好波好運 (阿仙奴對曼城賽後分析)
圖片來源：英超官方網站 (https://www.premierleague.com/match/66542)
首先祝各位讀者新年快樂，新一年黑仔講波將會繼續同大家一齊講波睇波，同時會勤力 update ig (笑)，希望大家繼續多多支持。
講翻今輪英超，踏入 2022 年即刻有場矚目大戰，由阿仙奴喺主場迎戰曼城。首循環阿仙奴曾經以 5:0 大敗於曼城腳下，但嗰場之後阿仙奴就開始企穩陣腳，今次返到主場，唔知近況唔錯嘅阿仙奴又可唔可以招架得住曼城呢。
阿仙奴今場排出 4-2-3-1，由泰亞尼、加比爾、賓韋特、富安健洋組成防線；雙防中有薩卡、帕迪，左右翼及進攻中場繼續用上馬天尼利、沙卡、奧迪加特，史密夫路繼續先任後備，而正選前鋒位置繼續由拿卡錫迪擔任。
阿仙奴正選陣容
GK32藍斯度 Aaron Ramsdale
LB 3 泰亞尼 Kieran Tierney
CB 6 加比爾 GabrielCB 4 賓韋特 Ben White
RB18富安健洋 Takehiro Tomiyasu
CDM34薩卡 Granit Xhaka
CDM5帕迪 Thomas Partey
LM35馬天尼利 Gabriel Martinelli
CAM8奧迪加特 Martin Ødegaard (63’ 由賀定 Rob Holding 入替)
RM7 沙卡 Bukayo Saka (84’ 由艾蘭尼 Mohamed Elneny 入替)
FW9 拿卡錫迪 Alexandre Lacazette (71’ 由史密夫路 Emile Smith-Rowe 入替)
曼城則繼續以 4-3-3 出戰，後防有尼敦艾基連續兩場正選上陣客串左閘，與拿樸迪、戴亞斯、簡些路組成四人防線；中場方面有防中洛迪高復出，另外兩名中場則為迪布尼、貝拿度施華；前鋒有加比爾捷西斯擔任正前鋒位置，左右翼繼續係史達寧、馬列斯。
曼城正選陣容
GK31艾達臣 Ederson
LB 6 尼敦艾基 Nathan Aké
CB14拿樸迪 Aymeric Laporte
CB3 戴亞斯 Rúben Dias
RB27簡些路 João Cancelo
CM17迪布尼 Kevin De Bruyne
CM16洛迪高 Rodrigo
CM20貝拿度施華 Bernardo Silva
FW7 史達寧 Raheem Sterling
FW9 加比爾捷西斯 Gabriel Jesus (63' 由根度簡 İlkay Gündoğan 入替)
FW26馬列斯 Riyad Mahrez
阿仙奴 – 中路連線奧迪加特、拿卡錫迪喺阿仙奴嘅進攻擔任重要角色，佢哋對於空位有敏銳嘅觸覺，今場佢哋就不斷透過無球跑動為隊友創造空位、機會，而阿仙奴嘅入球正正就係佢哋團隊 build-up 嘅成果。
圖片來源：阿仙奴官方 YouTube (https://www.youtube.com/watch?v=mXwCqpqopxU)
首先，阿仙奴進攻時喺中路會有人數優勢，因為曼城防守時陣形多數會呈 4-4-2，目的係防止對手後衛直接傳入中路組織攻勢，變相中場只得兩名球員防守阿仙奴嘅三名中場。
上圖正正顯示出阿仙奴經邊路傳翻入中路就會形成一個中路 overload 嘅形勢，帕迪接到賓韋特嘅傳球後可以輕鬆俾到薩卡再俾奧迪加特，洛迪高必須作出選擇防守對象。洛迪高最後選擇追波防守，皮球成功經薩卡傳到奧迪加特腳下，後者再分俾跑緊上去助攻嘅左閘泰亞尼，阿仙奴喺左路再次形成 overload，洛迪高再次被逼跑過去防守，但佢原本防守緊嘅峨眉月頂就變相出現空位，加上貝拿度施華未有及時補位，奧迪加特立即跑入去並指住個空位示意隊友傳球，拿卡錫迪見狀亦立即從中鋒位置向右跑，拉走緊貼佢嘅中堅拿樸迪，令峨眉月頂有更多空位。泰亞尼傳入禁區，拿卡錫迪同沙卡做一個交叉走位同時帶走拿樸迪、尼敦艾基，令沙卡有足夠空位起腳或傳俾空晒嘅奧迪加特，最後沙卡一射破網。
