西維爾對車路士：談笑用兵下的啟示
一場談笑用兵嘅例行公事，雙方都派上大量副選球員，整場比賽都談唔上緊湊，最終能夠作客大勝而回確實令人意外。
壽終正寢嘅4231
開季時林柏特將4231視為主要系統，但球隊嘅逼搶同build up表現一直未如理想。直至對卡斯洛達嘅下半場後，車路士就轉咗踢433，而球隊嘅發揮亦有明顯提升。
4231係為夏弗斯設計嘅陣式，旨在將佢放置到自由度更大嘅10號位。而轉踢433後夏弗斯嘅定位同角色就令人十分期待，只可惜早前因確診武肺而缺陣數週。今場係夏弗斯康復後首場正選比賽，林柏特再次排出433，將夏弗斯放到右中場位置，而高華錫就返回較熟悉嘅左中場。同之前幾場比賽一樣，左右兩名中場嘅位置並不一置，右中場較多走入中路同前插，而左中場就會做更多回撤同支援。上幾場右中場係由高華錫出任，今場換成夏弗斯成件事就順理成章好多。
照咁睇蒙特加夏弗斯先係林柏特心中嘅正選左右中場人選，所以一直將蒙特放到左中場比佢熟習「打後半格」嘅踢法。以剛復出來說，今場夏弗斯表現理想，交出1次助攻、7次ground duels won、2次成功盤扭同91%傳球成功。如果夏弗斯能夠適應呢個位置，季初嗰套破爛嘅4231應該唔會再出現。林柏特面對強隊時嘅取態
唔講唔知，今場係今季第一次從強隊手中獲得嘅勝仗。面對較弱嘅對手時林柏特嘅戰術會十分進取，採用高強度反搶而且投入大量人手到進攻上。相反面對勁旅時林柏特就會轉為保守，因此入球同失球數字亦偏低，最終大多部份比賽都和局收場（面對我所定義嘅強隊時嘅戰績：輸利物浦、和曼聯、和西維爾、兩和熱刺）。
呢種取態其實好容易理解，聯賽失分未必係最大憂慮，更重要嘅問題係如何維持士氣。對陣西布朗同修咸頓後球隊士氣大挫，對於一支今年剛組軍完全嘅球隊來說可謂大忌。再加上球隊嘅體系尚未成熟，選擇避免風險亦尚算合理。只不過呢種取態亦引來唔少批評，認為林柏特並冇善用陣容優勢，亦欠缺成為強隊嘅心態。
今場車路士同樣選擇保守，但分寸拿捏得比以往更好。車路士將球權讓出予西維爾，全場只有45%控球率，防守方式以mid-block為主，進攻就依賴快速反擊。呢個game plan聽似消極，不過實際上嘅進攻數據絕對唔失禮，全場14射7中，xG達2.45，最終攻入4個入球。雖然進攻未至行雲流水，但喺一場取態較保守嘅比賽中已經十分理想，再加上成功保持清白之身，確實係令人欣喜嘅結果。
一支強隊唔需要每場都採取主動，適時地踢下養生波亦好重要。希望呢場比賽嘅經驗能夠令林柏特喺往後面對強隊時有更好嘅部署。
最後當然唔能夠唔提基奧特
今場基奧特嘅表現堪稱完美，除咗上演完美大四喜之外，進攻上嘅串連同支援都做得相當純熟，絕對係現代中鋒嘅典範。
如此出色嘅表現當然會令球迷將基奧特同現時嘅正選中鋒艾巴咸作比較。誠然，艾巴咸除咗活力同青訓身份以外都冇地方絕對優勝於基奧特，但要林柏特直接將基奧特取代艾巴咸亦唔係容易嘅決定。由開季開始林柏特就銳意將球隊年輕化，嘗試建立一個能夠於未來長遠使用嘅陣容，就連多年全勤嘅隊長艾斯比利古達嘅正選席位亦比占士奪去。雖然上場表現欠佳，但艾巴咸今季嘅進步不容忽視，林柏特將佢視為重點培訓對象非常合理。
話雖如此，將基奧特長期放喺後備席上亦唔公道。最近傳言基奧特有意於一月離隊，於車路士立場絕對要阻止呢件事發生。基奧特嘅技術特點同功架於球壇上十分稀有，能夠擁有呢位球員絕對係車路士嘅福份。接下來林柏特必須權衡輕重，思考清楚呢兩位中鋒嘅角色同定位。
勝出呢場比賽後車路士已鎖定首名出線席位，下場主場迎戰卡斯洛達嘅賽事希望能夠見到更多青訓產品上陣，同埋唔好再叫雲拿同蒙特上場。
