旗開得勝 (香港對不丹賽後分析)
圖片來源：體路 Sportsroad (https://www.sportsroad.hk/archives/444349)
早前港隊歷史性殺入亞運四強，雖然最終與獎牌無緣，但已經係歷來最好成績，亦引起大眾關注。事隔唔夠一個星期再一次迎嚟港隊賽事，今次一眾大港腳喺主場出戰 2026 世界盃暨 2027 亞洲盃外圍賽第一圈首回合賽事，面對嘅對手係不丹。
港隊今場排出 4-3-3 出戰，正選門將係隊長葉鴻輝，後防方面左右閘係費蘭度、茹子楠，而中堅則係艾里奧拍住勞烈斯；中場線由陳俊樂擔任防中，與陳肇鈞、黃威組成三中場；前線繼續由米高出任正選中鋒，與左翼陳晉一、右翼艾華頓合力進攻。
圖片來源：香港足球總會 Facebook (https://www.facebook.com/photo.php?fbid=648673174046677&set=pb.100067120005493.-2207520000&type=3)
香港正選陣容
GK1葉鴻輝 Yapp Hung Fai
LB12費蘭度 Fernando
CB5 艾里奧 Hélio
CB4 勞烈斯 Vas Nuñez
RB21茹子楠 Yue Tze Nam
CM16陳肇鈞 Chan Siu Kwan Philip (64' 由胡晉銘 Wu Chun Ming 入替)
CM8 陳俊樂 Tan Chun Lok (63' 安永佳 Orr Matthew Elliot Wing Kai 入替)
CM10黃威 Wong Wai (64' 由鞠盈智 Ju Ying Zhi 入替)
LW17 陳晉一 Chan Shinichi
ST20 米高 Michael Udebuluzor (75' 由孫銘謙 Sun Ming Him 入替)
RW11艾華頓 Everton Camargo (66' 由羅梓駿 Law Tsz Chun 入替)
上半場水銀瀉地
圖片來源：體路 Sportsroad (https://www.sportsroad.hk/archives/444349)
主場出擊嘅港隊一開波就採取主動，不斷透過前場逼搶及細膩嘅組織製造威脅，上半場基本上都係港隊壓住不丹嚟踢，4:0 亦係一個合理嘅比數。
港隊三位中場球員不斷走上走落、助攻助守，協助球隊成功搶贏中場、主導形勢。爭贏控球權後，港隊多數都會由兩側發起進攻，左右兩邊嘅翼鋒及閘位之間都好有化學作用，加上不時前插 half space 嘅陳肇鈞、黃威，令球隊進攻相當立體。而今場梅開二度嘅前鋒米高亦善用自己身體質素嘅優勢為球隊喺前場衝鋒陷陣，發揮前場支點作用箍住個波並同隊友作出 one touch 配合，為隊友創造空間。
下半場陷入混亂
圖片來源：體路 Sportsroad (https://www.sportsroad.hk/archives/444465)
然而，港隊從更衣室出翻嚟之後表現卻急速下滑，踢唔翻上半場嘅節奏，俾對手帶住嚟踢。港隊球員喺下半場唔係好應付到不丹加強咗力度嘅中場逼搶，導致球隊難以組織攻勢，好多時都只能夠大腳向前，有威脅嘅攻勢寥寥可數；同時，球隊防守表現亦受到影響，中場線及後防線之間暴露咗唔少空位俾對手起腳或短傳入楔，下半場初段對手短時間內就有兩次極具威脅嘅射門，好彩都過唔到葉鴻輝及門楣。
試陣差啲試出禍
港隊喺踢到 60 幾分鐘嘅時候一口氣以胡晉銘、安永佳、鞠盈智入替三名正選中場並轉陣 4-4-2，相信係想試下米高、安永佳同時上陣嘅效果，但呢個改動卻令球隊陷入劣勢。港隊喺下半場出嚟之後中場已經唔似上半場咁有優勢，喺呢個情況下再踢少個中場球員就令爭奪中場處於下風。雖然胡晉銘、鞠盈智後備落場有氣有力，但要佢哋覆蓋晒成個中場並同時兼顧進攻防守始終有啲吃力；而且球員始乎唔太習慣呢個陣式，左右翼經常壓得太前令陣形變咗 4-2-4，亦好少現位攞波，令中場欠缺向前傳波嘅接應點。
正選陣容雛形已定
