2021-22 英超最佳十一人
圖片來源：Sky Sports (https://www.skysports.com/football/news/30778/12615149/man-city-win-2021-22-premier-league-champions-after-pipping-liverpool-on-stunning-final-day)
英超 2021-22 球季圓滿結束，曼城成功衛冕冠軍，利物浦以 1 分之差屈居亞軍，而車路士則以第 3 位完成；至於每季都競爭激烈嘅「爭四」大戰最終由熱刺勝出，以 2 分差距壓過同市宿敵阿仙奴取得最後一張歐聯入場券。另一方面，榜尾同樣鬥得精彩，列斯聯、般尼鬥到最後一輪先決定到邊隊能夠成功護級，而愛華頓亦要到第 37 輪先宣佈護級成功，最終般尼與屈福特、諾域治齊齊降班，來季到英冠作戰。
喺休季期間，各支英超球會都忙住轉會之際，筆者就同大家討論下今季嘅最佳 11 人，以下呢 11 位球員就係我嘅心水：
門將：艾利臣 Alisson Becker (利物浦)
圖片來源：英超官方網站 (https://www.premierleague.com/match/66583)
今季利物浦全季只失 26 球，同曼城一樣係失波最少嘅球隊，同時兩隊今季都錄到 20 場不失球嘅佳績，兩位門將可謂功不可沒。雖然兩隊失球、clean sheet 數字一樣，但艾利臣不論係撲救次數 (76 次對 60 次)、撲救成功率 (74.5% 對 70.6%) 都遠比曼城門將艾達臣 (Ederson) 高，當中艾利臣接近七成半嘅撲救成功率更位列英超第二，而撲救次數方面前四球隊之中亦只有熱刺門將洛里斯 (Hugo Lloris) 嘅 98 次比佢高，所以筆者最終就揀選咗艾利臣作為今季最佳門將。
左閘：簡些路 João Cancelo (曼城)
圖片來源：英超官方網站 (https://www.premierleague.com/match/66516)
作為曼城嘅正選左閘，簡些路無論喺防守抑或進攻上都有突出嘅表現，佢有唔錯嘅單對單防守能力，速度亦唔差；進攻方面，佢除咗會喺邊路配合翼鋒打 overlap 外，更多時會見到佢內收移入中路，佢出色嘅傳球能力令佢甚至能夠勝任中場位置。今季佢收穫咗 1 個入球 7 個助攻，對於一名防守球員絕對係個唔錯嘅數據。而且，簡些路無論左右閘都能夠勝任，為曼城嘅排兵佈陣增添更多變化，絕對係曼城陣中不可或缺嘅一員。
中堅：雲迪克 Virgil van Dijk (利物浦)、戴亞斯 Rúben Dias (曼城)
圖片來源：英超官方網站 (https://www.premierleague.com/match/66699)
雲迪克自加盟利物浦後一直都係後防嘅靈魂人物，佢除咗擁有出色嘅防守技術外亦係一名領袖，可以話係紅軍後防嘅定海神針。佢無論頭鎚、落腳都好準繩，亦有出色嘅位置感，而有身位、有速度嘅特點令佢具備唔錯嘅單對單防守能力；而且佢亦有良好嘅用球、傳球及長傳能力，係一名相當全面嘅中堅。
圖片來源：英超官方網站 (https://www.premierleague.com/match/66516)
同樣係後防嘅靈魂人物，曼城嘅中堅戴亞斯亦係隊中領袖級嘅人物。戴亞斯嘅身體對抗性、速度十足，面對其他球隊嘅進攻球員都不落下風，同時腳下功夫純熟，具備長、短傳能力，對於慣於從後場組織嘅曼城嚟講非常重要。
右閘：亞歷山大阿諾 Trent Alexander-Arnold (利物浦)
圖片來源：英超官方網站 (https://www.premierleague.com/match/66451)
雖然係一名右閘，但亞歷山大阿諾具備出色嘅傳中及處理死球能力，無論係落底抑或 45 度角嘅位置都能夠作出準確嘅傳送，甚至乎好似簡些路咁收入中場亦能夠協助球隊掌控節奏、梳理進攻，佢同羅拔臣 (Andrew Robertson) 頻繁嘅助攻正正係紅軍火力強大嘅原因。然而，佢積極壓上助攻嘅特性亦成為咗對手針對嘅目標，大多數球隊面對利物浦時都會以防守反擊踢法為主，以長傳攻擊兩閘位置，試圖把握利物浦兩閘未及回防打反擊。不過亞歷山大阿諾今季不論喺回防積極性、速度及防守技術上都有所改善，未至於經常因失位而被對手入波，相信喺高普麾下嘅佢仍然有進步空間，繼續擔任紅軍正選右閘。
