熱刺對車路士：賽後檢討
賽後嘅焦點集中咗喺摩連奴同林柏特兩師徒嘅trash talk、以及戴亞踢踢下波衝去爆石上面，令車路士盃賽出局呢個事實得以淡化。但撇除花邊新聞同賽果，呢場比賽嘅過程亦有值得討論嘅地方。
1. 球員企位
車路士上半場控球率更高達72%，熱刺只有零星嘅突破機會。咁嘅情況下，車路士理應可以大軍壓境，圍住熱刺嘅半場嚟踢。但為咗防止輸反擊，車路士一對中堅蘇馬同托莫利嘅企位都偏後，大部份時間都維持喺中圈後方。同時，車路士三位前場球員多次向走動，嘗試開發熱刺防線嘅空位。呢個時候，球隊嘅隊形就拉到好闊，球員之間嘅企位好遠。佐真奴同高華錫需要不停喺中場同後場之間來回跑，以連線兩個區域。蒙特今場狀態不佳，回撤幫波嘅次數不足，令兩位中場嘅工作量增加。
企位太遠有幾個問題，首先係球員身邊嘅支援唔夠，傳送選擇少，如果自己突破唔到嘅話只可以回傳再做；其次，傳送距離變遠，球員更依賴長傳，增加傳失波嘅風險；最後，由攻轉守時嘅反搶會好難做。呢場比賽確實見到車路士好難打穿熱刺嘅mid-block，兩個球員之間隨時夾住咗兩個熱刺球員。當個波比到前場球員時，又發現隊友都喺好遠嘅位置，好難做到配合，例如今場基奧特嘅二傳基本上係比唔到自己隊友。幸好嘅係今場車路士球員反搶速度快、防守決心強，多次喺前場成功阻止熱刺嘅突破。
常言道「防守內收、進攻展開」，但隊形嘅展開係要睇時機同處境，否則只會令球員被孤立。
2. 中場力量不足
上半場熱刺採取被動，令佐真奴同高華錫有大量用球空間。下半場出到嚟熱刺立即改變戰術，將球隊前移並加大逼搶力度。熱刺三名中場施素高、尼當比尼同謝臣費蘭迪斯嘅身體質素完勝佐真奴同高華錫，加上有人數優勢，令熱刺喺下半場早段就成功贏得中場。佐真奴同高華錫雖有技術，但面對對方夾擊時無法好似上半場咁控制中場，整隊車路士嘅誤傳次數大幅增加。喺下半場高華錫被換出前，車路士嘅控球率下跌到46%，直至換入簡迪後車路士嘅控球率先回昇。
車路士中場力量不足唔係第一日嘅事，佐真奴、高華錫、蒙特、基爾摩等人都欠缺力量，簡迪已經係咁多個球員中身體對抗最強，但礙於先天因素（即係矮），佢始終冇可能成為一個穩定嘅力量輸出點。因此面對力量強、侵略性高嘅對手時，車路士嘅中場就好易被衝散。尤其係喺由攻轉守嘅階段，車路士好難用犯規以外嘅方式阻擋對方。今年車路士將主要陣式由三中場轉為雙中場，令中場更易產生人數劣勢，如果冇法解決呢個問題防線只會承擔更大壓力。3. 狀態
開季第四場比賽，車路士球員嘅發揮依然喺水準以下。今場車路士全場只有5次成功盤扭，足足比熱刺少11次，而且duels won亦比對方少4次。下半場比賽速率提升，球員嘅失誤次數即刻上升，蒙特、赫臣奧杜爾亦分別錯失絕佳黃金機會。整體球員嘅用球處理較一般時粗糙，例如係長傳嘅落點經常有幾碼嘅誤差，或者係控球唔夠穩陣。雖然球員狀態差係全球性現象，但咁嘅狀態係冇可能踢出球隊所追求嘅高強度風格。
今場落敗後，車路士今季合理地有機會爭取到嘅獎盃就只係得返足總盃。不過阿Q啲諗，今季賽程咁密集，可以退出一項比賽保留球隊體力應付其餘戰線亦未必係件壞事。