圖片來源：體路 Sportsroad (https://www.sportsroad.hk/archives/444349)
經過近幾場友誼賽及今場正式比賽後，相信有唔少球員都已經奠定咗佢哋嘅正選位置。首先，右路組合相信毫無懸念會係艾華頓 + 茹子楠，兩人經過幾次港隊合作後越嚟越夾，前者作為右翼具有突破能力，cut 入中路擺大位遠射更係佢拿手絕技，亦能落底傳中；而右閘茹子楠除咗有唔錯嘅防守能力之外，覆蓋範圍大，係一名攻守兼備嘅球員。
中場方面陳俊樂亦必然穩佔正選一席位，但佢應該踢翻最擅長嘅 box-to-box 中場而唔係防守中場。上半場「樂仔」逼搶得唔錯，亦能夠喺攔截後箍到波、帶翻生個波。到下半場對手加快節奏後，作為防中嘅「樂仔」面對對手嘅轉邊時似乎差少少位置感，唔能夠即時對應對方位置喺禁區頂保護防線。所以我覺得佢比較適合踢 8 號位，而防中位置或者可以試下用胡晉銘，畢竟佢經歷完亞運比賽後都進步不少。
圖片來源：香港足球總會 Facebook (https://www.facebook.com/photo.php?fbid=649200580660603&set=pb.100067120005493.-2207520000&type=3)
米高、勞烈斯呢一前一後嘅球員喺筆者眼中都會係正選十一人之中。米高、安永佳呢兩位港隊前鋒都有唔錯嘅爭頂能力，但前者嘅對抗性較好，亦較能同隊友作配合，所以相比之下稍為秤先。至於中堅勞烈斯防守穩陣，速度、用波能力都唔差，係港隊後防嘅重要一員。
總結
港隊有驚無險地喺主場以 4:0 擊敗不丹，喺晉級路上有個好開始。由於世界盃及亞洲盃外圍賽第一輪會踢兩回合，港隊將會喺 10 月 17 號作客不丹出戰第二回合賽事，爭取晉級資格。作客不丹絕對係一場硬仗，佢哋嘅主場位處高原，令球員嘅體能負荷更大，港隊必須避免再一次下半場「跌 watt」嘅情況，務求喺作客保持不敗，晉身第二圈。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
早前港隊歷史性殺入亞運四強，雖然最終與獎牌無緣，但已經係歷來最好成績，亦引起大眾關注。事隔唔夠一個星期再一次迎嚟港隊賽事，今次一眾大港腳喺主場出戰 2026 世界盃暨 2027 亞洲盃外圍賽第一圈首回合賽事，面對嘅對手係不丹。
港隊今場排出 4-3-3 出戰，正選門將係隊長葉鴻輝，後防方面左右閘係費蘭度、茹子楠，而中堅則係艾里奧拍住勞烈斯；中場線由陳俊樂擔任防中，與陳肇鈞、黃威組成三中場；前線繼續由米高出任正選中鋒，與左翼陳晉一、右翼艾華頓合力進攻。
圖片來源：香港足球總會 Facebook (https://www.facebook.com/photo.php?fbid=648673174046677&set=pb.100067120005493.-2207520000&type=3)
香港正選陣容
GK1葉鴻輝 Yapp Hung Fai
LB12費蘭度 Fernando
CB5 艾里奧 Hélio
CB4 勞烈斯 Vas Nuñez
RB21茹子楠 Yue Tze Nam
CM16陳肇鈞 Chan Siu Kwan Philip (64' 由胡晉銘 Wu Chun Ming 入替)
CM8 陳俊樂 Tan Chun Lok (63' 安永佳 Orr Matthew Elliot Wing Kai 入替)
CM10黃威 Wong Wai (64' 由鞠盈智 Ju Ying Zhi 入替)
LW17 陳晉一 Chan Shinichi
ST20 米高 Michael Udebuluzor (75' 由孫銘謙 Sun Ming Him 入替)
RW11艾華頓 Everton Camargo (66' 由羅梓駿 Law Tsz Chun 入替)
上半場水銀瀉地
圖片來源：體路 Sportsroad (https://www.sportsroad.hk/archives/444349)