防守中場：懷斯 Declan Rice (韋斯咸)
圖片來源：英超官方網站 (https://www.premierleague.com/match/66432)
韋斯咸今季最終以第 7 名完成，佢哋出色嘅發揮贏盡球迷掌聲，而佢哋嘅隊長懷斯絕對功不可沒。呢名防守中場作為後防前嘅屏障十分出色，無論係攔截、鏟斷、封阻等數據喺中場球員之中都係名列前茅；同時佢亦具備唔錯嘅閱讀球賽及傳球能力，係球隊嘅節拍器。懷斯出色嘅表現亦得到一眾強隊如車路士嘅青睞，同韋斯咸剩餘兩年合約嘅佢早前亦多次拒絕續約，且看佢會唔會喺今個夏季選擇離隊他投。
進攻中場：保雲 Jarrod Bowen (韋斯咸)、迪布尼 Kevin De Bruyne (曼城)
圖片來源：英超官方網站 (https://www.premierleague.com/match/66710)
除咗懷斯之外，保雲亦係今季韋斯咸陣中表現非常突出嘅球員，全季一共攻入咗 12 個入球及有 10 次助攻，同屬隊內最高，亦係佢征戰英超以嚟嘅新高，對韋斯咸嚟講係一名非常重要嘅球員。保雲今季出色嘅表現更令佢首度獲國家隊徵召，並喺琴晚 (6 月 4 號晚) 英格蘭作客匈牙利嘅賽事正選上陣，取得第一頂「喼帽」。呢位球員盤扭出色，擅射能傳，除咗喺踢慣嘅右翼能夠製造極大威脅，佢同時亦能夠勝任前鋒、進攻中場等位置。
圖片來源：英超官方網站 (https://www.premierleague.com/match/66616)
曼城嘅中場大腦迪布尼可以話係球隊嘅進攻泉源，15 個入球、8 次助攻同屬隊中最高，但佢喺場上嘅影響力絕對不止於此。相信好多人對迪布尼嘅印象都係佢手術刀式嘅傳送，往往能夠劏穿對方防線恰到好處咁落到隊友腳下，同時佢有出色嘅過人能力，喺中場盤球推進時對手都難以阻擋。更難得嘅係佢左右腳都已經練到爐火純青嘅境界，左右腳都能夠作出射門、長傳，令對手難以防守，絕對係曼城陣中一大殺著。
左翼：孫興慜 Son Heung-Min (熱刺)
圖片來源：英超官方網站 (https://www.premierleague.com/match/66721)
熱刺季初表現低迷，當中好大程度係源於佢哋嘅王牌哈利簡尼 (Harry Kane) 因未能離隊導致狀態極差，除咗令佢自己陷入入球荒之外，亦影響球隊組織進攻，上季哈利簡尼、孫興慜之間嘅 synergy 亦不復見，導致熱刺頭 10 場只得 5 勝 5 負及 9 個入球，而孫興慜就參與咗當中嘅 6 個入球 (4 入球 2 助攻)，令熱刺成績不致於太差。及後干地走馬上任，同時哈利簡尼亦回復狀態，令孫興慜得以持續勇態，下半季更加可以話係入球停不了，最終成功成為英超神射手。
右翼：沙拿 Mohamed Salah (利物浦)圖片來源：英超官方網站 (https://www.premierleague.com/match/66719)
沙拿除咗攻入 23 球與孫興慜一齊成為今季英超神射手外，同時亦以 13 個助攻蟬聯助攻王，足見佢今季嘅全面性。佢喺前場無論係同文尼、迪奧高祖達抑或費明奴都夾慣夾熟、默契十足，即使係冬季轉會窗先加盟嘅路爾斯戴亞斯 (Luis Díaz) 亦迅速融入球隊，強大嘅火力令利物浦喺今季英超入咗足足 94 球，係近五季最高。然而沙拿所入嘅 23 球當中有 16 球係上半季攻入，年初出戰非洲國家盃後狀態有明顯下滑，而且呢個並唔單只係今年嘅現象，過往亦曾發生。隨住球員年紀增長，或者高普都要諗下辦法點樣協助沙拿維持火熱嘅狀態。
中鋒：C 朗拿度 Cristiano Ronaldo (曼聯)
圖片來源：英超官方網站 (https://www.premierleague.com/match/66629)
C 朗拿度回歸曼聯絕對係今季英超最矚目嘅轉會，雖然佢今年已經 37 歲，但佢全季入咗 18 個入球，僅次於孫興慜、沙拿位列射手榜第 3 位，而且更屢次攻入關鍵入球拯救曼聯，盡顯球皇風範，告知球迷佢仍然有力喺英超立足。隨住年紀漸大，C 朗嘅體能開始走下坡，或者佢的確未能參與太多逼搶，但佢嘅射術、走位、埋門觸覺依然出色，呢點亦正正係佢仍然可以喺英超賽場上作戰嘅原因。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
