震撼教育 (香港對日本賽後分析)
圖片來源：EAFF (https://eaff.com/competitions/eaff2022/result789.html)
今屆東亞足球錦標賽由香港迎戰東道主日本一戰揭開序幕，港隊喺半場落後 4 球下，最終以 0:6 敗陣，上咗震撼嘅一課。
今場港隊沿用亞洲盃外圍賽時嘅 4-3-3 單防中陣式，由保羅把守最後一關，左右閘分別係梁冠聰、茹子楠，中堅則由謝家強及首度成為大港腳嘅勞烈斯擔任；中場方面由於黃洋大哥今次未有入選，安達臣改以胡晉銘出任防守中場，另外兩名中場拍檔則繼續為黃威、鞠盈智；鋒線上就沿用亞洲盃外圍賽時嘅三箭頭：中鋒安永佳、左翼孫銘謙、右翼羅梓駿。
圖片來源：香港足球總會 (https://www.facebook.com/HKFAofficial/photos/a.114495090796486/370862161826443/)
香港正選陣容
GK18保羅 Paulo Cesar Da Silva Argolo
LB12梁冠聰 Leung Kwun Chung (46' 由徐宏傑 Tsui Wang Kit 入替)
CB5 謝家強 Tse Sean Ka Keung
CB22勞烈斯 Lilley Nunez Vasudeva Das
RB21茹子楠 Yue Tze Nam
CM10黃威 Wong Wai (77' 由鄭展龍 Cheng Chin Lung 入替)
CM8 胡晉銘 Wu Chun Ming
CM24鞠盈智 Ju Yingzhi (46' 由陳俊樂 Tan Chun Lok 入替)
LW23 孫銘謙 Sun Ming Him (46' 由簡嘉亨 Jahangir Khan 入替)
ST9 安永佳 Orr Matthew Elliot Wing Kai
RW7 羅梓駿 Law Tsz Chun (77' 由趙聡悟 Sohgo Ichikawa 入替)
圖片來源：EAFF (https://eaff.com/competitions/eaff2022/result789.html)
開波只係分半鐘港隊就要落後，日本隊喺禁區頂搏得罰球，由相馬勇紀主射破網。失波後港隊短暫搶回主動權，亦能夠創造攻勢，只可惜胡晉銘、茹子楠連番施射都未能命中目標。及後日本企穩陣腳後開始主導形勢，分別喺第 20、22、40 分鐘各入一球，帶住 4 球優勢返入更衣室。換邊後港隊換入徐宏傑、陳俊樂及簡嘉亨保持球隊活力及覆蓋範圍，的而且確見到港隊較上半場表現平穩，可惜依然無法取得入球，最終以 0:6 告負。
圖片來源：EAFF (https://eaff.com/competitions/eaff2022/result789.html)
今場比賽港隊受制於日本高機動性、節奏明快嘅踢法，中後場好多時都處於受壓嘅狀態，亦令後防出現唔少失誤。日本主要透過熟練嘅小組短傳入楔進攻，球員之間不斷換位、跑動，竄擾港隊後防，尤其喺 half space 位置，令港隊兩閘不時要面對以一敵二嘅局面，中堅亦經常受到對方翼鋒挑戰；而且日本球員基本功、默契良好，多次以 one touch pass 或撞牆撕破港隊防線，令港隊後防風聲鶴唳。同時，日本亦會執行中前場逼搶，而且佢哋起動速度快，港隊球員稍有猶豫或諗多一秒嘅話，日本球員已經殺到，令港隊難以喺中後場組織用波，好多時都被逼大腳踢上前，變相令日本更容易回收控球權，繼續組織攻勢。
圖片來源：香港足球總會 (https://www.facebook.com/HKFAofficial/photos/a.371459621766697/371455425100450)
筆者認為港隊喺面對好似日本、南韓呢一個級數嘅強隊時應該要考慮踢雙防中。對日本一仗可以見到喺日本球員連番進襲下，單靠胡晉銘一人覆蓋範圍有限，變相令一對中堅前、禁區頂嘅位置出現唔少空位俾對方發揮，非常危險；到下半場換入陳俊樂後情況有所改善，佢嘅活動範圍同箍波能力對港隊防守及由守轉攻上都好有幫助，喺下場面對踢法更體力法嘅南韓時港隊可以嘗試以陳俊樂、胡晉銘擔入正選，分擔後防嘅防守壓力。
總結
今場比賽日本為香港上咗寶貴嘅一課，佢哋喺比賽中展示出紮實嘅基本功、良好嘅默契及走位意識，令港隊、球迷意識到自己與亞洲一線球隊嘅差距。筆者認為輸並唔緊要，最重要係點樣從輸波之中吸取教訓、反思、學習，然後進步，避免再犯同樣嘅錯，此為成長。尤記得當初安達臣上任時指出要改變港隊風格、要踢得更主動時，外界並唔睇好，但到亞洲盃外圍賽時連贏阿富汗、柬埔寨後，呢啲聲音逐漸消退，但當面對實力更高嘅印度、日本時就遭遇大敗。改變嘅過程並唔容易，通往成功嘅路上必然伴隨住好多失敗、灰心，但若然呢種改變係球員、球迷都認為正確、係大家都渴望見嘅，就懇請大家學似 ToNick 嘅恆仔所講：「避唔過，一齊捱。」
嚟緊港隊將會喺 7 月 24 號 (星期日) 及 27 號 (星期三) 下晝 3 點分別迎戰南韓及中國，各位球迷記得準時收睇，撐港隊！(港台電視 32 全程直播)
