沉著應戰 (香港對印度賽後分析)
2023 亞洲盃外圍賽最後一輪賽事，香港 0:4 不敵擁有主場優勢嘅印度，最終以 2 勝 1 負嘅成績排小組次名，成為其中一支最佳次名球隊成功晉身亞洲盃決賽週，亦係香港隊相隔 54 年後再次打入亞洲盃決賽週。
圖片來源：體路 Sportsroad (https://www.sportsroad.hk/archives/377992)
兩隊雖然賽前經已鎖定晉級資格，但今場都強陣出擊力爭首名，並冇放軟手腳。港隊今場繼續由葉鴻輝把守最後一關，正選右閘茹子楠今場唔喺大軍名單之中，改由踢開中堅嘅余煒廉客串，中堅位置則由謝家強夥拍馮慶燁，左閘由黃梓浩擔任；中前場方面都同上兩場一樣，中場繼續有黃威、黃洋、鞠盈智三人組，而前線就係孫銘謙、安永佳及羅梓駿。
香港正選陣容
GK1葉鴻輝 Yapp Hung Fai
LB20黃梓浩 Wong Tsz Ho (78' 由余在言 Yu Jesse Joy Yin 入替)
CB5 謝家強 Tse Sean Ka Keung
CB15馮慶燁 Fung Hing Wa
RB3 余煒廉 Yu Wai Lim (78' 由劉學銘 Lau Hok Ming 入替)
CM10黃威 Wong Wai CM6 黃洋 Huang Yang (84' 由胡晉銘 Wu Chun Ming 入替)
CM23鞠盈智 Ju Ying Zhi (56' 由陳肇鈞 Chan Siu Kwan Philip 入替)
LW7 孫銘謙 Sun Ming Him (56' 由簡嘉亨 Jahangir Khan 入替)
ST9 安永佳 Orr Matthew Elliot Wing Kai
RW2羅梓駿 Law Tsz Chun
港隊今場開波僅 2 分鐘就失守，印度憑住一次角球攻勢成功喺禁區內製造混亂快腳射入。落後嘅港隊沉著應戰，透過不斷嘅傳送、走動試圖令印度嘅防線出現空位，成功搶翻唔少攻勢，可惜都同入球擦身而過；同時印度嘅快速反擊亦好有威脅，兩翼把握港隊防線壓前後出現嘅空位以速度製造威脅，不過都過唔到葉鴻輝嘅十指關。可惜臨完半場時嘅一次自由球防守走甩咗對方嘅隊長齊達利 (Sunil Chhetri) 俾佢射入。換邊後港隊積極反撲，先後換入陳肇鈞、簡嘉亨加強活力、突破能力，到比賽後段甚至轉陣三中堅放手一搏，可惜仍然無法取得入球，反而喺整體壓前及體能下降嘅情況下喺尾段再失兩球，最終以 0:4 敗陣。
圖片來源：體路 Sportsroad (https://www.sportsroad.hk/archives/377992)
雖然港隊今場早段已經失守，但仍然沉著應戰，同上兩場一樣以中前場壓迫嘅踢法為主，企穩陣腳後甚至乎能夠主導形勢，值得一讚，當中筆者認為港隊嘅中場球員表現十分出色，無論係連續三場正選嘅三人組黃威、黃洋、鞠盈智，抑或後備入替嘅陳肇鈞、余在言都有好好嘅表現。
黃洋大哥經驗夠、路數好、穩定性高，作為防守中場嘅佢喺中路攔截上好有效率，為後防紓緩唔少壓力，而且作為隊長嘅佢係港隊嘅定海神針，有佢喺度其他球員都更安心，亦好放心交波俾佢。鞠盈智喺港隊由守轉攻一環擔任非常重要嘅角色，佢經常會同黃洋喺中場夾擊對手，限制對方中場發揮，當球隊成功防守拎翻控球權後，佢往往都能夠搵到空位作出傳送，造翻生粒波。至於黃威、陳肇鈞、余在言進攻性強，佢哋喺中前場都能夠護球、持球突破，亦好敢於挑戰對方防守球員，有幾球都見到佢哋喺中路或 half space 位置推進吸引到對方多過一名球員防守，從而為其他球員製造進攻空間；同時佢哋亦會拉邊與翼鋒及上前助攻嘅閘配合，喺邊路 overload 製造威脅。