如果你中意呢篇文，希望你可以like埋我個facebook page，多謝各位大佬！
＞Blu波pen＜
壽終正寢嘅4231
開季時林柏特將4231視為主要系統，但球隊嘅逼搶同build up表現一直未如理想。直至對卡斯洛達嘅下半場後，車路士就轉咗踢433，而球隊嘅發揮亦有明顯提升。
4231係為夏弗斯設計嘅陣式，旨在將佢放置到自由度更大嘅10號位。而轉踢433後夏弗斯嘅定位同角色就令人十分期待，只可惜早前因確診武肺而缺陣數週。今場係夏弗斯康復後首場正選比賽，林柏特再次排出433，將夏弗斯放到右中場位置，而高華錫就返回較熟悉嘅左中場。同之前幾場比賽一樣，左右兩名中場嘅位置並不一置，右中場較多走入中路同前插，而左中場就會做更多回撤同支援。上幾場右中場係由高華錫出任，今場換成夏弗斯成件事就順理成章好多。
照咁睇蒙特加夏弗斯先係林柏特心中嘅正選左右中場人選，所以一直將蒙特放到左中場比佢熟習「打後半格」嘅踢法。以剛復出來說，今場夏弗斯表現理想，交出1次助攻、7次ground duels won、2次成功盤扭同91%傳球成功。如果夏弗斯能夠適應呢個位置，季初嗰套破爛嘅4231應該唔會再出現。林柏特面對強隊時嘅取態
唔講唔知，今場係今季第一次從強隊手中獲得嘅勝仗。面對較弱嘅對手時林柏特嘅戰術會十分進取，採用高強度反搶而且投入大量人手到進攻上。相反面對勁旅時林柏特就會轉為保守，因此入球同失球數字亦偏低，最終大多部份比賽都和局收場（面對我所定義嘅強隊時嘅戰績：輸利物浦、和曼聯、和西維爾、兩和熱刺）。
呢種取態其實好容易理解，聯賽失分未必係最大憂慮，更重要嘅問題係如何維持士氣。對陣西布朗同修咸頓後球隊士氣大挫，對於一支今年剛組軍完全嘅球隊來說可謂大忌。再加上球隊嘅體系尚未成熟，選擇避免風險亦尚算合理。只不過呢種取態亦引來唔少批評，認為林柏特並冇善用陣容優勢，亦欠缺成為強隊嘅心態。
今場車路士同樣選擇保守，但分寸拿捏得比以往更好。車路士將球權讓出予西維爾，全場只有45%控球率，防守方式以mid-block為主，進攻就依賴快速反擊。呢個game plan聽似消極，不過實際上嘅進攻數據絕對唔失禮，全場14射7中，xG達2.45，最終攻入4個入球。雖然進攻未至行雲流水，但喺一場取態較保守嘅比賽中已經十分理想，再加上成功保持清白之身，確實係令人欣喜嘅結果。
一支強隊唔需要每場都採取主動，適時地踢下養生波亦好重要。希望呢場比賽嘅經驗能夠令林柏特喺往後面對強隊時有更好嘅部署。
最後當然唔能夠唔提基奧特
今場基奧特嘅表現堪稱完美，除咗上演完美大四喜之外，進攻上嘅串連同支援都做得相當純熟，絕對係現代中鋒嘅典範。
如此出色嘅表現當然會令球迷將基奧特同現時嘅正選中鋒艾巴咸作比較。誠然，艾巴咸除咗活力同青訓身份以外都冇地方絕對優勝於基奧特，但要林柏特直接將基奧特取代艾巴咸亦唔係容易嘅決定。由開季開始林柏特就銳意將球隊年輕化，嘗試建立一個能夠於未來長遠使用嘅陣容，就連多年全勤嘅隊長艾斯比利古達嘅正選席位亦比占士奪去。雖然上場表現欠佳，但艾巴咸今季嘅進步不容忽視，林柏特將佢視為重點培訓對象非常合理。
話雖如此，將基奧特長期放喺後備席上亦唔公道。最近傳言基奧特有意於一月離隊，於車路士立場絕對要阻止呢件事發生。基奧特嘅技術特點同功架於球壇上十分稀有，能夠擁有呢位球員絕對係車路士嘅福份。接下來林柏特必須權衡輕重，思考清楚呢兩位中鋒嘅角色同定位。
勝出呢場比賽後車路士已鎖定首名出線席位，下場主場迎戰卡斯洛達嘅賽事希望能夠見到更多青訓產品上陣，同埋唔好再叫雲拿同蒙特上場。
如果你中意呢篇文，希望你可以like埋我個facebook page，多謝各位大佬！
＞Blu波pen＜