「ACOO x 許賢 – 香港足球重塑企劃」觀後感
首先感謝 ACOO 及許賢開拍呢個系列嘅節目，身體力行咁支持、推廣本地足球，而且每集都涵蓋咗足球發展之中唔同嘅持份者，令觀眾能夠從唔同角度認識本地足球。
簡介
「香港足球重塑企劃」一共有 6 集，但喺筆者心中其實係一連 8 集，因為仲有 2 集前傳：
「ACOO 球迷世界」
球迷世界 (上) – ACOO x 許賢 x 強尼
(https://www.youtube.com/watch?v=mqMpCDxi9EI)
球迷世界 (下) – ACOO x 許賢 x 劉榮業 x 梁能仁
(https://www.youtube.com/watch?v=j5OXB-_LtZY)
「香港足球重塑企劃」
第 1 集：試當．真教練 – 操練篇 (嘉賓：郭嘉諾「郭 Sir」、城大足球隊)
(https://www.youtube.com/watch?v=6IGIefe6IPA)
第 2 集：試當．真教練 – 實戰篇 (嘉賓：郭嘉諾「郭 Sir」、城大足球隊、標準流浪)
(https://www.youtube.com/watch?v=7jYVS_mbs8I)
第 3 集：試當．真球迷 (嘉賓：杰寧、嘉盈)
(https://www.youtube.com/watch?v=d-nJVzMGprM)
第 4 集：試當．真球星 (嘉賓：夏志明「子彈」)
(https://www.youtube.com/watch?v=mDJqbhVc7Bw)
第 5 集：試當．真操練 (嘉賓：陳曉明「曉明 Sir」、理文足球隊) (https://www.youtube.com/watch?v=qQVaadMB8WM)
第 6 集：試當．真決戰 (嘉賓：車路士足球學校 (香港))
(https://www.youtube.com/watch?v=BVppgCKUvjk)
「ACOO 球迷世界」首先以一場有唔少前港腳參加嘅「東南海盃」七人足球比賽作引入，由許賢、強尼擔任講波佬為比賽作評述，當中發現呢類比賽不乏觀眾，而佢哋嘅年紀普遍偏大，相信係因為有份比賽嘅都係過往有踢職業足球嘅足球明星，而呢班觀眾就係佢哋嘅擁躉；然後下集訪問兩位香港足球先生：梁能仁、劉榮業，點出咗香港足球風光不再、而家好少人留意嘅事實。
之後喺一連 6 集嘅「香港足球重塑企劃」當中，許賢就搵嚟不同界別嘅人士做嘉賓，例如港超球隊 (標準流浪、理文)、教練 (郭嘉諾、陳曉明)、球員 (夏志明) 等等，從不同角度了解香港足球，同時亦了解唔同人對香港足球嘅觀感、睇法，並從中帶出一個重點：推廣香港足球要從建立形象開始。
觀後感
「冇前途」、「搵唔到食」，相信呢兩個就係大眾對香港足球嘅主流印象，就連小朋友都識講 (詳情請見「香港足球重塑企劃」第 6 集)；加上早前有港超球隊欠薪、香港青年軍隊員在外比賽期間醉酒鬧事嘅新聞，都令香港足球喺大眾心中嘅印象每況愈下。
但香港球壇並非只有壞消息，回顧上年，香港足球其實有唔少重大突破。例如傑志、理文分別喺亞洲賽創下歷史佳績，前者喺亞冠分組賽排小組第 2，取得歷來最高嘅 11 分，只差一步就可以晉級十六強；而後者則殺入亞協四強，戰至加時僅敗，雖然未能打入決賽，但亦已經係香港球隊喺亞協嘅最好成績。
然而，呢啲好成績不足以改變香港足球喺大眾心中嘅印象。