然而，今仗面對印度亦顯示出港隊後防不穩及把握力不足嘅問題。對比上兩場對陣阿富汗、柬埔寨，今場港隊明顯受到更大嘅考驗。印度作為小組內世界排名最高嘅一隊 (106)，不論進攻、防守都比另外兩隊更好：反擊速度更快、把握力更強、防守更穩健。
雖然上半場港隊大部分時間都係主動嘅一方，但整體壓前變相令後防出現空位，印度好多時就會長傳俾兩翼打快速反擊，極具威脅；而印度拉開比數至 2:0 嘅入球就係來自一次自由球攻勢，港隊左閘黃梓浩走甩咗對方嘅隊長齊達利，而齊達利嘅一控一射亦非常流暢，盡顯功架，同時亦暴露港隊死球防守時專注力不足嘅問題。
圖片來源：體路 Sportsroad (https://www.sportsroad.hk/archives/377992)
進攻方面，今場港隊攻勢主要嚟自兩翼，透過閘位球員助攻加上進攻中場拉邊 overload 對方邊路防守，創造空間傳中，當中亦有唔少傳中波成功搵到喺禁區入面搶點嘅安永佳、孫銘謙，可惜都未能將機會轉化成入球。相對地，今場想從中路進攻比較困難，因為印度中路防守嚴密，無論係中場球員想從中路突破，抑或安永佳想回後攞波，對手都跟得好貼防止港隊球員成功轉身，可能配合上要更細膩，做決定要更快更果斷先能夠從中突破。
總結
綜觀港隊三場亞洲盃外圍賽賽事，中前場逼搶、小組配合進攻嘅風格已然成形，無論球隊係領先緊抑或落後緊都能夠踢出自己嘅風格，尤其係對印度一場落後緊兩球時球隊仍然敢於用波、壓上進攻，甚至乎變陣三中堅，呢啲都係筆者非常欣賞。我相信亞洲盃外圍賽只係起步，香港足球一定會繼續進步，香港足球員絕對有能力走得更遠。
最後再一次恭喜香港隊晉級亞洲盃決賽週，同時亦感謝一眾香港球員嘅努力，喺一個咁惡劣嘅環境比賽實在好唔容易，辛苦晒！港隊嘅賽事暫告一段落後就輪到理文、東方龍獅喺亞協盃小組賽亮相，同組仲有嚟自台灣嘅臺南市 FC，三隊爭一個出線名額，頭場將會係下星期五 (6 月 24 號) 上演港超打吡，大家記得密切留意！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
圖片來源：體路 Sportsroad (https://www.sportsroad.hk/archives/377992)
兩隊雖然賽前經已鎖定晉級資格，但今場都強陣出擊力爭首名，並冇放軟手腳。港隊今場繼續由葉鴻輝把守最後一關，正選右閘茹子楠今場唔喺大軍名單之中，改由踢開中堅嘅余煒廉客串，中堅位置則由謝家強夥拍馮慶燁，左閘由黃梓浩擔任；中前場方面都同上兩場一樣，中場繼續有黃威、黃洋、鞠盈智三人組，而前線就係孫銘謙、安永佳及羅梓駿。
香港正選陣容
GK1葉鴻輝 Yapp Hung Fai
LB20黃梓浩 Wong Tsz Ho (78' 由余在言 Yu Jesse Joy Yin 入替)
CB5 謝家強 Tse Sean Ka Keung
CB15馮慶燁 Fung Hing Wa
RB3 余煒廉 Yu Wai Lim (78' 由劉學銘 Lau Hok Ming 入替)
CM10黃威 Wong Wai CM6 黃洋 Huang Yang (84' 由胡晉銘 Wu Chun Ming 入替)
CM23鞠盈智 Ju Ying Zhi (56' 由陳肇鈞 Chan Siu Kwan Philip 入替)
LW7 孫銘謙 Sun Ming Him (56' 由簡嘉亨 Jahangir Khan 入替)
ST9 安永佳 Orr Matthew Elliot Wing Kai
RW2羅梓駿 Law Tsz Chun
