快上快落 (曼城對熱刺賽後分析)
圖片來源：英超官方網站 (https://www.premierleague.com/match/66598)
今輪英超星期六尾場迎嚟一場大戰，由曼城主場迎戰熱刺。各項賽事已經超過十場不敗嘅曼城挾周中歐聯大勝士砵亭之勢返回主場，迎戰近況不穩兼聯賽兩連敗嘅熱刺，相信大家都會預期呢場賽事係一場攻防戰。
主場嘅曼城今場排出 4-3-3，四人防線為簡些路、拿樸迪、戴亞斯、卡爾獲加；中場方面洛迪高居中逗後，根度簡、迪布尼一左一右，負責更多組織、進攻嘅任務；貝拿度施華擔任偽中鋒，左右翼則為史達寧、科頓。
曼城正選陣容
GK31艾達臣 Ederson
LB 27簡些路 João Cancelo
CB14拿樸迪 Aymeric Laporte
CB 3 戴亞斯 Rúben Dias
RB 2卡爾獲加 Kyle Walker
CM8 根度簡 İlkay Gündoğan
CM16洛迪高 Rodrigo
CM17迪布尼 Kevin De Bruyne
FW7 史達寧 Raheem Sterling (68’ 由馬列斯 Riyad Mahrez 入替)
FW20貝拿度施華 Bernardo Silva
FW47科頓 Phil Foden
熱刺則以 3-4-3 迎戰，三中堅左至右為賓戴維斯、戴亞、羅美路；左右翼衛由施斯隆、艾馬臣擔任，靴爾堡、賓坦古出任雙中場；另一名新援古路錫夫斯基同時正選上陣，與孫興慜、哈利簡尼合作進攻。
熱刺正選陣容
GK 1 洛里斯 Hugo Lloris
CB 33賓戴維斯 Ben Davies
CB 15戴亞 Eric Dier
CB 4 羅美路 Christian Romero
LWB19施斯隆 Ryan Sessegnon (90’ 由山齊士 Davinson Sánchez 入替)
CM 5 靴爾堡 Pierre-Emile Højbjerg
CM 30賓坦古 Rodrigo Bentancur
RWB12艾馬臣 Emerson Royal (83’ 由杜靴迪 Matt Doherty 入替)
LW 7 孫興慜 Son Heung-Min (80’ 由盧卡斯姆拿 Lucas Moura 入替)
RW 21古路錫夫斯基 Dejan Kulusevski
FW 10哈利簡尼 Harry Kane
曼城 – 控制節奏
資料來源：英超官方網站 (https://www.premierleague.com/match/66598)
圖片來源：熱刺官方 YouTube (https://www.youtube.com/watch?v=sC1HTjBW52g)
今場曼城貫徹佢哋嘅風格，以傳控足球主導比賽，全場有超過七成控球率，射門次數亦以 21 對 6 大幅佔優。如上圖所示，曼城進攻時擔任偽中鋒嘅貝拿度施華經常回後協助組織，左右翼史達寧、科頓拉邊讓出 half space 俾兩名中場根度簡、迪布尼入楔；兩閘簡些路、卡爾獲加亦會參與進攻，一個拉邊，另一個則會內收至中堅位置，正如上圖攻勢中簡些路壓上至左翼位置參與進攻，另一邊嘅卡爾獲加則會內收至接近與中堅戴亞斯平排。但由於熱刺係全軍退守嘅情況下後防有充足人手，即使係曼城，要單靠短傳入楔撕破佢哋嘅防守都唔係易事，反而靠球員嘅個人技術突破會有啲驚喜，史達寧、簡些路都有連番嘗試以盤扭突破熱刺防線，亦有成功突破並作出射門，可惜未能轉化為入球。
但曼城全軍連同防線壓上就會令後場有大量空間俾熱刺打反擊，而且當曼城進行前場逼搶時陣形會從 4-3-3 變為 4-2-3-1，削弱中場防守力。
圖片來源：熱刺官方 YouTube (https://www.youtube.com/watch?v=sC1HTjBW52g)
以熱刺第一個入球為例，當熱刺控球時，曼城以 4-2-3-1 嘅陣形防守，人盯人式逼搶之餘亦縮窄對手活動空間，避免對手經中場轉邊，將防守範圍困喺邊線附近。但隨住迪布尼移前，剩低嘅兩名中場根度簡、洛迪高就需要覆蓋更大嘅防守範圍；,同時可見右閘卡爾獲加需要上前防守對方左翼衛施斯隆。孫興慜見狀就走向曼城右閘空位，而呢個走位就成功同時吸引到洛迪高、戴亞斯跟上，令中場出現空位，哈利簡尼順勢回後接應並逼使拿樸迪離開中堅位置，一腳將個波從拿樸迪、戴亞斯中間嘅空位彈去曼城後場空位俾孫興慜，速度輸蝕嘅戴亞斯回身追已經追唔切，最終孫興慜傳俾右翼古路錫夫斯基射入，為球隊先開紀錄。
