教練也外流
圖片來源：臺南市台灣鋼鐵足球隊 Facebook (https://www.facebook.com/football.tainan.taiwan/photos/a.2039488196109059/5059531164104732/)
臺南市台灣鋼鐵足球隊 (下稱台鋼) 琴日喺 Facebook 宣佈郭嘉諾 (郭 Sir) 加盟擔任特聘教練，帶領球隊出戰本月中開鑼嘅台灣企業甲級足球聯賽及 6 月舉行嘅亞協盃分組賽。
今次係郭 Sir 執教生涯中嘅首次外流，佢接受報章訪問時亦表示今次係一個唔錯嘅落班選擇。郭 Sir 此前曾經執教天水圍飛馬、元朗及港隊各梯隊，當中最為人熟悉嘅當然係帶領港隊連奪兩屆省港盃冠軍，及帶領元朗首戰港超就殺入菁英盃決賽；而喺 2020-21 球季佢亦成功帶領天水圍飛馬以第 4 名完成聯賽，可惜球會於 2021-22 球季開始前宣佈退出港超，郭 Sir 因而暫別港超舞台，但亦有繼續於城大足球隊、香港西甲足球學校擔任教練。
圖片來源：東網 on.cc (https://hk.on.cc/hk/bkn/cnt/sport/20220405/bkn-20220405193638414-0405_00882_001.html)
相信有留意開本地足球嘅觀眾都唔會對台鋼陌生，上季佢哋就曾經來港參加亞協盃分組賽，與理文、東方交手。今季成功衛冕台甲冠軍嘅佢哋再次殺入亞協盃分組賽並與東方同組，理文亦有機會成為同組對手之一。正所謂「知己知彼，百戰百勝」，相信郭 Sir 喺港超嘅經驗以及對港超球隊嘅熟悉亦係其中一個台鋼邀請佢加盟嘅原因。
喺現時香港疫情肆虐、港超聯腰斬嘅情況下，能夠出外發展不論對於球員或教練嚟講實在係一個好消息。雖然政府表示各項防疫措施將會於 4 月底放寬，但喺疫情反覆嘅情況下一切實屬未知之數。與其喺香港空等，倒不如透過向外闖好好鍛鍊，增加實戰經驗，提升自身競爭力，正如將要喺 4 月分別出戰亞冠盃分組賽嘅傑志及亞協盃附加賽嘅理文，兩支球隊亦已經到泰國集訓並與當地球隊進行熱身賽，重拾比賽狀態之餘相信亦能提升球員質素。
最後，筆者祝願郭 Sir 喺台鋼一切順利、旗開得勝；同時亦期待可以喺亞協盃分組賽欣賞到三位港超教練 (台鋼嘅郭 Sir、理文嘅曉明 Sir、東方龍獅嘅盧比度) 大鬥法！
至於亞協盃分組賽嘅出線席位......筆者當然係希望由港超球隊出線啦！
資料來源
臺南市台灣鋼鐵足球隊 Facebook (https://www.facebook.com/football.tainan.taiwan)
東網 on.cc (https://hk.on.cc/hk/bkn/cnt/sport/20220405/bkn-20220405193638414-0405_00882_001.html)
Transfermarkt (https://www.transfermarkt.com/kar-lok-kenneth-kwok/profil/trainer/62508)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
臺南市台灣鋼鐵足球隊 (下稱台鋼) 琴日喺 Facebook 宣佈郭嘉諾 (郭 Sir) 加盟擔任特聘教練，帶領球隊出戰本月中開鑼嘅台灣企業甲級足球聯賽及 6 月舉行嘅亞協盃分組賽。
今次係郭 Sir 執教生涯中嘅首次外流，佢接受報章訪問時亦表示今次係一個唔錯嘅落班選擇。郭 Sir 此前曾經執教天水圍飛馬、元朗及港隊各梯隊，當中最為人熟悉嘅當然係帶領港隊連奪兩屆省港盃冠軍，及帶領元朗首戰港超就殺入菁英盃決賽；而喺 2020-21 球季佢亦成功帶領天水圍飛馬以第 4 名完成聯賽，可惜球會於 2021-22 球季開始前宣佈退出港超，郭 Sir 因而暫別港超舞台，但亦有繼續於城大足球隊、香港西甲足球學校擔任教練。
圖片來源：東網 on.cc (https://hk.on.cc/hk/bkn/cnt/sport/20220405/bkn-20220405193638414-0405_00882_001.html)
相信有留意開本地足球嘅觀眾都唔會對台鋼陌生，上季佢哋就曾經來港參加亞協盃分組賽，與理文、東方交手。今季成功衛冕台甲冠軍嘅佢哋再次殺入亞協盃分組賽並與東方同組，理文亦有機會成為同組對手之一。正所謂「知己知彼，百戰百勝」，相信郭 Sir 喺港超嘅經驗以及對港超球隊嘅熟悉亦係其中一個台鋼邀請佢加盟嘅原因。
喺現時香港疫情肆虐、港超聯腰斬嘅情況下，能夠出外發展不論對於球員或教練嚟講實在係一個好消息。雖然政府表示各項防疫措施將會於 4 月底放寬，但喺疫情反覆嘅情況下一切實屬未知之數。與其喺香港空等，倒不如透過向外闖好好鍛鍊，增加實戰經驗，提升自身競爭力，正如將要喺 4 月分別出戰亞冠盃分組賽嘅傑志及亞協盃附加賽嘅理文，兩支球隊亦已經到泰國集訓並與當地球隊進行熱身賽，重拾比賽狀態之餘相信亦能提升球員質素。
最後，筆者祝願郭 Sir 喺台鋼一切順利、旗開得勝；同時亦期待可以喺亞協盃分組賽欣賞到三位港超教練 (台鋼嘅郭 Sir、理文嘅曉明 Sir、東方龍獅嘅盧比度) 大鬥法！
至於亞協盃分組賽嘅出線席位......筆者當然係希望由港超球隊出線啦！
資料來源
臺南市台灣鋼鐵足球隊 Facebook (https://www.facebook.com/football.tainan.taiwan)
東網 on.cc (https://hk.on.cc/hk/bkn/cnt/sport/20220405/bkn-20220405193638414-0405_00882_001.html)
Transfermarkt (https://www.transfermarkt.com/kar-lok-kenneth-kwok/profil/trainer/62508)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/