放棄收購巴卡約高 轉移至哥倫天杜利素？

顯示分享連結
-請支持藍獅 Facebook專頁-
<歡迎轉載 請列明出處 謝謝>

據法國媒體《隊報》所報導，法甲球隊里昂向車路士查詢引入其球員泰奧利及蘇馬既可能性，而藍軍亦對里昂中場哥倫天杜利素感興趣，並選擇放棄追逐摩納哥中場巴卡約高，似乎車路士已經著眼於從法甲引入年青既中場球員，咁究竟哩位哥倫天杜利素又係何方神聖？而哩單交易又究竟可唔可行？一齊分析一下。
．圖片來源 : Media

法國籍既哥倫天杜利素出身自里昂既青訓體系，現年22歲既佢係一位擁有多個位置屬性既球員，除左本身出道打開中場中同防守中場外，更曾出任球隊既左右邊後衛、攻擊中場以及輔鋒，表現同樣出色，可以話係一個相當全能既球員。剛過去既賽季一共為里昂在各項賽事上陣接近50場，為出14個入球同7個助攻，其中喺歐霸盃以2:1擊敗比錫達斯射入追平一球最為關鍵，只可惜最終以一球之差兩回合計不敵阿積士無緣晉身決賽，但其表現已經受到歐洲各大列強所注視，除左車路士外阿仙奴、巴塞隆拿同祖雲達斯亦有興趣提出收購。
．圖片來源 : Goal

而藍軍需要在轉會窗進行中場補強已經係不爭既事實，在下季四線作戰之下，中場必需至少擁有四名具實力既球員作戰術調配，而言即使剛剛奪得英超冠軍，但干地手中既中場人員配置實在捉襟見肘，離不開都係簡迪、馬迪同法比加斯之間既調配，就連球迷都能以即場洞悉干地既排兵布陣，同時查路巴亦未能擔上太大職責，車路士的確欠缺好似以前拉美利斯果類型既中場多面手，而言哥倫天杜利素正正能填補哩個空缺，增加球隊既完整性及注入年輕活力。
．圖片來源 : Daily Express

在於車路士久久未能與摩納哥達成一致轉會費收購頭號目標巴卡約高，對方貴為聯賽班霸及金錢豪門絕對無需要同你在轉會費上著急，藍軍在避免比人「襟住搶」既著況下收購其它目標亦屬正確做法。而里昂想引入既兩名藍橋球員泰奧利同蘇馬，如果係以借用方式轉會，相信唔會有球迷反對哩單交易，始終前者雖然喺剛過去既賽季租借到阿積士交出唔錯表現，更助球隊晉身歐霸盃決賽，但的確有需要再喺高水平既聯賽証明自己，而蘇馬亦要上陣時間重新找回惜日既狀態，但以依加既車路士實在難以比到足夠空間佢。

如果里昂能夠有充足既上陣時間比到兩位球員，哩單交易對藍軍絕對係百利而無一害。

https://www.youtube.com/watch?v=ejIdYhSGyWU．影片來源 : Youtube - Footernative

來源 : https://www.lequipe.fr/Football/Actualites/Lyon-sur-kurt-zouma-chelsea-sur-corentin-tolisso/806278

<歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章，請即分享到︰