車路士對錫菲聯：終於上力
由於上季季尾曾經比錫菲聯羞辱性大炒三球，再加上喺開賽冇耐就比麥高直攻破大門，相信當時唔少車迷已經PTSD發作。可幸嘅係球隊並冇自亂陣腳，最終換來一場具說服力嘅反勝。
防守
喺開賽初段球員尚未入局之時，錫菲聯憑住一次極精彩嘅組織先開紀錄。但呢次攻勢之後，其實錫菲聯已經再冇辦法製造威脅。今場法語系防守中軸繼續令人安心，簡迪全場作出5次搶斷2次攔截10次成功施壓、贏得6次ground duels同2次aerial duels，重現昔日「覆蓋地球三成土地」嘅風彩。蘇馬同泰亞高施華漸漸培養出默契，前者利用速度及身體質素上搶，後者透過經驗同路數包波，再加上發揮持續穩定嘅文迪，令車路士嘅防守展現出非常久違嘅安心感。唔敢講而家車路士嘅防守已經足夠穩健，畢竟對手只係進攻疲弱嘅錫菲聯，但至少防守唔再係車路士嘅明顯弱點。
「偽翼」與「偽閘」
錫菲聯排出352，令中路屯積大量球員，逼使車路士從邊路進攻。剛好今季車路士相當依賴二閘推進，令捷維爾同占士順理成章成為「偽翼」，為球場提供闊度之餘，亦成為傳中時嘅尾柱接應點。兩位球員今場都錄得過百次觸球次數，係車路士主要嘅進攻點。
上半場錫菲聯嘅逼搶頗為凌厲，令擔任單防中嘅簡迪唔能夠輕易將球送出。因此喺build up階段時，蒙特同高華錫會回到中後場，取代捷維爾同占士嘅位置擔任「偽閘」。當簡迪受壓時，兩人會走入中路支援。當兩閘走到前場進攻時，兩人會走到更貼近邊線嘅位置，嘗試連接捷維爾同占士。當皮球順利過渡到前場後，兩個中場會適時走入half space助攻，扳平一球就係由高華錫嘅前插所引起。呢一套「偽閘」戰術一方面能夠紓解簡迪作為單防中嘅壓力，亦令邊路喺兩閘上前助攻後仍然保持出球點。
https://twitter.com/chelseayouth/status/1325142072718995456
呢到必須讚一讚蒙特嘅表現。雖然今場蒙特冇入球或者助攻，但佢喺攻守平衡同連接上做得好好。蒙特全場錄得102次觸球，傳球成功率達91%，交出5次成功長傳及6次轉向。防守方面，蒙特亦做出2次搶斷同兩次攔截，以及5次成功施壓。整體表現相當全面，如果林柏特繼續使用呢個系統，相信蒙特嘅重要性會更進一步提升。
Play-maker
串連工作主要由蒙特同高華錫負責，邊路開發就交比捷維爾同占士，因此翼鋒能夠更專注地走入中路組織進攻。薛耶治係呢場比賽光芒四射，呢位摩洛哥國腳全場交出2次助攻、6次key passes、6次成功長傳、3次成功傳中、7次轉向、10次progressive passes同1次成功突破，係球隊最終能大勝對手嘅主要功臣。
薜耶治正正係車路士期待已久嘅正統play-maker。上季呢個角色係由韋利安所擔當，但眾所周知韋利安嘅策應能力不足，令車路士進攻時總係欠缺一點靈光。薛耶治敢於作出高難度傳送，佢純熟嘅左腳能夠開啟更多傳球角度，令進攻時增加瓣數。
簡迪
個人一向唔太喜歡簡迪出任單防中，始終簡迪嘅用波能力唔足夠承擔起現代6號位嘅工作。但今場簡迪嘅表現令我喜出望外，除咗防守理所當然地穩固外，喺組織方面亦有唔錯嘅表現。簡迪全場錄得98次觸球，傳球成功率達91%，交出8次成功長傳及7次轉向、8次將球傳入對方final third（全隊最多）。考慮到簡迪嘅防守表現，呢個程度嘅組織貢獻已經係合格有餘。當然亦要多得蒙特、高華錫同施華為佢分擔重負，但如果簡迪能夠保持表現佢應該繼續出任單防中一職。
經歷過後防漏水同進攻啞火後，林柏特好似終於能夠從攻守兩端取到平衡。Clean sheets紀錄中斷固然可惜，但相信一眾車迷都會認同呢場係開季至今表現最好嘅比賽。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
