車路士對維拉：繼續贏唔到波
今場可以話係總結咗車路士今季嘅特色：有效嘅兩閘側擊、尚算穩健嘅防守、唔湯唔水嘅逼搶、無法kill the game、輸中場、集中力忽然下降、下半場早段失球、入球數字低於xG、圍攻無功而還、同埋好多場嘅和波。如果有球迷最近冇咩點睇波又想知今年車路士踢成點，你睇呢90分鐘就ok。亦都因為咁，所以今場分析出嚟嘅問題其實都係來來去去嗰三篤屁。
首先係防守陣式嘅問題，車路士繼續喺逼搶同Mid-Block兩者之間舉棋不定。今場車路士嘅PPDA只有5.14，看似係有相當凌厲嘅逼搶，不過實際上有效逼搶嘅次數唔多，給予維拉嘅壓力亦相當有限。當前場球員上前逼時其他球員冇即時配合同時前壓，令球員之間距離過遠。感覺球員之間嘅步伐唔一致，有人想上前快速逼搶，有人想靜候時機，結果就係兩頭唔到涯。今場見到佐真奴好幾次離開防中位置走上前逼搶對方中堅，唔敢講呢個係咪戰術安排，因為當簡迪踢單防中時都成日咁做，但個人觀感更似係佐真奴希望加強逼搶力度而隊友又冇相應配合，所以決定自己走上前逼。
逼搶步伐不一嘅結果就係中場接近中空，維拉能夠非常輕鬆地通過中場。面對廣闊嘅空間，車路士中場對抗弱勢嘅問題又再次被放大。今場基亞利殊同麥堅都交出極佳嘅地面對抗數據，兩人合共贏得20次ground duels及交出6次成功盤扭，多次持球直接進攻車路士核心地帶。直至完場為止車路士都搵唔到方法直接阻止維拉嘅中路推進，連簡迪亦顯得有心無力，只能夠強行以犯規停止對方前進（FYI車路士有16次犯規，而維拉只有3次）。雖然車路士全場控球率高達63%，但duels won次數比維拉少24次（車39；維拉63），可見車路士其實從未真正控制過中場。提到中場控制又要講下佐真奴。今場佐真奴表現其實唔差，全場交出5次搶斷、4次攔截、5次ground duels won，防守上做得相當稱職。不過用得佐真奴就當然唔係為咗防守，而係希望能夠加強中後場build-up同控制。但今場車路士嘅build-up play其實未見有太大改善，甚至會被維拉嘅逼搶打亂陣腳。關於呢點我唔打算將責任放到佐真奴上，皆因佢能夠作出嘅改變實在非常有限。自從車路士確立咗兩閘助攻嘅套路後就非常沉迷於邊路interchange上，忽略咗中場中路嘅接應點。今場當佐真奴縮後到兩名中堅中間拎波時，發現向前傳球嘅選擇其實相當少，最後又係只可以將個波分到兩邊邊路。夏弗斯上場後更有意識地走入中路接應，亦試過走到絕佳進攻位置，但車路士仍然堅持傳波到兩路，白白浪費能夠直接打穿維拉中場嘅機會，而呢個時候佐真奴已經被換離場。
車路士全場xG有1.54，當中下半場xG就只有0.31，而呢點亦同林柏特嘅臨場調動失效有關。用雲拿換基奧特令人摸不著頭腦，唔用第三個換人名額加強攻力又係莫名其妙。未必需要有一套非常完善嘅Plan B，但至少希望換人後球隊表現會有改善，而唔係打倒褪。
睇完呢幾段嘢之後係咪發現好熟口面？冇錯，因為真係都係嗰啲嘢，你未睇到悶我都打到悶。如果單獨睇呢一場波的話問題未必好大，但當最近戰績咁差嘅時候球迷自然會期望球隊能夠作出更多改變，而唔係不停重複相同毛病。
最後唔少球迷都好關心德國雙星嘅狀態問題。誠然兩人嘅近況確實使人憂慮，但問題亦有優次之分，現階段最需要嘅係搶分，而唔係對個別球員嘅照料。個人唔認為兩人狀態提升後就能夠直接令車路士重回勝軌，相反佢地嘅低迷同球隊最近嘅走勢或多或少都有關係。若然而家佩利錫同赫臣奧杜爾嘅狀態較好，咁將雲拿同夏弗斯放到板凳上亦非常合理。