熱刺 – 部署成功
今場熱刺可以話踢出代表作，雖然比賽大部份時間都由曼城控制形勢，但熱刺嘅反擊極具威脅，射門中龍次數甚至比曼城更多 (熱刺 6 射 5 中，曼城 21 射 4 中)。
圖片來源：熱刺官方 YouTube (https://www.youtube.com/watch?v=sC1HTjBW52g)
除咗上文提及過嘅哈利簡尼墮後派牌傳直線外，熱刺今場另一種常用嘅進攻方法就係長傳轉邊製造人數優勢，俾一對翼衛發揮。熱刺嘅進攻球員除咗孫興慜、古路錫夫斯基、哈利簡尼外，左右翼衛施斯隆、艾馬臣亦會適時上前參與，當佢哋兩個都壓前嘅時候就變相有五名進攻球員，與只得四人嘅曼城後防出現人數差；而且曼城進攻時其中一名閘位球員會壓得好前，當面對反擊時，其中一名中堅就需要幫手補位，整體隊形橫移，另一邊就會出現大量空位。從上圖明顯可以見到曼城左閘簡些路啱啱上前助攻完未及回防，拿樸迪要去補左閘位，戴亞斯、卡爾獲加亦跟住移過去，呈三中堅形態，呢個時候另一邊熱刺嘅左翼衛施斯隆就完全無人看管。
總結
今場落敗令曼城不敗走勢告終，同時被踢少一場排名第二嘅利物浦收窄至六分差距，英超爭冠將會進入白熱化階段；另一邊箱熱刺成功中止兩連敗嘅頹勢，排名第八但踢少三場，相信喺嚟緊嘅爭四大戰亦會鬥得非常激烈。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！https://www.facebook.com/blacksontalkball/
https://www.instagram.com/blacksontalkball/
今輪英超星期六尾場迎嚟一場大戰，由曼城主場迎戰熱刺。各項賽事已經超過十場不敗嘅曼城挾周中歐聯大勝士砵亭之勢返回主場，迎戰近況不穩兼聯賽兩連敗嘅熱刺，相信大家都會預期呢場賽事係一場攻防戰。
主場嘅曼城今場排出 4-3-3，四人防線為簡些路、拿樸迪、戴亞斯、卡爾獲加；中場方面洛迪高居中逗後，根度簡、迪布尼一左一右，負責更多組織、進攻嘅任務；貝拿度施華擔任偽中鋒，左右翼則為史達寧、科頓。
曼城正選陣容
GK31艾達臣 Ederson
LB 27簡些路 João Cancelo
CB14拿樸迪 Aymeric Laporte
CB 3 戴亞斯 Rúben Dias
RB 2卡爾獲加 Kyle Walker
CM8 根度簡 İlkay Gündoğan
CM16洛迪高 Rodrigo
CM17迪布尼 Kevin De Bruyne
FW7 史達寧 Raheem Sterling (68’ 由馬列斯 Riyad Mahrez 入替)
FW20貝拿度施華 Bernardo Silva
FW47科頓 Phil Foden
熱刺則以 3-4-3 迎戰，三中堅左至右為賓戴維斯、戴亞、羅美路；左右翼衛由施斯隆、艾馬臣擔任，靴爾堡、賓坦古出任雙中場；另一名新援古路錫夫斯基同時正選上陣，與孫興慜、哈利簡尼合作進攻。
熱刺正選陣容
GK 1 洛里斯 Hugo Lloris
CB 33賓戴維斯 Ben Davies
CB 15戴亞 Eric Dier
CB 4 羅美路 Christian Romero
LWB19施斯隆 Ryan Sessegnon (90’ 由山齊士 Davinson Sánchez 入替)
CM 5 靴爾堡 Pierre-Emile Højbjerg
CM 30賓坦古 Rodrigo Bentancur
RWB12艾馬臣 Emerson Royal (83’ 由杜靴迪 Matt Doherty 入替)
LW 7 孫興慜 Son Heung-Min (80’ 由盧卡斯姆拿 Lucas Moura 入替)
RW 21古路錫夫斯基 Dejan Kulusevski
FW 10哈利簡尼 Harry Kane
曼城 – 控制節奏
資料來源：英超官方網站 (https://www.premierleague.com/match/66598)