防守
喺開賽初段球員尚未入局之時，錫菲聯憑住一次極精彩嘅組織先開紀錄。但呢次攻勢之後，其實錫菲聯已經再冇辦法製造威脅。今場法語系防守中軸繼續令人安心，簡迪全場作出5次搶斷2次攔截10次成功施壓、贏得6次ground duels同2次aerial duels，重現昔日「覆蓋地球三成土地」嘅風彩。蘇馬同泰亞高施華漸漸培養出默契，前者利用速度及身體質素上搶，後者透過經驗同路數包波，再加上發揮持續穩定嘅文迪，令車路士嘅防守展現出非常久違嘅安心感。唔敢講而家車路士嘅防守已經足夠穩健，畢竟對手只係進攻疲弱嘅錫菲聯，但至少防守唔再係車路士嘅明顯弱點。
「偽翼」與「偽閘」
錫菲聯排出352，令中路屯積大量球員，逼使車路士從邊路進攻。剛好今季車路士相當依賴二閘推進，令捷維爾同占士順理成章成為「偽翼」，為球場提供闊度之餘，亦成為傳中時嘅尾柱接應點。兩位球員今場都錄得過百次觸球次數，係車路士主要嘅進攻點。
上半場錫菲聯嘅逼搶頗為凌厲，令擔任單防中嘅簡迪唔能夠輕易將球送出。因此喺build up階段時，蒙特同高華錫會回到中後場，取代捷維爾同占士嘅位置擔任「偽閘」。當簡迪受壓時，兩人會走入中路支援。當兩閘走到前場進攻時，兩人會走到更貼近邊線嘅位置，嘗試連接捷維爾同占士。當皮球順利過渡到前場後，兩個中場會適時走入half space助攻，扳平一球就係由高華錫嘅前插所引起。呢一套「偽閘」戰術一方面能夠紓解簡迪作為單防中嘅壓力，亦令邊路喺兩閘上前助攻後仍然保持出球點。
https://twitter.com/chelseayouth/status/1325142072718995456
呢到必須讚一讚蒙特嘅表現。雖然今場蒙特冇入球或者助攻，但佢喺攻守平衡同連接上做得好好。蒙特全場錄得102次觸球，傳球成功率達91%，交出5次成功長傳及6次轉向。防守方面，蒙特亦做出2次搶斷同兩次攔截，以及5次成功施壓。整體表現相當全面，如果林柏特繼續使用呢個系統，相信蒙特嘅重要性會更進一步提升。
Play-maker
串連工作主要由蒙特同高華錫負責，邊路開發就交比捷維爾同占士，因此翼鋒能夠更專注地走入中路組織進攻。薛耶治係呢場比賽光芒四射，呢位摩洛哥國腳全場交出2次助攻、6次key passes、6次成功長傳、3次成功傳中、7次轉向、10次progressive passes同1次成功突破，係球隊最終能大勝對手嘅主要功臣。
薜耶治正正係車路士期待已久嘅正統play-maker。上季呢個角色係由韋利安所擔當，但眾所周知韋利安嘅策應能力不足，令車路士進攻時總係欠缺一點靈光。薛耶治敢於作出高難度傳送，佢純熟嘅左腳能夠開啟更多傳球角度，令進攻時增加瓣數。
簡迪
個人一向唔太喜歡簡迪出任單防中，始終簡迪嘅用波能力唔足夠承擔起現代6號位嘅工作。但今場簡迪嘅表現令我喜出望外，除咗防守理所當然地穩固外，喺組織方面亦有唔錯嘅表現。簡迪全場錄得98次觸球，傳球成功率達91%，交出8次成功長傳及7次轉向、8次將球傳入對方final third（全隊最多）。考慮到簡迪嘅防守表現，呢個程度嘅組織貢獻已經係合格有餘。當然亦要多得蒙特、高華錫同施華為佢分擔重負，但如果簡迪能夠保持表現佢應該繼續出任單防中一職。
經歷過後防漏水同進攻啞火後，林柏特好似終於能夠從攻守兩端取到平衡。Clean sheets紀錄中斷固然可惜，但相信一眾車迷都會認同呢場係開季至今表現最好嘅比賽。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/