英超 2021-22 球季圓滿結束，曼城成功衛冕冠軍，利物浦以 1 分之差屈居亞軍，而車路士則以第 3 位完成；至於每季都競爭激烈嘅「爭四」大戰最終由熱刺勝出，以 2 分差距壓過同市宿敵阿仙奴取得最後一張歐聯入場券。另一方面，榜尾同樣鬥得精彩，列斯聯、般尼鬥到最後一輪先決定到邊隊能夠成功護級，而愛華頓亦要到第 37 輪先宣佈護級成功，最終般尼與屈福特、諾域治齊齊降班，來季到英冠作戰。
喺休季期間，各支英超球會都忙住轉會之際，筆者就同大家討論下今季嘅最佳 11 人，以下呢 11 位球員就係我嘅心水：
門將：艾利臣 Alisson Becker (利物浦)
圖片來源：英超官方網站 (https://www.premierleague.com/match/66583)
今季利物浦全季只失 26 球，同曼城一樣係失波最少嘅球隊，同時兩隊今季都錄到 20 場不失球嘅佳績，兩位門將可謂功不可沒。雖然兩隊失球、clean sheet 數字一樣，但艾利臣不論係撲救次數 (76 次對 60 次)、撲救成功率 (74.5% 對 70.6%) 都遠比曼城門將艾達臣 (Ederson) 高，當中艾利臣接近七成半嘅撲救成功率更位列英超第二，而撲救次數方面前四球隊之中亦只有熱刺門將洛里斯 (Hugo Lloris) 嘅 98 次比佢高，所以筆者最終就揀選咗艾利臣作為今季最佳門將。
左閘：簡些路 João Cancelo (曼城)
圖片來源：英超官方網站 (https://www.premierleague.com/match/66516)
作為曼城嘅正選左閘，簡些路無論喺防守抑或進攻上都有突出嘅表現，佢有唔錯嘅單對單防守能力，速度亦唔差；進攻方面，佢除咗會喺邊路配合翼鋒打 overlap 外，更多時會見到佢內收移入中路，佢出色嘅傳球能力令佢甚至能夠勝任中場位置。今季佢收穫咗 1 個入球 7 個助攻，對於一名防守球員絕對係個唔錯嘅數據。而且，簡些路無論左右閘都能夠勝任，為曼城嘅排兵佈陣增添更多變化，絕對係曼城陣中不可或缺嘅一員。
中堅：雲迪克 Virgil van Dijk (利物浦)、戴亞斯 Rúben Dias (曼城)
圖片來源：英超官方網站 (https://www.premierleague.com/match/66699)
雲迪克自加盟利物浦後一直都係後防嘅靈魂人物，佢除咗擁有出色嘅防守技術外亦係一名領袖，可以話係紅軍後防嘅定海神針。佢無論頭鎚、落腳都好準繩，亦有出色嘅位置感，而有身位、有速度嘅特點令佢具備唔錯嘅單對單防守能力；而且佢亦有良好嘅用球、傳球及長傳能力，係一名相當全面嘅中堅。
圖片來源：英超官方網站 (https://www.premierleague.com/match/66516)
同樣係後防嘅靈魂人物，曼城嘅中堅戴亞斯亦係隊中領袖級嘅人物。戴亞斯嘅身體對抗性、速度十足，面對其他球隊嘅進攻球員都不落下風，同時腳下功夫純熟，具備長、短傳能力，對於慣於從後場組織嘅曼城嚟講非常重要。
右閘：亞歷山大阿諾 Trent Alexander-Arnold (利物浦)
圖片來源：英超官方網站 (https://www.premierleague.com/match/66451)
雖然係一名右閘，但亞歷山大阿諾具備出色嘅傳中及處理死球能力，無論係落底抑或 45 度角嘅位置都能夠作出準確嘅傳送，甚至乎好似簡些路咁收入中場亦能夠協助球隊掌控節奏、梳理進攻，佢同羅拔臣 (Andrew Robertson) 頻繁嘅助攻正正係紅軍火力強大嘅原因。然而，佢積極壓上助攻嘅特性亦成為咗對手針對嘅目標，大多數球隊面對利物浦時都會以防守反擊踢法為主，以長傳攻擊兩閘位置，試圖把握利物浦兩閘未及回防打反擊。不過亞歷山大阿諾今季不論喺回防積極性、速度及防守技術上都有所改善，未至於經常因失位而被對手入波，相信喺高普麾下嘅佢仍然有進步空間，繼續擔任紅軍正選右閘。
防守中場：懷斯 Declan Rice (韋斯咸)
