員嘅角色甚至客串左閘居多。但而家回顧翻可能哥迪奧拿將佢改造成左閘係哥帥戰術藍圖嘅重要一環。假設曼城從右路開始組織攻勢，轉邊到左路後多數都會由簡些路負責繼續組織，原因係佢有足夠嘅能力令佢可以作出唔同嘅決定、選擇。正如上一段所講，曼城轉邊後能夠輕易形成 overload，簡些路除咗可以選擇傳俾隊友之外亦可以自己推進單挑對手；而且佢左右腳都熟練，可以喺任意角度作出傳中，更可 cut 入中路起腳射門，令對手防不勝防。
總結
曼城再次收穫一場技術性擊倒嘅勝仗，而相信曼聯上下亦意識到自身與強隊嘅距離。下星期再次係國際賽期，兩支球隊正好把握空檔調整狀態，同時亦要寄望自身球員唔好受傷，以應付接下來嘅比賽及 12 月嘅密集賽程。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
曼聯自上場擊敗熱刺嘅聯賽賽事開始使用三中堅陣式，連埋週中歐聯比賽取得一勝一和嘅成績，球隊似乎有啲起色，但今場要面對強大嘅曼城仍然唔足以與其抗衡，最終喺大部份時間被對手控制戰局嘅情況下，主場以 0:2 落敗。
曼聯今場沿用三中堅陣式，由於華拉尼 (Raphaël Varane) 喺周中歐聯比賽受傷，今場由拜利取代其正選中堅位置；中場喺普巴需要停賽嘅情況下只好繼續用上 McFred 組合，而前鋒則改由格連活特擔任 C 朗嘅拍檔。
曼聯正選陣容
GK 1 迪基亞 David de Gea
CB 5 麥佳亞 Harry Maguire
CB 2 連迪洛夫 Victor Lindelöf
CB 3 拜利 Eric Bailly (45’ 由辛祖 Jadon Sancho 入替)
LWB23梳爾 Luke Shaw (73’ 由泰利斯 Alex Telles 入替)CM 17 費特 Fred (80’ 由雲迪碧克 Donny van de Beek 入替)
CM 39 麥湯文尼 Scott McTominay
RWB29雲比沙卡 Aaron Wan-Bissaka
CAM18般奴費蘭迪斯 Bruno Fernandes
FW 7 C 朗拿度 Cristiano Ronaldo
FW 11格連活特 Mason Greenwood (67‘ 由拉舒福特 Marcus Rashford 入替)
曼城則繼續使出自己嘅拿手好戲：4-3-3 無鋒陣，以不變應萬變。由於拿樸迪 (Aymeric Laporte) 停賽，史東斯今場得到正選上陣嘅機會；中場有根度簡、迪布尼同時正選，增強控制力，而貝拿度施華則由以往嘅中場位置改為踢最前。
曼城正選陣容GK 31艾達臣 Ederson
LB 27 簡些路 João Cancelo
CB 3 戴亞斯 Rúben Dias
CB 5 史東斯 John Stones
RB 2 卡爾獲加 Kyle Walker
CM 8 根度簡 İlkay Gündoğan
CM 16洛迪高 Rodrigo
CM 17迪布尼 Kevin De Bruyne
FW 47科頓 Phil Foden
FW 20貝拿度施華 Bernardo Silva
FW 9 加比爾捷西斯 Gabriel Jesus
曼聯 – 完敗
圖片來源：Sky Sports (https://www.skysports.com/football/manchester-united-vs-manchester-city/report/446395)
今場除咗完敗之外都搵唔到另一個更貼切嘅形容詞，睇翻上圖數據就可以清楚：只有三成控球率、射門次數 5 對16、中龍次數 1 對 5、傳球次數不及對方嘅一半，而且喺對方禁區內觸球次數只得 4 次，足見今場比賽由控制戰局，曼聯難以組織攻勢，遑論要攻入對手心臟地帶，製造威脅。
今場比賽曼聯受制於曼城嘅前場逼搶。雖然曼聯已經排出三中堅，試圖掩蓋防守薄弱嘅缺點同增加後場傳球選擇以破解逼搶，但即使能夠舒緩後防壓力，中場球員喺能力、技術上嘅差距仍然無法解決。要費特、麥湯文尼呢對組合負責防守工作佢哋尚能勝任，但若要佢哋從中場轉守為攻、自行推進，尤其是面對曼城呢類強隊時，恐怕就力有不逮，變相曼聯得到球權後只能交由般奴發揮，令曼城防守相對變得輕鬆：只要守住般奴就可以令曼聯進攻啞火。
曼聯中場控制力不足已經唔係第一日嘅事，今場喺普巴停賽嘅情況下更加係毫無懸念，但雲迪碧克係咪真係完全不值一提、唔值得上陣呢？呢個答案只有蘇斯克查先知。但觀乎今場及週中歐聯分組賽佢落場後嘅表現，佢嘅活力、盤球、控球都係如今曼聯中場線欠缺嘅元素。與其固步自封擁抱 McFred 嘅中場組合，曼聯都係時候作出新嘗試。
曼城 – 技術性擊倒
比賽數據同上面嘅部分已經解釋咗曼城掌控比賽嘅原因，呢度就唔再額外討論，反而想講講曼城點樣將曼聯 3-4-1-2 嘅弱點無限大。
曼聯嘅 3-4-1-2 防守時般奴嘅位置會拉後，呈 5-3-2 狀態，有時甚至需要將前鋒之一嘅格連活特拉後至進攻中場位置，變為呈 5-4-1 菱形中場嘅防守陣式，但無論點變，呢類陣式都係著重中路防守，邊路防守則非常薄弱，只得一對翼衛梳爾、雲比沙卡負責。曼城走位靈活自由就不在話下，overload half space或邊路更係佢哋嘅拿手好戲。曼城進攻時先從邊路開始組織攻勢，逼使曼聯整體陣形偏向一邊，再透過一兩腳波轉邊到另一邊繼續進攻。呢個時間點由於曼聯整體陣形偏向咗一邊嘅關係，球員移動速度不及曼城轉邊，導致另一邊只得一名閘位球員防守，曼城對邊嘅翼鋒、中場同閘位球員可以輕易形成 2 打 1 甚至 3 打 1 嘅人數優勢，呢個亦係左閘簡些路今場活躍嘅原因，更包辦晒球隊兩個助攻。
簡些路一直以嚟嘅進步有目共睹，現時曼城陣中撇除中前場無鋒陣外，佢就係球隊進攻及戰術上嘅秘密武器。簡些路初初加盟時明顯水土不服，未能適應英超節奏，根本無法撼動卡爾獲加嘅正選右閘位置，只有擔任輪換球員嘅角色甚至客串左閘居多。但而家回顧翻可能哥迪奧拿將佢改造成左閘係哥帥戰術藍圖嘅重要一環。假設曼城從右路開始組織攻勢，轉邊到左路後多數都會由簡些路負責繼續組織，原因係佢有足夠嘅能力令佢可以作出唔同嘅決定、選擇。正如上一段所講，曼城轉邊後能夠輕易形成 overload，簡些路除咗可以選擇傳俾隊友之外亦可以自己推進單挑對手；而且佢左右腳都熟練，可以喺任意角度作出傳中，更可 cut 入中路起腳射門，令對手防不勝防。
總結
曼城再次收穫一場技術性擊倒嘅勝仗，而相信曼聯上下亦意識到自身與強隊嘅距離。下星期再次係國際賽期，兩支球隊正好把握空檔調整狀態，同時亦要寄望自身球員唔好受傷，以應付接下來嘅比賽及 12 月嘅密集賽程。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/