圖片來源：熱刺官方 YouTube (https://www.youtube.com/watch?v=sC1HTjBW52g)
今場曼城貫徹佢哋嘅風格，以傳控足球主導比賽，全場有超過七成控球率，射門次數亦以 21 對 6 大幅佔優。如上圖所示，曼城進攻時擔任偽中鋒嘅貝拿度施華經常回後協助組織，左右翼史達寧、科頓拉邊讓出 half space 俾兩名中場根度簡、迪布尼入楔；兩閘簡些路、卡爾獲加亦會參與進攻，一個拉邊，另一個則會內收至中堅位置，正如上圖攻勢中簡些路壓上至左翼位置參與進攻，另一邊嘅卡爾獲加則會內收至接近與中堅戴亞斯平排。但由於熱刺係全軍退守嘅情況下後防有充足人手，即使係曼城，要單靠短傳入楔撕破佢哋嘅防守都唔係易事，反而靠球員嘅個人技術突破會有啲驚喜，史達寧、簡些路都有連番嘗試以盤扭突破熱刺防線，亦有成功突破並作出射門，可惜未能轉化為入球。
但曼城全軍連同防線壓上就會令後場有大量空間俾熱刺打反擊，而且當曼城進行前場逼搶時陣形會從 4-3-3 變為 4-2-3-1，削弱中場防守力。
圖片來源：熱刺官方 YouTube (https://www.youtube.com/watch?v=sC1HTjBW52g)
以熱刺第一個入球為例，當熱刺控球時，曼城以 4-2-3-1 嘅陣形防守，人盯人式逼搶之餘亦縮窄對手活動空間，避免對手經中場轉邊，將防守範圍困喺邊線附近。但隨住迪布尼移前，剩低嘅兩名中場根度簡、洛迪高就需要覆蓋更大嘅防守範圍；,同時可見右閘卡爾獲加需要上前防守對方左翼衛施斯隆。孫興慜見狀就走向曼城右閘空位，而呢個走位就成功同時吸引到洛迪高、戴亞斯跟上，令中場出現空位，哈利簡尼順勢回後接應並逼使拿樸迪離開中堅位置，一腳將個波從拿樸迪、戴亞斯中間嘅空位彈去曼城後場空位俾孫興慜，速度輸蝕嘅戴亞斯回身追已經追唔切，最終孫興慜傳俾右翼古路錫夫斯基射入，為球隊先開紀錄。
熱刺 – 部署成功
今場熱刺可以話踢出代表作，雖然比賽大部份時間都由曼城控制形勢，但熱刺嘅反擊極具威脅，射門中龍次數甚至比曼城更多 (熱刺 6 射 5 中，曼城 21 射 4 中)。
圖片來源：熱刺官方 YouTube (https://www.youtube.com/watch?v=sC1HTjBW52g)
除咗上文提及過嘅哈利簡尼墮後派牌傳直線外，熱刺今場另一種常用嘅進攻方法就係長傳轉邊製造人數優勢，俾一對翼衛發揮。熱刺嘅進攻球員除咗孫興慜、古路錫夫斯基、哈利簡尼外，左右翼衛施斯隆、艾馬臣亦會適時上前參與，當佢哋兩個都壓前嘅時候就變相有五名進攻球員，與只得四人嘅曼城後防出現人數差；而且曼城進攻時其中一名閘位球員會壓得好前，當面對反擊時，其中一名中堅就需要幫手補位，整體隊形橫移，另一邊就會出現大量空位。從上圖明顯可以見到曼城左閘簡些路啱啱上前助攻完未及回防，拿樸迪要去補左閘位，戴亞斯、卡爾獲加亦跟住移過去，呈三中堅形態，呢個時候另一邊熱刺嘅左翼衛施斯隆就完全無人看管。
總結
今場落敗令曼城不敗走勢告終，同時被踢少一場排名第二嘅利物浦收窄至六分差距，英超爭冠將會進入白熱化階段；另一邊箱熱刺成功中止兩連敗嘅頹勢，排名第八但踢少三場，相信喺嚟緊嘅爭四大戰亦會鬥得非常激烈。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！https://www.facebook.com/blacksontalkball/
https://www.instagram.com/blacksontalkball/
如果喜歡我們的文章，請即分享到︰
延伸閲讀：
你有張良計，我有過牆梯 (車路士對熱刺賽後分析)
一失足成千古恨 (李斯特城對熱刺賽後分析)
高手過招，一球定輸贏 2 (車路士對曼城賽後分析)
好波好運 (阿仙奴對曼城賽後分析)
完勝 (曼城對曼聯賽後分析)
你有張良計，我有過牆梯 (車路士對熱刺賽後分析)
一失足成千古恨 (李斯特城對熱刺賽後分析)
高手過招，一球定輸贏 2 (車路士對曼城賽後分析)
好波好運 (阿仙奴對曼城賽後分析)
完勝 (曼城對曼聯賽後分析)