車路士對利物浦：一場被犯錯主宰嘅比賽
車路士今場明顯以防守反擊為主要戰術，以雲拿同夏弗斯嘅速度攻擊利物浦嘅高位防守。另一方面，林柏特亦下調咗迫搶強度，當利物浦係後場用球時車路士會用前場3人加1名中場球員對上利物浦嘅4名後衛，不過唔會主動逼搶，而係以干擾同遮線為主，意圖防止利物浦作出長傳。當利物浦越過中場線後，車路士就會停止逼搶轉為全軍退守，將控球權讓比利物浦。咁做係咗吸引利物浦防線前壓，製造空間比雲拿同夏弗斯打反擊。今場車路士嘅PPDA高達40.9，雖然好大程度係因為下半場，但亦可以見到車路士故意被動嘅戰術。
林柏特嘅計劃成功咗一半，車路士嘅防守令利物浦難以組織起有效攻勢。車路士將人數集中係中路，利物浦無法突破重圍，沙拿文尼發展唔到佢地引而自豪嘅速度。不過車路士同樣亦打唔起反擊，雲拿同夏弗斯雖然有數次突破機會，但都比對方化解。今場利物浦後衛發揮出色，尤其係打替工嘅法賓奴，本場錄得4次攔截（全場最多）、4次搶斷（全場第2多），多次成功阻止雲拿嘅反擊。因此，上半場雙方都冇咩射門，兩隊係45分鐘前累積到嘅xG分別係0.36（利）同0.03（車）。
原本一切都尚算在林柏特嘅計算內，直到基斯甸臣嘅紅牌出現。當時車路士剛剛完成進攻，大部份球員仍然係利物浦嘅半場，軒達臣把握到車路士全場唯一一次嘅後防空虛，向文尼送上一記絕妙長傳。基斯甸臣被文尼以速度壓倒，以超技術將對方拉跌，最終食紅牌離場。係呢到可以睇到兩個主要犯錯，首先係基斯甸臣嘅決定，當時基柏見狀後已立刻出迎，睇返replay見到佢係稍稍快文尼一步，理應係可以清走個波。但基斯甸臣仍然決定犯規拉低文尼，造成一張不必要嘅紅牌。第二係球隊嘅集中力，今場車路士踢得咁被動就係為咗防止後防空虛，壓縮文尼沙拿嘅跑動空間。當車路士進攻時，後防會理所當然地暴露空位，呢一點係無法避免，分別就係球員如何做善後功夫。當時軒達臣係禁區頂可以完全無壓力嘅情況下作出長傳，證明車路士球員完成進攻後集中力下降。如果有人對軒達臣逼搶，或係文尼起動時對佢進行干擾，咁呢次單刀機會亦唔會出現。所以呢張牌固然係基斯甸臣所犯嘅錯，但亦係全隊嘅責任。打少一人嘅車路士失去反擊嘅能力，利物浦全面進入圍攻狀態，入球只係時間問題，到49分鐘文尼打開紀錄之際比賽已經完結。及後不論係基柏嘅失誤、佐真奴嘅十二碼宴客，其實對比賽來說已無太大意義，只係對車迷嘅雪上加霜。
呢場比賽有兩個特別想稱讚嘅車路士球員，第一個係雲拿。本場比賽雲拿作出6次成功盤扭（全場最多），交出1次射門1次key pass，贏得9次ground duels（全場第2多），以及搏到一個十二碼。係本場表現沉寂嘅進攻線上，佢仍然係最有威脅嘅一人，即使係比賽落後時仍然積極地向前奔跑嘗試製造機會。原本以為佢會係一眾新援中適應最耐嘅一個，就而家咁睇佢對球隊同英超都融入都幾快。
另一個更想讚嘅係半場換入嘅托莫利。佢只用咗45分鐘，就交出8次解圍（全場最多）、2次攔截、2次搶斷以及1次射門封阻，亦係車路士下半場只失1球（唔計派膠啦）嘅主要原因。單論表現，托莫利甚至係本場車路士最出色嘅守衛。而本場基斯甸臣同托莫利嘅表現，亦有機會改變車路士本季嘅中堅pecking order。當泰亞高施華加盟後，車路士有5名中堅，因此可以預料會有一人離隊。托莫利係4人中唯一有offer嘅球員，盛傳愛華頓及雷恩都有興趣借入呢位英格蘭中堅。但佢今場表現出色，比預計會留隊嘅基斯甸臣更可靠，令人聯想到林柏特會否因此而改變主意。值得一提嘅係，今場魯迪加係無任何傷患嘅情況下缺席18人大隊名單，因此係賽前令部份記者懷疑係咪同佢係車路士嘅前途有關。不過以上所講皆為猜測，到現時為止仍未傳出其餘3位中堅嘅轉會新聞。