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
今屆東亞足球錦標賽由香港迎戰東道主日本一戰揭開序幕，港隊喺半場落後 4 球下，最終以 0:6 敗陣，上咗震撼嘅一課。
今場港隊沿用亞洲盃外圍賽時嘅 4-3-3 單防中陣式，由保羅把守最後一關，左右閘分別係梁冠聰、茹子楠，中堅則由謝家強及首度成為大港腳嘅勞烈斯擔任；中場方面由於黃洋大哥今次未有入選，安達臣改以胡晉銘出任防守中場，另外兩名中場拍檔則繼續為黃威、鞠盈智；鋒線上就沿用亞洲盃外圍賽時嘅三箭頭：中鋒安永佳、左翼孫銘謙、右翼羅梓駿。
圖片來源：香港足球總會 (https://www.facebook.com/HKFAofficial/photos/a.114495090796486/370862161826443/)
香港正選陣容
GK18保羅 Paulo Cesar Da Silva Argolo
LB12梁冠聰 Leung Kwun Chung (46' 由徐宏傑 Tsui Wang Kit 入替)
CB5 謝家強 Tse Sean Ka Keung
CB22勞烈斯 Lilley Nunez Vasudeva Das
RB21茹子楠 Yue Tze Nam
CM10黃威 Wong Wai (77' 由鄭展龍 Cheng Chin Lung 入替)
CM8 胡晉銘 Wu Chun Ming
CM24鞠盈智 Ju Yingzhi (46' 由陳俊樂 Tan Chun Lok 入替)
LW23 孫銘謙 Sun Ming Him (46' 由簡嘉亨 Jahangir Khan 入替)
ST9 安永佳 Orr Matthew Elliot Wing Kai
RW7 羅梓駿 Law Tsz Chun (77' 由趙聡悟 Sohgo Ichikawa 入替)
圖片來源：EAFF (https://eaff.com/competitions/eaff2022/result789.html)
開波只係分半鐘港隊就要落後，日本隊喺禁區頂搏得罰球，由相馬勇紀主射破網。失波後港隊短暫搶回主動權，亦能夠創造攻勢，只可惜胡晉銘、茹子楠連番施射都未能命中目標。及後日本企穩陣腳後開始主導形勢，分別喺第 20、22、40 分鐘各入一球，帶住 4 球優勢返入更衣室。換邊後港隊換入徐宏傑、陳俊樂及簡嘉亨保持球隊活力及覆蓋範圍，的而且確見到港隊較上半場表現平穩，可惜依然無法取得入球，最終以 0:6 告負。
圖片來源：EAFF (https://eaff.com/competitions/eaff2022/result789.html)
今場比賽港隊受制於日本高機動性、節奏明快嘅踢法，中後場好多時都處於受壓嘅狀態，亦令後防出現唔少失誤。日本主要透過熟練嘅小組短傳入楔進攻，球員之間不斷換位、跑動，竄擾港隊後防，尤其喺 half space 位置，令港隊兩閘不時要面對以一敵二嘅局面，中堅亦經常受到對方翼鋒挑戰；而且日本球員基本功、默契良好，多次以 one touch pass 或撞牆撕破港隊防線，令港隊後防風聲鶴唳。同時，日本亦會執行中前場逼搶，而且佢哋起動速度快，港隊球員稍有猶豫或諗多一秒嘅話，日本球員已經殺到，令港隊難以喺中後場組織用波，好多時都被逼大腳踢上前，變相令日本更容易回收控球權，繼續組織攻勢。
圖片來源：香港足球總會 (https://www.facebook.com/HKFAofficial/photos/a.371459621766697/371455425100450)
筆者認為港隊喺面對好似日本、南韓呢一個級數嘅強隊時應該要考慮踢雙防中。對日本一仗可以見到喺日本球員連番進襲下，單靠胡晉銘一人覆蓋範圍有限，變相令一對中堅前、禁區頂嘅位置出現唔少空位俾對方發揮，非常危險；到下半場換入陳俊樂後情況有所改善，佢嘅活動範圍同箍波能力對港隊防守及由守轉攻上都好有幫助，喺下場面對踢法更體力法嘅南韓時港隊可以嘗試以陳俊樂、胡晉銘擔入正選，分擔後防嘅防守壓力。
總結
今場比賽日本為香港上咗寶貴嘅一課，佢哋喺比賽中展示出紮實嘅基本功、良好嘅默契及走位意識，令港隊、球迷意識到自己與亞洲一線球隊嘅差距。筆者認為輸並唔緊要，最重要係點樣從輸波之中吸取教訓、反思、學習，然後進步，避免再犯同樣嘅錯，此為成長。尤記得當初安達臣上任時指出要改變港隊風格、要踢得更主動時，外界並唔睇好，但到亞洲盃外圍賽時連贏阿富汗、柬埔寨後，呢啲聲音逐漸消退，但當面對實力更高嘅印度、日本時就遭遇大敗。改變嘅過程並唔容易，通往成功嘅路上必然伴隨住好多失敗、灰心，但若然呢種改變係球員、球迷都認為正確、係大家都渴望見嘅，就懇請大家學似 ToNick 嘅恆仔所講：「避唔過，一齊捱。」
嚟緊港隊將會喺 7 月 24 號 (星期日) 及 27 號 (星期三) 下晝 3 點分別迎戰南韓及中國，各位球迷記得準時收睇，撐港隊！(港台電視 32 全程直播)
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/