圖片來源：英超官方網站 (https://www.premierleague.com/match/66432)
韋斯咸今季最終以第 7 名完成，佢哋出色嘅發揮贏盡球迷掌聲，而佢哋嘅隊長懷斯絕對功不可沒。呢名防守中場作為後防前嘅屏障十分出色，無論係攔截、鏟斷、封阻等數據喺中場球員之中都係名列前茅；同時佢亦具備唔錯嘅閱讀球賽及傳球能力，係球隊嘅節拍器。懷斯出色嘅表現亦得到一眾強隊如車路士嘅青睞，同韋斯咸剩餘兩年合約嘅佢早前亦多次拒絕續約，且看佢會唔會喺今個夏季選擇離隊他投。
進攻中場：保雲 Jarrod Bowen (韋斯咸)、迪布尼 Kevin De Bruyne (曼城)
圖片來源：英超官方網站 (https://www.premierleague.com/match/66710)
除咗懷斯之外，保雲亦係今季韋斯咸陣中表現非常突出嘅球員，全季一共攻入咗 12 個入球及有 10 次助攻，同屬隊內最高，亦係佢征戰英超以嚟嘅新高，對韋斯咸嚟講係一名非常重要嘅球員。保雲今季出色嘅表現更令佢首度獲國家隊徵召，並喺琴晚 (6 月 4 號晚) 英格蘭作客匈牙利嘅賽事正選上陣，取得第一頂「喼帽」。呢位球員盤扭出色，擅射能傳，除咗喺踢慣嘅右翼能夠製造極大威脅，佢同時亦能夠勝任前鋒、進攻中場等位置。
圖片來源：英超官方網站 (https://www.premierleague.com/match/66616)
曼城嘅中場大腦迪布尼可以話係球隊嘅進攻泉源，15 個入球、8 次助攻同屬隊中最高，但佢喺場上嘅影響力絕對不止於此。相信好多人對迪布尼嘅印象都係佢手術刀式嘅傳送，往往能夠劏穿對方防線恰到好處咁落到隊友腳下，同時佢有出色嘅過人能力，喺中場盤球推進時對手都難以阻擋。更難得嘅係佢左右腳都已經練到爐火純青嘅境界，左右腳都能夠作出射門、長傳，令對手難以防守，絕對係曼城陣中一大殺著。
左翼：孫興慜 Son Heung-Min (熱刺)
圖片來源：英超官方網站 (https://www.premierleague.com/match/66721)
熱刺季初表現低迷，當中好大程度係源於佢哋嘅王牌哈利簡尼 (Harry Kane) 因未能離隊導致狀態極差，除咗令佢自己陷入入球荒之外，亦影響球隊組織進攻，上季哈利簡尼、孫興慜之間嘅 synergy 亦不復見，導致熱刺頭 10 場只得 5 勝 5 負及 9 個入球，而孫興慜就參與咗當中嘅 6 個入球 (4 入球 2 助攻)，令熱刺成績不致於太差。及後干地走馬上任，同時哈利簡尼亦回復狀態，令孫興慜得以持續勇態，下半季更加可以話係入球停不了，最終成功成為英超神射手。
右翼：沙拿 Mohamed Salah (利物浦)圖片來源：英超官方網站 (https://www.premierleague.com/match/66719)
沙拿除咗攻入 23 球與孫興慜一齊成為今季英超神射手外，同時亦以 13 個助攻蟬聯助攻王，足見佢今季嘅全面性。佢喺前場無論係同文尼、迪奧高祖達抑或費明奴都夾慣夾熟、默契十足，即使係冬季轉會窗先加盟嘅路爾斯戴亞斯 (Luis Díaz) 亦迅速融入球隊，強大嘅火力令利物浦喺今季英超入咗足足 94 球，係近五季最高。然而沙拿所入嘅 23 球當中有 16 球係上半季攻入，年初出戰非洲國家盃後狀態有明顯下滑，而且呢個並唔單只係今年嘅現象，過往亦曾發生。隨住球員年紀增長，或者高普都要諗下辦法點樣協助沙拿維持火熱嘅狀態。
中鋒：C 朗拿度 Cristiano Ronaldo (曼聯)
圖片來源：英超官方網站 (https://www.premierleague.com/match/66629)
C 朗拿度回歸曼聯絕對係今季英超最矚目嘅轉會，雖然佢今年已經 37 歲，但佢全季入咗 18 個入球，僅次於孫興慜、沙拿位列射手榜第 3 位，而且更屢次攻入關鍵入球拯救曼聯，盡顯球皇風範，告知球迷佢仍然有力喺英超立足。隨住年紀漸大，C 朗嘅體能開始走下坡，或者佢的確未能參與太多逼搶，但佢嘅射術、走位、埋門觸覺依然出色，呢點亦正正係佢仍然可以喺英超賽場上作戰嘅原因。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/