港隊今場開波僅 2 分鐘就失守，印度憑住一次角球攻勢成功喺禁區內製造混亂快腳射入。落後嘅港隊沉著應戰，透過不斷嘅傳送、走動試圖令印度嘅防線出現空位，成功搶翻唔少攻勢，可惜都同入球擦身而過；同時印度嘅快速反擊亦好有威脅，兩翼把握港隊防線壓前後出現嘅空位以速度製造威脅，不過都過唔到葉鴻輝嘅十指關。可惜臨完半場時嘅一次自由球防守走甩咗對方嘅隊長齊達利 (Sunil Chhetri) 俾佢射入。換邊後港隊積極反撲，先後換入陳肇鈞、簡嘉亨加強活力、突破能力，到比賽後段甚至轉陣三中堅放手一搏，可惜仍然無法取得入球，反而喺整體壓前及體能下降嘅情況下喺尾段再失兩球，最終以 0:4 敗陣。
圖片來源：體路 Sportsroad (https://www.sportsroad.hk/archives/377992)
雖然港隊今場早段已經失守，但仍然沉著應戰，同上兩場一樣以中前場壓迫嘅踢法為主，企穩陣腳後甚至乎能夠主導形勢，值得一讚，當中筆者認為港隊嘅中場球員表現十分出色，無論係連續三場正選嘅三人組黃威、黃洋、鞠盈智，抑或後備入替嘅陳肇鈞、余在言都有好好嘅表現。
黃洋大哥經驗夠、路數好、穩定性高，作為防守中場嘅佢喺中路攔截上好有效率，為後防紓緩唔少壓力，而且作為隊長嘅佢係港隊嘅定海神針，有佢喺度其他球員都更安心，亦好放心交波俾佢。鞠盈智喺港隊由守轉攻一環擔任非常重要嘅角色，佢經常會同黃洋喺中場夾擊對手，限制對方中場發揮，當球隊成功防守拎翻控球權後，佢往往都能夠搵到空位作出傳送，造翻生粒波。至於黃威、陳肇鈞、余在言進攻性強，佢哋喺中前場都能夠護球、持球突破，亦好敢於挑戰對方防守球員，有幾球都見到佢哋喺中路或 half space 位置推進吸引到對方多過一名球員防守，從而為其他球員製造進攻空間；同時佢哋亦會拉邊與翼鋒及上前助攻嘅閘配合，喺邊路 overload 製造威脅。
然而，今仗面對印度亦顯示出港隊後防不穩及把握力不足嘅問題。對比上兩場對陣阿富汗、柬埔寨，今場港隊明顯受到更大嘅考驗。印度作為小組內世界排名最高嘅一隊 (106)，不論進攻、防守都比另外兩隊更好：反擊速度更快、把握力更強、防守更穩健。
雖然上半場港隊大部分時間都係主動嘅一方，但整體壓前變相令後防出現空位，印度好多時就會長傳俾兩翼打快速反擊，極具威脅；而印度拉開比數至 2:0 嘅入球就係來自一次自由球攻勢，港隊左閘黃梓浩走甩咗對方嘅隊長齊達利，而齊達利嘅一控一射亦非常流暢，盡顯功架，同時亦暴露港隊死球防守時專注力不足嘅問題。
圖片來源：體路 Sportsroad (https://www.sportsroad.hk/archives/377992)
進攻方面，今場港隊攻勢主要嚟自兩翼，透過閘位球員助攻加上進攻中場拉邊 overload 對方邊路防守，創造空間傳中，當中亦有唔少傳中波成功搵到喺禁區入面搶點嘅安永佳、孫銘謙，可惜都未能將機會轉化成入球。相對地，今場想從中路進攻比較困難，因為印度中路防守嚴密，無論係中場球員想從中路突破，抑或安永佳想回後攞波，對手都跟得好貼防止港隊球員成功轉身，可能配合上要更細膩，做決定要更快更果斷先能夠從中突破。
總結
綜觀港隊三場亞洲盃外圍賽賽事，中前場逼搶、小組配合進攻嘅風格已然成形，無論球隊係領先緊抑或落後緊都能夠踢出自己嘅風格，尤其係對印度一場落後緊兩球時球隊仍然敢於用波、壓上進攻，甚至乎變陣三中堅，呢啲都係筆者非常欣賞。我相信亞洲盃外圍賽只係起步，香港足球一定會繼續進步，香港足球員絕對有能力走得更遠。
最後再一次恭喜香港隊晉級亞洲盃決賽週，同時亦感謝一眾香港球員嘅努力，喺一個咁惡劣嘅環境比賽實在好唔容易，辛苦晒！港隊嘅賽事暫告一段落後就輪到理文、東方龍獅喺亞協盃小組賽亮相，同組仲有嚟自台灣嘅臺南市 FC，三隊爭一個出線名額，頭場將會係下星期五 (6 月 24 號) 上演港超打吡，大家記得密切留意！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/