主場出擊嘅港隊一開波就採取主動，不斷透過前場逼搶及細膩嘅組織製造威脅，上半場基本上都係港隊壓住不丹嚟踢，4:0 亦係一個合理嘅比數。
港隊三位中場球員不斷走上走落、助攻助守，協助球隊成功搶贏中場、主導形勢。爭贏控球權後，港隊多數都會由兩側發起進攻，左右兩邊嘅翼鋒及閘位之間都好有化學作用，加上不時前插 half space 嘅陳肇鈞、黃威，令球隊進攻相當立體。而今場梅開二度嘅前鋒米高亦善用自己身體質素嘅優勢為球隊喺前場衝鋒陷陣，發揮前場支點作用箍住個波並同隊友作出 one touch 配合，為隊友創造空間。
下半場陷入混亂
圖片來源：體路 Sportsroad (https://www.sportsroad.hk/archives/444465)
然而，港隊從更衣室出翻嚟之後表現卻急速下滑，踢唔翻上半場嘅節奏，俾對手帶住嚟踢。港隊球員喺下半場唔係好應付到不丹加強咗力度嘅中場逼搶，導致球隊難以組織攻勢，好多時都只能夠大腳向前，有威脅嘅攻勢寥寥可數；同時，球隊防守表現亦受到影響，中場線及後防線之間暴露咗唔少空位俾對手起腳或短傳入楔，下半場初段對手短時間內就有兩次極具威脅嘅射門，好彩都過唔到葉鴻輝及門楣。
試陣差啲試出禍
港隊喺踢到 60 幾分鐘嘅時候一口氣以胡晉銘、安永佳、鞠盈智入替三名正選中場並轉陣 4-4-2，相信係想試下米高、安永佳同時上陣嘅效果，但呢個改動卻令球隊陷入劣勢。港隊喺下半場出嚟之後中場已經唔似上半場咁有優勢，喺呢個情況下再踢少個中場球員就令爭奪中場處於下風。雖然胡晉銘、鞠盈智後備落場有氣有力，但要佢哋覆蓋晒成個中場並同時兼顧進攻防守始終有啲吃力；而且球員始乎唔太習慣呢個陣式，左右翼經常壓得太前令陣形變咗 4-2-4，亦好少現位攞波，令中場欠缺向前傳波嘅接應點。
正選陣容雛形已定
圖片來源：體路 Sportsroad (https://www.sportsroad.hk/archives/444349)
經過近幾場友誼賽及今場正式比賽後，相信有唔少球員都已經奠定咗佢哋嘅正選位置。首先，右路組合相信毫無懸念會係艾華頓 + 茹子楠，兩人經過幾次港隊合作後越嚟越夾，前者作為右翼具有突破能力，cut 入中路擺大位遠射更係佢拿手絕技，亦能落底傳中；而右閘茹子楠除咗有唔錯嘅防守能力之外，覆蓋範圍大，係一名攻守兼備嘅球員。
中場方面陳俊樂亦必然穩佔正選一席位，但佢應該踢翻最擅長嘅 box-to-box 中場而唔係防守中場。上半場「樂仔」逼搶得唔錯，亦能夠喺攔截後箍到波、帶翻生個波。到下半場對手加快節奏後，作為防中嘅「樂仔」面對對手嘅轉邊時似乎差少少位置感，唔能夠即時對應對方位置喺禁區頂保護防線。所以我覺得佢比較適合踢 8 號位，而防中位置或者可以試下用胡晉銘，畢竟佢經歷完亞運比賽後都進步不少。
圖片來源：香港足球總會 Facebook (https://www.facebook.com/photo.php?fbid=649200580660603&set=pb.100067120005493.-2207520000&type=3)
米高、勞烈斯呢一前一後嘅球員喺筆者眼中都會係正選十一人之中。米高、安永佳呢兩位港隊前鋒都有唔錯嘅爭頂能力，但前者嘅對抗性較好，亦較能同隊友作配合，所以相比之下稍為秤先。至於中堅勞烈斯防守穩陣，速度、用波能力都唔差，係港隊後防嘅重要一員。
總結
港隊有驚無險地喺主場以 4:0 擊敗不丹，喺晉級路上有個好開始。由於世界盃及亞洲盃外圍賽第一輪會踢兩回合，港隊將會喺 10 月 17 號作客不丹出戰第二回合賽事，爭取晉級資格。作客不丹絕對係一場硬仗，佢哋嘅主場位處高原，令球員嘅體能負荷更大，港隊必須避免再一次下半場「跌 watt」嘅情況，務求喺作客保持不敗，晉身第二圈。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/