輸比上季聯賽冠軍並不可恥，球隊亦展現出良好嘅拼搏精神，況且現時只係球賽早段，車迷們唔需要過份失望，更重要係希望球隊同林柏特能夠吸收呢兩場嘅經驗。週中有場對班士利嘅聯賽杯比賽，會係球隊重拾士氣嘅好機會。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
林柏特嘅計劃成功咗一半，車路士嘅防守令利物浦難以組織起有效攻勢。車路士將人數集中係中路，利物浦無法突破重圍，沙拿文尼發展唔到佢地引而自豪嘅速度。不過車路士同樣亦打唔起反擊，雲拿同夏弗斯雖然有數次突破機會，但都比對方化解。今場利物浦後衛發揮出色，尤其係打替工嘅法賓奴，本場錄得4次攔截（全場最多）、4次搶斷（全場第2多），多次成功阻止雲拿嘅反擊。因此，上半場雙方都冇咩射門，兩隊係45分鐘前累積到嘅xG分別係0.36（利）同0.03（車）。
原本一切都尚算在林柏特嘅計算內，直到基斯甸臣嘅紅牌出現。當時車路士剛剛完成進攻，大部份球員仍然係利物浦嘅半場，軒達臣把握到車路士全場唯一一次嘅後防空虛，向文尼送上一記絕妙長傳。基斯甸臣被文尼以速度壓倒，以超技術將對方拉跌，最終食紅牌離場。係呢到可以睇到兩個主要犯錯，首先係基斯甸臣嘅決定，當時基柏見狀後已立刻出迎，睇返replay見到佢係稍稍快文尼一步，理應係可以清走個波。但基斯甸臣仍然決定犯規拉低文尼，造成一張不必要嘅紅牌。第二係球隊嘅集中力，今場車路士踢得咁被動就係為咗防止後防空虛，壓縮文尼沙拿嘅跑動空間。當車路士進攻時，後防會理所當然地暴露空位，呢一點係無法避免，分別就係球員如何做善後功夫。當時軒達臣係禁區頂可以完全無壓力嘅情況下作出長傳，證明車路士球員完成進攻後集中力下降。如果有人對軒達臣逼搶，或係文尼起動時對佢進行干擾，咁呢次單刀機會亦唔會出現。所以呢張牌固然係基斯甸臣所犯嘅錯，但亦係全隊嘅責任。打少一人嘅車路士失去反擊嘅能力，利物浦全面進入圍攻狀態，入球只係時間問題，到49分鐘文尼打開紀錄之際比賽已經完結。及後不論係基柏嘅失誤、佐真奴嘅十二碼宴客，其實對比賽來說已無太大意義，只係對車迷嘅雪上加霜。
呢場比賽有兩個特別想稱讚嘅車路士球員，第一個係雲拿。本場比賽雲拿作出6次成功盤扭（全場最多），交出1次射門1次key pass，贏得9次ground duels（全場第2多），以及搏到一個十二碼。係本場表現沉寂嘅進攻線上，佢仍然係最有威脅嘅一人，即使係比賽落後時仍然積極地向前奔跑嘗試製造機會。原本以為佢會係一眾新援中適應最耐嘅一個，就而家咁睇佢對球隊同英超都融入都幾快。
另一個更想讚嘅係半場換入嘅托莫利。佢只用咗45分鐘，就交出8次解圍（全場最多）、2次攔截、2次搶斷以及1次射門封阻，亦係車路士下半場只失1球（唔計派膠啦）嘅主要原因。單論表現，托莫利甚至係本場車路士最出色嘅守衛。而本場基斯甸臣同托莫利嘅表現，亦有機會改變車路士本季嘅中堅pecking order。當泰亞高施華加盟後，車路士有5名中堅，因此可以預料會有一人離隊。托莫利係4人中唯一有offer嘅球員，盛傳愛華頓及雷恩都有興趣借入呢位英格蘭中堅。但佢今場表現出色，比預計會留隊嘅基斯甸臣更可靠，令人聯想到林柏特會否因此而改變主意。值得一提嘅係，今場魯迪加係無任何傷患嘅情況下缺席18人大隊名單，因此係賽前令部份記者懷疑係咪同佢係車路士嘅前途有關。不過以上所講皆為猜測，到現時為止仍未傳出其餘3位中堅嘅轉會新聞。
輸比上季聯賽冠軍並不可恥，球隊亦展現出良好嘅拼搏精神，況且現時只係球賽早段，車迷們唔需要過份失望，更重要係希望球隊同林柏特能夠吸收呢兩場嘅經驗。週中有場對班士利嘅聯賽杯比賽，會係球隊重拾士氣嘅好機會。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/