「香港足球重塑企劃」就將香港足球「專業」嘅形象重新帶到大家眼前，帶大眾見識香港足球之中呢一個平時較難接觸嘅一面。平時社會大眾只能透過新聞、入場睇波接觸香港足球，但呢啲都只係足球之中嘅結果，而達到呢啲結果之前，其實球隊上下喺背後需要作出好多預備、訓練等過程，而呢啲過程就係最能夠反映足球員或運動員嘅專業性，但同時亦係大眾平時難以接觸嘅。今次呢一系列節目就帶觀眾見識到要經營一隊球隊、要贏一場波牽涉到嘅唔只係足球知識，例如從理文足球隊嘅訓練當中 (第 5 集)，我哋見到運動、科學與人性嘅結合，為球員營造一個適合訓練嘅環境，從而提高訓練質素，喺有限嘅訓練時間中達到最高效率；又例如從城大足球隊備戰對標準流浪嘅友誼賽時郭 Sir 訓練、演講嘅模式 (第 1 及 2 集)，我哋見到一位教練同球員嘅溝通模式、管理球員嘅狀態及心態嘅方法；而喺訓練過程中，觀眾都可以見到不論係職業足球員抑或大學校隊都會投入比賽、專注訓練嘅一面。
而且，呢一系列節目嘅觀眾唔只係本身會睇本地波嘅球迷，而係大眾，從而達到推廣足球嘅效果。不論係 ACOO、許賢，抑或強尼、杰寧、嘉盈，本身喺大眾都有一定知名度及 fans，呢一系列節目就透過佢哋嘅名氣吸引一班平時未必有留意香港足球嘅觀眾，擴闊香港足球嘅接觸面，令多啲人留意本地波。
而繼續推廣香港足球嘅下一步就會好似「香港足球重塑企劃」第 4 集咁：將一位球員變做一位球星。筆者個人其實幾鍾意呢集，一嚟呢集真係拍得「子彈」幾有星味，二嚟係節目中展現出香港運動員其實冇咩香港人識嘅苦況，路人認得許賢並熱情要求合照，同被投閒置散、唏噓嘅「子彈」形成強烈對比。香港其實不乏有能力嘅球員，只不過大部份都不為大眾所認知，為佢哋加添「星味」正正就係令更多人認識香港足球嘅其中一種方法。
最後再次感謝 ACOO、許賢及有份參與拍攝節目嘅各位，作為球迷嘅我睇得津津有味，好耐都未試過咁期待去追睇，可以話係大開眼界，獲益良多，但願香港足球仍有美好嘅明天。
p.s. 本文所有圖片來源均為 ACOO
https://www.facebook.com/acoohk/
https://www.acoo.hk/
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
簡介
「香港足球重塑企劃」一共有 6 集，但喺筆者心中其實係一連 8 集，因為仲有 2 集前傳：
「ACOO 球迷世界」
球迷世界 (上) – ACOO x 許賢 x 強尼
(https://www.youtube.com/watch?v=mqMpCDxi9EI)
球迷世界 (下) – ACOO x 許賢 x 劉榮業 x 梁能仁
(https://www.youtube.com/watch?v=j5OXB-_LtZY)
「香港足球重塑企劃」
第 1 集：試當．真教練 – 操練篇 (嘉賓：郭嘉諾「郭 Sir」、城大足球隊)
(https://www.youtube.com/watch?v=6IGIefe6IPA)
第 2 集：試當．真教練 – 實戰篇 (嘉賓：郭嘉諾「郭 Sir」、城大足球隊、標準流浪)
(https://www.youtube.com/watch?v=7jYVS_mbs8I)
第 3 集：試當．真球迷 (嘉賓：杰寧、嘉盈)
(https://www.youtube.com/watch?v=d-nJVzMGprM)
第 4 集：試當．真球星 (嘉賓：夏志明「子彈」)
(https://www.youtube.com/watch?v=mDJqbhVc7Bw)
第 5 集：試當．真操練 (嘉賓：陳曉明「曉明 Sir」、理文足球隊) (https://www.youtube.com/watch?v=qQVaadMB8WM)
第 6 集：試當．真決戰 (嘉賓：車路士足球學校 (香港))
(https://www.youtube.com/watch?v=BVppgCKUvjk)