如果你中意呢篇文，希望你可以like埋我個facebook page，多謝各位大佬！Blu波pen: https://www.facebook.com/blueballpenhk/
1. 球員企位
車路士上半場控球率更高達72%，熱刺只有零星嘅突破機會。咁嘅情況下，車路士理應可以大軍壓境，圍住熱刺嘅半場嚟踢。但為咗防止輸反擊，車路士一對中堅蘇馬同托莫利嘅企位都偏後，大部份時間都維持喺中圈後方。同時，車路士三位前場球員多次向走動，嘗試開發熱刺防線嘅空位。呢個時候，球隊嘅隊形就拉到好闊，球員之間嘅企位好遠。佐真奴同高華錫需要不停喺中場同後場之間來回跑，以連線兩個區域。蒙特今場狀態不佳，回撤幫波嘅次數不足，令兩位中場嘅工作量增加。
企位太遠有幾個問題，首先係球員身邊嘅支援唔夠，傳送選擇少，如果自己突破唔到嘅話只可以回傳再做；其次，傳送距離變遠，球員更依賴長傳，增加傳失波嘅風險；最後，由攻轉守時嘅反搶會好難做。呢場比賽確實見到車路士好難打穿熱刺嘅mid-block，兩個球員之間隨時夾住咗兩個熱刺球員。當個波比到前場球員時，又發現隊友都喺好遠嘅位置，好難做到配合，例如今場基奧特嘅二傳基本上係比唔到自己隊友。幸好嘅係今場車路士球員反搶速度快、防守決心強，多次喺前場成功阻止熱刺嘅突破。
常言道「防守內收、進攻展開」，但隊形嘅展開係要睇時機同處境，否則只會令球員被孤立。
2. 中場力量不足
上半場熱刺採取被動，令佐真奴同高華錫有大量用球空間。下半場出到嚟熱刺立即改變戰術，將球隊前移並加大逼搶力度。熱刺三名中場施素高、尼當比尼同謝臣費蘭迪斯嘅身體質素完勝佐真奴同高華錫，加上有人數優勢，令熱刺喺下半場早段就成功贏得中場。佐真奴同高華錫雖有技術，但面對對方夾擊時無法好似上半場咁控制中場，整隊車路士嘅誤傳次數大幅增加。喺下半場高華錫被換出前，車路士嘅控球率下跌到46%，直至換入簡迪後車路士嘅控球率先回昇。
車路士中場力量不足唔係第一日嘅事，佐真奴、高華錫、蒙特、基爾摩等人都欠缺力量，簡迪已經係咁多個球員中身體對抗最強，但礙於先天因素（即係矮），佢始終冇可能成為一個穩定嘅力量輸出點。因此面對力量強、侵略性高嘅對手時，車路士嘅中場就好易被衝散。尤其係喺由攻轉守嘅階段，車路士好難用犯規以外嘅方式阻擋對方。今年車路士將主要陣式由三中場轉為雙中場，令中場更易產生人數劣勢，如果冇法解決呢個問題防線只會承擔更大壓力。3. 狀態
開季第四場比賽，車路士球員嘅發揮依然喺水準以下。今場車路士全場只有5次成功盤扭，足足比熱刺少11次，而且duels won亦比對方少4次。下半場比賽速率提升，球員嘅失誤次數即刻上升，蒙特、赫臣奧杜爾亦分別錯失絕佳黃金機會。整體球員嘅用球處理較一般時粗糙，例如係長傳嘅落點經常有幾碼嘅誤差，或者係控球唔夠穩陣。雖然球員狀態差係全球性現象，但咁嘅狀態係冇可能踢出球隊所追求嘅高強度風格。
今場落敗後，車路士今季合理地有機會爭取到嘅獎盃就只係得返足總盃。不過阿Q啲諗，今季賽程咁密集，可以退出一項比賽保留球隊體力應付其餘戰線亦未必係件壞事。
如果你中意呢篇文，希望你可以like埋我個facebook page，多謝各位大佬！Blu波pen: https://www.facebook.com/blueballpenhk/