明天轉會窗一開 車路士帶比我地既是驚？還是喜？
-請支持藍獅 Facebook專頁-
<原創文章 歡迎轉載 請列明出處 謝謝>
最令車路士球迷期待既夏季轉會窗將於英國時間7月1號正式開啟，過往藍軍都比到人Deadline Fighter既感覺，令到球迷都都要喺轉會窗最後一日緊貼住轉會消息。今年剛剛相反，由於新一季既球衣贊助商改為Nike接手，配合下必需在新約啟動時才可對外宣佈，導致球會至今一直既新聞都係圍繞住放人。明天轉會窗一開，車路士會為為球迷帶黎驚喜？
．圖片來源 : post image
即使球會唔對外宣佈，各國既傳媒都會有自己既方式去搵料番黎，車路士今夏既收購對象離唔開以下哩五位，盧卡古、巴卡約高、邦路斯、雲迪克同阿歷士辛度，而相信曼城門將卡巴尼路會以自由身加盟方式成為藍軍今夏第一簽；盧卡古回歸車路士再次著起藍色球衣相信只係時間問題，基本上如果迪亞高哥斯達未能離開，球迷們對莫拉達既加盟已經可以幻滅，與其繼續幻想，倒不如接受現實，期待著夏薩特、巴舒亞伊與新拍擋盧卡古合組比利時攻擊線。
．圖片來源 : The World Game - SBS
而巴卡約高相信都已成藍軍囊中物，但同時馬迪亦傳出被曼聯收購，雖然小弟覺得機會不大，因為即使巴卡約高來投，只會係填補到一個空缺，如果馬迪離去的話車路士需要在中場再添置多一名球員才可了事，而市面上似乎亦未有一些可行既人選，與其係咁，倒不如先行留用馬迪再作打算，在下季多線發展下簡迪亦有機會受傷或輪換，而馬迪喺法國人不在陣中時仍能發揮出一定水準，相反干地要諗既係二人同場下點樣可以再清楚佢地既工作，否則馬迪只會繼續成為眾矢之的。
．圖片來源 : ESPN FC
到後場方面，先講後衛，干地追求邦路斯同雲迪克已經唔係咩新既新聞，祖雲達斯繼續拒絕放行前者，而在修咸頓轉任新領隊後雲迪克亦獲留任，兩者轉投到藍橋既難度就進一步提升，如果再用更高既轉會費投在佢地身上實在略有不值。文路拉斯或許係一個好選擇，近日傳出哩名羅馬後衛會轉投俄超辛尼特，但在個人條利上雙方未能達到一致共識，車路士亦有意出手搶人，球員身價未有邦路斯及雲迪克咁高，以一個低風險投資黎講文路拉斯絕對值得一博。．圖片來源 : Football.London
至於左翼衛方面，傳得最勁既就係同樣效力祖雲達斯既阿歷士辛度，雖然外界有消息指出球員已遞交轉會申請，但小弟認為當中存在變數，祖雲達斯喺未收購到替補人選時絕不會輕易放人，喺左翼衛位置上以破紀錄收購阿歷士辛度究竟值唔值，亦都好難有固定答案，但無疑能夠同馬高斯阿朗素帶黎良性競爭，長遠黎睇絕對係一件好事。
．圖片來源 : ESPN FC
轉會窗即將展開，車路士能夠就以上收購達成幾多宗？是驚還是喜？球迷們拭目以待...
<原創文章 歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
<原創文章 歡迎轉載 請列明出處 謝謝>
最令車路士球迷期待既夏季轉會窗將於英國時間7月1號正式開啟，過往藍軍都比到人Deadline Fighter既感覺，令到球迷都都要喺轉會窗最後一日緊貼住轉會消息。今年剛剛相反，由於新一季既球衣贊助商改為Nike接手，配合下必需在新約啟動時才可對外宣佈，導致球會至今一直既新聞都係圍繞住放人。明天轉會窗一開，車路士會為為球迷帶黎驚喜？
．圖片來源 : post image
即使球會唔對外宣佈，各國既傳媒都會有自己既方式去搵料番黎，車路士今夏既收購對象離唔開以下哩五位，盧卡古、巴卡約高、邦路斯、雲迪克同阿歷士辛度，而相信曼城門將卡巴尼路會以自由身加盟方式成為藍軍今夏第一簽；盧卡古回歸車路士再次著起藍色球衣相信只係時間問題，基本上如果迪亞高哥斯達未能離開，球迷們對莫拉達既加盟已經可以幻滅，與其繼續幻想，倒不如接受現實，期待著夏薩特、巴舒亞伊與新拍擋盧卡古合組比利時攻擊線。
．圖片來源 : The World Game - SBS
而巴卡約高相信都已成藍軍囊中物，但同時馬迪亦傳出被曼聯收購，雖然小弟覺得機會不大，因為即使巴卡約高來投，只會係填補到一個空缺，如果馬迪離去的話車路士需要在中場再添置多一名球員才可了事，而市面上似乎亦未有一些可行既人選，與其係咁，倒不如先行留用馬迪再作打算，在下季多線發展下簡迪亦有機會受傷或輪換，而馬迪喺法國人不在陣中時仍能發揮出一定水準，相反干地要諗既係二人同場下點樣可以再清楚佢地既工作，否則馬迪只會繼續成為眾矢之的。
．圖片來源 : ESPN FC
到後場方面，先講後衛，干地追求邦路斯同雲迪克已經唔係咩新既新聞，祖雲達斯繼續拒絕放行前者，而在修咸頓轉任新領隊後雲迪克亦獲留任，兩者轉投到藍橋既難度就進一步提升，如果再用更高既轉會費投在佢地身上實在略有不值。文路拉斯或許係一個好選擇，近日傳出哩名羅馬後衛會轉投俄超辛尼特，但在個人條利上雙方未能達到一致共識，車路士亦有意出手搶人，球員身價未有邦路斯及雲迪克咁高，以一個低風險投資黎講文路拉斯絕對值得一博。．圖片來源 : Football.London
至於左翼衛方面，傳得最勁既就係同樣效力祖雲達斯既阿歷士辛度，雖然外界有消息指出球員已遞交轉會申請，但小弟認為當中存在變數，祖雲達斯喺未收購到替補人選時絕不會輕易放人，喺左翼衛位置上以破紀錄收購阿歷士辛度究竟值唔值，亦都好難有固定答案，但無疑能夠同馬高斯阿朗素帶黎良性競爭，長遠黎睇絕對係一件好事。
．圖片來源 : ESPN FC
轉會窗即將展開，車路士能夠就以上收購達成幾多宗？是驚還是喜？球迷們拭目以待...
<原創文章 歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/