「ACOO 球迷世界」首先以一場有唔少前港腳參加嘅「東南海盃」七人足球比賽作引入，由許賢、強尼擔任講波佬為比賽作評述，當中發現呢類比賽不乏觀眾，而佢哋嘅年紀普遍偏大，相信係因為有份比賽嘅都係過往有踢職業足球嘅足球明星，而呢班觀眾就係佢哋嘅擁躉；然後下集訪問兩位香港足球先生：梁能仁、劉榮業，點出咗香港足球風光不再、而家好少人留意嘅事實。
之後喺一連 6 集嘅「香港足球重塑企劃」當中，許賢就搵嚟不同界別嘅人士做嘉賓，例如港超球隊 (標準流浪、理文)、教練 (郭嘉諾、陳曉明)、球員 (夏志明) 等等，從不同角度了解香港足球，同時亦了解唔同人對香港足球嘅觀感、睇法，並從中帶出一個重點：推廣香港足球要從建立形象開始。
觀後感
「冇前途」、「搵唔到食」，相信呢兩個就係大眾對香港足球嘅主流印象，就連小朋友都識講 (詳情請見「香港足球重塑企劃」第 6 集)；加上早前有港超球隊欠薪、香港青年軍隊員在外比賽期間醉酒鬧事嘅新聞，都令香港足球喺大眾心中嘅印象每況愈下。
但香港球壇並非只有壞消息，回顧上年，香港足球其實有唔少重大突破。例如傑志、理文分別喺亞洲賽創下歷史佳績，前者喺亞冠分組賽排小組第 2，取得歷來最高嘅 11 分，只差一步就可以晉級十六強；而後者則殺入亞協四強，戰至加時僅敗，雖然未能打入決賽，但亦已經係香港球隊喺亞協嘅最好成績。
然而，呢啲好成績不足以改變香港足球喺大眾心中嘅印象。
「香港足球重塑企劃」就將香港足球「專業」嘅形象重新帶到大家眼前，帶大眾見識香港足球之中呢一個平時較難接觸嘅一面。平時社會大眾只能透過新聞、入場睇波接觸香港足球，但呢啲都只係足球之中嘅結果，而達到呢啲結果之前，其實球隊上下喺背後需要作出好多預備、訓練等過程，而呢啲過程就係最能夠反映足球員或運動員嘅專業性，但同時亦係大眾平時難以接觸嘅。今次呢一系列節目就帶觀眾見識到要經營一隊球隊、要贏一場波牽涉到嘅唔只係足球知識，例如從理文足球隊嘅訓練當中 (第 5 集)，我哋見到運動、科學與人性嘅結合，為球員營造一個適合訓練嘅環境，從而提高訓練質素，喺有限嘅訓練時間中達到最高效率；又例如從城大足球隊備戰對標準流浪嘅友誼賽時郭 Sir 訓練、演講嘅模式 (第 1 及 2 集)，我哋見到一位教練同球員嘅溝通模式、管理球員嘅狀態及心態嘅方法；而喺訓練過程中，觀眾都可以見到不論係職業足球員抑或大學校隊都會投入比賽、專注訓練嘅一面。
而且，呢一系列節目嘅觀眾唔只係本身會睇本地波嘅球迷，而係大眾，從而達到推廣足球嘅效果。不論係 ACOO、許賢，抑或強尼、杰寧、嘉盈，本身喺大眾都有一定知名度及 fans，呢一系列節目就透過佢哋嘅名氣吸引一班平時未必有留意香港足球嘅觀眾，擴闊香港足球嘅接觸面，令多啲人留意本地波。
而繼續推廣香港足球嘅下一步就會好似「香港足球重塑企劃」第 4 集咁：將一位球員變做一位球星。筆者個人其實幾鍾意呢集，一嚟呢集真係拍得「子彈」幾有星味，二嚟係節目中展現出香港運動員其實冇咩香港人識嘅苦況，路人認得許賢並熱情要求合照，同被投閒置散、唏噓嘅「子彈」形成強烈對比。香港其實不乏有能力嘅球員，只不過大部份都不為大眾所認知，為佢哋加添「星味」正正就係令更多人認識香港足球嘅其中一種方法。
最後再次感謝 ACOO、許賢及有份參與拍攝節目嘅各位，作為球迷嘅我睇得津津有味，好耐都未試過咁期待去追睇，可以話係大開眼界，獲益良多，但願香港足球仍有美好嘅明天。
p.s. 本文所有圖片來源均為 ACOO
https://www.facebook.com/acoohk/
https://www.acoo.hk/
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/