如果你中意呢篇文，希望你可以like埋我個facebook page，多謝各位大佬！
＞Blu波pen＜
首先係防守陣式嘅問題，車路士繼續喺逼搶同Mid-Block兩者之間舉棋不定。今場車路士嘅PPDA只有5.14，看似係有相當凌厲嘅逼搶，不過實際上有效逼搶嘅次數唔多，給予維拉嘅壓力亦相當有限。當前場球員上前逼時其他球員冇即時配合同時前壓，令球員之間距離過遠。感覺球員之間嘅步伐唔一致，有人想上前快速逼搶，有人想靜候時機，結果就係兩頭唔到涯。今場見到佐真奴好幾次離開防中位置走上前逼搶對方中堅，唔敢講呢個係咪戰術安排，因為當簡迪踢單防中時都成日咁做，但個人觀感更似係佐真奴希望加強逼搶力度而隊友又冇相應配合，所以決定自己走上前逼。
逼搶步伐不一嘅結果就係中場接近中空，維拉能夠非常輕鬆地通過中場。面對廣闊嘅空間，車路士中場對抗弱勢嘅問題又再次被放大。今場基亞利殊同麥堅都交出極佳嘅地面對抗數據，兩人合共贏得20次ground duels及交出6次成功盤扭，多次持球直接進攻車路士核心地帶。直至完場為止車路士都搵唔到方法直接阻止維拉嘅中路推進，連簡迪亦顯得有心無力，只能夠強行以犯規停止對方前進（FYI車路士有16次犯規，而維拉只有3次）。雖然車路士全場控球率高達63%，但duels won次數比維拉少24次（車39；維拉63），可見車路士其實從未真正控制過中場。提到中場控制又要講下佐真奴。今場佐真奴表現其實唔差，全場交出5次搶斷、4次攔截、5次ground duels won，防守上做得相當稱職。不過用得佐真奴就當然唔係為咗防守，而係希望能夠加強中後場build-up同控制。但今場車路士嘅build-up play其實未見有太大改善，甚至會被維拉嘅逼搶打亂陣腳。關於呢點我唔打算將責任放到佐真奴上，皆因佢能夠作出嘅改變實在非常有限。自從車路士確立咗兩閘助攻嘅套路後就非常沉迷於邊路interchange上，忽略咗中場中路嘅接應點。今場當佐真奴縮後到兩名中堅中間拎波時，發現向前傳球嘅選擇其實相當少，最後又係只可以將個波分到兩邊邊路。夏弗斯上場後更有意識地走入中路接應，亦試過走到絕佳進攻位置，但車路士仍然堅持傳波到兩路，白白浪費能夠直接打穿維拉中場嘅機會，而呢個時候佐真奴已經被換離場。
車路士全場xG有1.54，當中下半場xG就只有0.31，而呢點亦同林柏特嘅臨場調動失效有關。用雲拿換基奧特令人摸不著頭腦，唔用第三個換人名額加強攻力又係莫名其妙。未必需要有一套非常完善嘅Plan B，但至少希望換人後球隊表現會有改善，而唔係打倒褪。
睇完呢幾段嘢之後係咪發現好熟口面？冇錯，因為真係都係嗰啲嘢，你未睇到悶我都打到悶。如果單獨睇呢一場波的話問題未必好大，但當最近戰績咁差嘅時候球迷自然會期望球隊能夠作出更多改變，而唔係不停重複相同毛病。
最後唔少球迷都好關心德國雙星嘅狀態問題。誠然兩人嘅近況確實使人憂慮，但問題亦有優次之分，現階段最需要嘅係搶分，而唔係對個別球員嘅照料。個人唔認為兩人狀態提升後就能夠直接令車路士重回勝軌，相反佢地嘅低迷同球隊最近嘅走勢或多或少都有關係。若然而家佩利錫同赫臣奧杜爾嘅狀態較好，咁將雲拿同夏弗斯放到板凳上亦非常合理。
如果你中意呢篇文，希望你可以like埋我個facebook page，多謝各位大佬！
＞Blu波pen＜