圖片及數據來源：英超官方網站 (https://www.premierleague.com/match/66542)
曼城 – 全場圍攻
雖然今場擁有超過七成控球權，射門次數足足多對手一倍，但其實中目標嘅次數都係同對方一樣只得 2 次，對於曼城嚟講係個唔理想嘅表現。受制於阿仙奴集中喺中路又窄又緊密嘅防守陣形，曼城一貫攻擊 half space 嘅進攻方法都冇咩效果；即使從邊路進攻，一傳入中間就會面對四方八面嘅防守，今場曼城嘅進攻威脅有限，成功反勝確實有啲運氣，兩個入球分別係阿仙奴中場薩卡喺禁區內魯莽犯規輸 12 碼，以及賀定禁區內解圍失誤頂咗俾曼城球員。
話雖如此，射入奠定勝局一球嘅攻勢都可以見到曼城嘅 Plan B – 高 Q 大棍。今場比賽曼城雖然派出咗正前鋒加比爾捷西斯出任正選，但佢踢咗 63 分鐘就被調離場；但反而去到最後階段哥迪奧拿就回歸有正前鋒嘅戰術，安排擅長頭鎚嘅拿樸迪、洛迪高擔當箭頭角色，曼城進攻方式亦由地面進攻搖身一變成為高空轟炸，由邊路斬入禁區俾呢兩位球員去衝去頂，而最後亦成功創造入球。
總結
喺略帶幸運嘅情況下曼城成功全取三分，鞏固榜首優勢，不過破密集相信仍然係哥迪奧拿著手處理緊嘅問題；而阿仙奴今場亦輸得實在有啲唔抵，無論戰術、排陣上都準備充足，亦有唔錯嘅表現，只不過一出意外就足以致命，兩次失誤皆被曼城把握得到化為入球，導致輸波，但相信阿仙奴仍然係爭四之戰中嘅有力競爭者。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
首先祝各位讀者新年快樂，新一年黑仔講波將會繼續同大家一齊講波睇波，同時會勤力 update ig (笑)，希望大家繼續多多支持。
講翻今輪英超，踏入 2022 年即刻有場矚目大戰，由阿仙奴喺主場迎戰曼城。首循環阿仙奴曾經以 5:0 大敗於曼城腳下，但嗰場之後阿仙奴就開始企穩陣腳，今次返到主場，唔知近況唔錯嘅阿仙奴又可唔可以招架得住曼城呢。
阿仙奴今場排出 4-2-3-1，由泰亞尼、加比爾、賓韋特、富安健洋組成防線；雙防中有薩卡、帕迪，左右翼及進攻中場繼續用上馬天尼利、沙卡、奧迪加特，史密夫路繼續先任後備，而正選前鋒位置繼續由拿卡錫迪擔任。
阿仙奴正選陣容
GK32藍斯度 Aaron Ramsdale
LB 3 泰亞尼 Kieran Tierney
CB 6 加比爾 GabrielCB 4 賓韋特 Ben White
RB18富安健洋 Takehiro Tomiyasu
CDM34薩卡 Granit Xhaka
CDM5帕迪 Thomas Partey
LM35馬天尼利 Gabriel Martinelli
CAM8奧迪加特 Martin Ødegaard (63’ 由賀定 Rob Holding 入替)
RM7 沙卡 Bukayo Saka (84’ 由艾蘭尼 Mohamed Elneny 入替)
FW9 拿卡錫迪 Alexandre Lacazette (71’ 由史密夫路 Emile Smith-Rowe 入替)
曼城則繼續以 4-3-3 出戰，後防有尼敦艾基連續兩場正選上陣客串左閘，與拿樸迪、戴亞斯、簡些路組成四人防線；中場方面有防中洛迪高復出，另外兩名中場則為迪布尼、貝拿度施華；前鋒有加比爾捷西斯擔任正前鋒位置，左右翼繼續係史達寧、馬列斯。
