港隊出戰東亞足球錦標賽
圖片來源：體路 Sportsroad (https://www.sportsroad.hk/archives/381359)
上個月香港足球代表隊成功突破亞洲盃外圍賽，時隔 54 年後再度殺入亞洲盃決賽週，球迷嘅歡呼聲猶在耳邊。一個月後，港隊再度出征，一眾職球員琴日 (7 月 16 號) 出發到日本參加東亞足球錦標賽，將會喺 7 月 19 至 27 號期間與日本、南韓、中國較量。
圖片來源：香港足總 Facebook (https://www.facebook.com/HKFAofficial/photos/a.114495090796486/367993038780022/)
今次獲徵召嘅球員之中有超過一半都有份出戰亞洲盃外圍賽，不過港隊正副隊長黃洋、葉鴻輝分別因要報讀教練課程及家庭原因未有入選，而余煒廉、顏樂楓等都因傷缺陣。另一方面，今次名單之中亦有唔少新面孔，包括分別年僅 17 歲及 19 歲嘅傑志青訓趙聡悟、曾以行，外流中超嘅勞烈斯，門將陳嘉豪、伍瑋謙及左閘姚浩明。
港隊大軍名單嘅焦點落喺三名正喺中超球會效力嘅球員：中場陳俊樂、後衛梁諾恆、勞烈斯，今次比賽將會係前兩者自 2019 年後再度披上港隊戰衣作賽，亦係勞烈斯首度成為大港腳。近年受疫情及隔離政策影響，港隊出戰國際賽機會減少，即使有比賽，三名球員所效力嘅球會亦會因為佢哋要預留額外時間接受隔離而唔放人。港隊早前公佈初選名單時三名球員亦並未入選，當時就有傳三人不獲球會放行，港隊主帥安達臣更喺記者會上提出質疑，要到記者會後足總先宣佈補選三人入大軍名單。
東亞足球錦標賽可以話係亞洲盃決賽週嘅預演，雖然日本、南韓主要以喺國內聯賽效力嘅球員出戰，一眾於歐洲搵食嘅球員未有歸隊，但亦具備相當實力，正好讓港隊可以預演對陣更高水平對手時嘅戰術部署；同時，三名中超兵能否適應新教練嘅戰術及同其他球員建立默契都係今次比賽值得留意嘅地方。而對於一眾初次入選或久未入選嘅球員嚟講，今次都係一個好好嘅機會去表現自己，為爭取港隊一席位努力。
同之前嘅亞洲盃外圍賽一樣，今次嘅東亞足球錦標賽都會有港台電視 32 全程直播，各位球迷記得準時收睇，支持港隊！
香港 對 日本7 月 19 號 (星期二) 6:20 p.m.
香港 對 南韓7 月 24 號 (星期日) 3:00 p.m.
香港 對 中國7 月 27 號 (星期三) 3:00 p.m.
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/https://www.instagram.com/blacksontalkball/
上個月香港足球代表隊成功突破亞洲盃外圍賽，時隔 54 年後再度殺入亞洲盃決賽週，球迷嘅歡呼聲猶在耳邊。一個月後，港隊再度出征，一眾職球員琴日 (7 月 16 號) 出發到日本參加東亞足球錦標賽，將會喺 7 月 19 至 27 號期間與日本、南韓、中國較量。
圖片來源：香港足總 Facebook (https://www.facebook.com/HKFAofficial/photos/a.114495090796486/367993038780022/)
今次獲徵召嘅球員之中有超過一半都有份出戰亞洲盃外圍賽，不過港隊正副隊長黃洋、葉鴻輝分別因要報讀教練課程及家庭原因未有入選，而余煒廉、顏樂楓等都因傷缺陣。另一方面，今次名單之中亦有唔少新面孔，包括分別年僅 17 歲及 19 歲嘅傑志青訓趙聡悟、曾以行，外流中超嘅勞烈斯，門將陳嘉豪、伍瑋謙及左閘姚浩明。
港隊大軍名單嘅焦點落喺三名正喺中超球會效力嘅球員：中場陳俊樂、後衛梁諾恆、勞烈斯，今次比賽將會係前兩者自 2019 年後再度披上港隊戰衣作賽，亦係勞烈斯首度成為大港腳。近年受疫情及隔離政策影響，港隊出戰國際賽機會減少，即使有比賽，三名球員所效力嘅球會亦會因為佢哋要預留額外時間接受隔離而唔放人。港隊早前公佈初選名單時三名球員亦並未入選，當時就有傳三人不獲球會放行，港隊主帥安達臣更喺記者會上提出質疑，要到記者會後足總先宣佈補選三人入大軍名單。
東亞足球錦標賽可以話係亞洲盃決賽週嘅預演，雖然日本、南韓主要以喺國內聯賽效力嘅球員出戰，一眾於歐洲搵食嘅球員未有歸隊，但亦具備相當實力，正好讓港隊可以預演對陣更高水平對手時嘅戰術部署；同時，三名中超兵能否適應新教練嘅戰術及同其他球員建立默契都係今次比賽值得留意嘅地方。而對於一眾初次入選或久未入選嘅球員嚟講，今次都係一個好好嘅機會去表現自己，為爭取港隊一席位努力。
同之前嘅亞洲盃外圍賽一樣，今次嘅東亞足球錦標賽都會有港台電視 32 全程直播，各位球迷記得準時收睇，支持港隊！
香港 對 日本7 月 19 號 (星期二) 6:20 p.m.
香港 對 南韓7 月 24 號 (星期日) 3:00 p.m.
香港 對 中國7 月 27 號 (星期三) 3:00 p.m.
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/https://www.instagram.com/blacksontalkball/