<一詩看全場> 利物浦 VS 阿仙奴 3:3

｢八面玲瓏十分鐘，法明奴近射建功
奈何領先二百秒，米奴又要執波了
轉頭法奴再得手，遠射角度靚到嘔
一來一回真係快，角球又失別見怪
之後禾仔走靚位，銀河炒橫搞乜鬼
臨完半場仲有機，法奴命射險中楣｣

｢雙方換邊續膠著，攻勢都係差一腳
直到基奧諗到計，轉身埋門入網仔
局勢改為攻防戰，高帥換賓基求變
跟住叫走安尼簡，祖亞倫都猜兩板
教授見受壓無抖，張伯基比入嚟守紅軍再出哥爾卡，打前場係真係假｣

｢眼見只淨五分鐘，主隊不斷試強攻
還是埋門力不好，經常施射被擋到
以為要輸三比二，祖倫突然射施治
結果撲到都照入，大鐘搭到正九十
球迷打氣繼續攻，大唱Never Walk Alone
完場三和握下手，熱血追平一分走｣