曼城正選陣容
GK31艾達臣 Ederson
LB 6 尼敦艾基 Nathan Aké
CB14拿樸迪 Aymeric Laporte
CB3 戴亞斯 Rúben Dias
RB27簡些路 João Cancelo
CM17迪布尼 Kevin De Bruyne
CM16洛迪高 Rodrigo
CM20貝拿度施華 Bernardo Silva
FW7 史達寧 Raheem Sterling
FW9 加比爾捷西斯 Gabriel Jesus (63' 由根度簡 İlkay Gündoğan 入替)
FW26馬列斯 Riyad Mahrez
阿仙奴 – 中路連線奧迪加特、拿卡錫迪喺阿仙奴嘅進攻擔任重要角色，佢哋對於空位有敏銳嘅觸覺，今場佢哋就不斷透過無球跑動為隊友創造空位、機會，而阿仙奴嘅入球正正就係佢哋團隊 build-up 嘅成果。
圖片來源：阿仙奴官方 YouTube (https://www.youtube.com/watch?v=mXwCqpqopxU)
首先，阿仙奴進攻時喺中路會有人數優勢，因為曼城防守時陣形多數會呈 4-4-2，目的係防止對手後衛直接傳入中路組織攻勢，變相中場只得兩名球員防守阿仙奴嘅三名中場。
上圖正正顯示出阿仙奴經邊路傳翻入中路就會形成一個中路 overload 嘅形勢，帕迪接到賓韋特嘅傳球後可以輕鬆俾到薩卡再俾奧迪加特，洛迪高必須作出選擇防守對象。洛迪高最後選擇追波防守，皮球成功經薩卡傳到奧迪加特腳下，後者再分俾跑緊上去助攻嘅左閘泰亞尼，阿仙奴喺左路再次形成 overload，洛迪高再次被逼跑過去防守，但佢原本防守緊嘅峨眉月頂就變相出現空位，加上貝拿度施華未有及時補位，奧迪加特立即跑入去並指住個空位示意隊友傳球，拿卡錫迪見狀亦立即從中鋒位置向右跑，拉走緊貼佢嘅中堅拿樸迪，令峨眉月頂有更多空位。泰亞尼傳入禁區，拿卡錫迪同沙卡做一個交叉走位同時帶走拿樸迪、尼敦艾基，令沙卡有足夠空位起腳或傳俾空晒嘅奧迪加特，最後沙卡一射破網。
圖片及數據來源：英超官方網站 (https://www.premierleague.com/match/66542)
曼城 – 全場圍攻
雖然今場擁有超過七成控球權，射門次數足足多對手一倍，但其實中目標嘅次數都係同對方一樣只得 2 次，對於曼城嚟講係個唔理想嘅表現。受制於阿仙奴集中喺中路又窄又緊密嘅防守陣形，曼城一貫攻擊 half space 嘅進攻方法都冇咩效果；即使從邊路進攻，一傳入中間就會面對四方八面嘅防守，今場曼城嘅進攻威脅有限，成功反勝確實有啲運氣，兩個入球分別係阿仙奴中場薩卡喺禁區內魯莽犯規輸 12 碼，以及賀定禁區內解圍失誤頂咗俾曼城球員。
話雖如此，射入奠定勝局一球嘅攻勢都可以見到曼城嘅 Plan B – 高 Q 大棍。今場比賽曼城雖然派出咗正前鋒加比爾捷西斯出任正選，但佢踢咗 63 分鐘就被調離場；但反而去到最後階段哥迪奧拿就回歸有正前鋒嘅戰術，安排擅長頭鎚嘅拿樸迪、洛迪高擔當箭頭角色，曼城進攻方式亦由地面進攻搖身一變成為高空轟炸，由邊路斬入禁區俾呢兩位球員去衝去頂，而最後亦成功創造入球。
總結
喺略帶幸運嘅情況下曼城成功全取三分，鞏固榜首優勢，不過破密集相信仍然係哥迪奧拿著手處理緊嘅問題；而阿仙奴今場亦輸得實在有啲唔抵，無論戰術、排陣上都準備充足，亦有唔錯嘅表現，只不過一出意外就足以致命，兩次失誤皆被曼城把握得到化為入球，導致輸波，但相信阿仙奴仍然係爭四之戰中嘅有力競爭者。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/