343只是352既前奏？《中篇 - 中場》
-請支持藍獅 Facebook專頁-
《原創文章 歡迎轉載 請列明出處 謝謝》
上回傳送門(343只是352既前奏？《上篇》 / 343只是352既前奏？《中篇 - 後場》 / 343只是352既前奏？《中篇 - 翼衛》)
上幾回都講哂後場同翼衛，亦難得車路士進行左好幾個轉會動作，今回就能夠順理成章講一下352入面既中場人手配置，有留意開上一季藍軍賽事既球迷都知道，干地手底下既343入面中場位置會比較單薄，好多時都唔能夠有效咁控制到中路節奏，同時亦不能兼顧攻守方面既平衡，由於得兩個中場名額，過於著重防守時又欠缺創造力，過於進攻時又容易被人打反擊。由此可見，面對不同既對手，干地的確有轉陣既需要性喺度，總唔能夠一本天書睇到老。．圖片來源 : Confam24
上季球隊成功喺前英超冠軍李斯特城身上收購到簡迪，可以話喺車路士奪冠里程上起左關鍵作用。比較可惜既係，因為哩位法國防中既來投，導致到將本身為防中既馬迪推向兩極化，干地需要後者同時兼顧攻守兩端，但到下半季球員狀態有所回落引致進退失據。而法比加斯主要被定性為變奏器，後備落場作為改寫戰局既武器，亦令球迷睇到只有西班牙人至能夠提升球隊既創造力。中場主要都係圍繞著以上三個人選，而查路巴擔當為中場第四人，只係喺一啲盃賽賽事上陣，另外將奧斯卡及米基爾放走，如果並非因為中超價錢吸引，相信干地唔會比奧斯卡離開，今日亦未必需要為中場擔憂。．圖片來源 : Daily Express
當然，一雞死一雞鳴，無人知巴西人究竟能唔能夠喺干地手中打番起，同時佢唔離開亦可能無岩岩所收購既巴卡約高。車路士來季既中場能夠擔上正選既人手暫時有三位，分別係簡迪、法比加斯同巴卡約高，而馬迪相信會喺開季前離開藍軍。如果以干地當時仲係帶領祖雲達斯既352陣容黎講，其實人手特質十分類近，簡迪會係果時既維度，法比加斯會係派路既位置，而新收購既巴卡約高就係普巴。
．圖片來源 : The Sun
先講簡迪，明顯地佢並唔係純防中咁簡單，無論係前場定後場都好容易見到法國人既蹤影，不惜體力跑上跑落可以話係防守版既拉美利斯。相信來季佢都會繼續握住中路防守既位置，適當既時候會前插配合進攻，即使轉陣到352負責既工作唔會有太大變動，雖然助攻力及後上射門不及維度，但防守方面較為細膩未有智利人既粗糙，不過兩者責任亦較為相近。
即使馬迪自己無提交轉會申請，但相信巴卡約高既來投係直接取其位置，明顯地後者既反應時間、靈活性同速度都較馬迪出色，同時兩者都係透過迫搶攔截及死纏對手而重新為球隊奪回控球權，但干地有機會要求減少巴卡約高既上腳時間，由於法國人控球及盤球方面技術不俗，搶回皮球後都能夠帶球推進到前場，但好多時都單打獨鬥缺乏與隊友配合，亦係與普巴相近既地方。
講到法比加斯就會係一個值得商榷既位置，即使擁有新球員加盟，但西班牙人既創造力同助攻能力繼續係喺球隊中首屈一指，干地曾經表示來季法比加斯將會有更多機會上陣，如果轉陣到352的話佢就能夠減少負責分擔防守工作，專注於為隊友鋪橋搭路製造機會。但究竟會係攻中位定係似番派路既蕩後式派牌中場就仲係未知知數，後者由於體力所限大多數只有後場校炮，而法比雖然已經步入三十但體力亦足以應付來回跑動，未必需要過份留守在後場。．圖片來源 : post img
與此同時，車路士至今既中場陣容後備人員不足，雖則擁有貝加等年輕新星，但明顯只能夠頂替查路巴離開既位置，在於來季需要兼顧歐聯之下，以上季同樣既中場人數實在不足以去應付多一條戰線，中場需要收購多一名球員作輪換，但暫時未有傳出有關中場既最新目標。
假設轉陣到352陣式，中場喺攻守方面都能夠達致平衡，但車路士需要收購多一名中場球員，才能夠支持得到三中場正選，只能夠希望球會盡快處理馬迪既轉會事宜，好讓干地出師有名再添收購，否則缺乏多類型球員就只會像上季一樣沒有變換能力，比人捷足先登作出針對性部署。
下回再續。
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
上回傳送門(343只是352既前奏？《上篇》 / 343只是352既前奏？《中篇 - 後場》 / 343只是352既前奏？《中篇 - 翼衛》)
上幾回都講哂後場同翼衛，亦難得車路士進行左好幾個轉會動作，今回就能夠順理成章講一下352入面既中場人手配置，有留意開上一季藍軍賽事既球迷都知道，干地手底下既343入面中場位置會比較單薄，好多時都唔能夠有效咁控制到中路節奏，同時亦不能兼顧攻守方面既平衡，由於得兩個中場名額，過於著重防守時又欠缺創造力，過於進攻時又容易被人打反擊。由此可見，面對不同既對手，干地的確有轉陣既需要性喺度，總唔能夠一本天書睇到老。．圖片來源 : Confam24
上季球隊成功喺前英超冠軍李斯特城身上收購到簡迪，可以話喺車路士奪冠里程上起左關鍵作用。比較可惜既係，因為哩位法國防中既來投，導致到將本身為防中既馬迪推向兩極化，干地需要後者同時兼顧攻守兩端，但到下半季球員狀態有所回落引致進退失據。而法比加斯主要被定性為變奏器，後備落場作為改寫戰局既武器，亦令球迷睇到只有西班牙人至能夠提升球隊既創造力。中場主要都係圍繞著以上三個人選，而查路巴擔當為中場第四人，只係喺一啲盃賽賽事上陣，另外將奧斯卡及米基爾放走，如果並非因為中超價錢吸引，相信干地唔會比奧斯卡離開，今日亦未必需要為中場擔憂。．圖片來源 : Daily Express
當然，一雞死一雞鳴，無人知巴西人究竟能唔能夠喺干地手中打番起，同時佢唔離開亦可能無岩岩所收購既巴卡約高。車路士來季既中場能夠擔上正選既人手暫時有三位，分別係簡迪、法比加斯同巴卡約高，而馬迪相信會喺開季前離開藍軍。如果以干地當時仲係帶領祖雲達斯既352陣容黎講，其實人手特質十分類近，簡迪會係果時既維度，法比加斯會係派路既位置，而新收購既巴卡約高就係普巴。
．圖片來源 : The Sun
先講簡迪，明顯地佢並唔係純防中咁簡單，無論係前場定後場都好容易見到法國人既蹤影，不惜體力跑上跑落可以話係防守版既拉美利斯。相信來季佢都會繼續握住中路防守既位置，適當既時候會前插配合進攻，即使轉陣到352負責既工作唔會有太大變動，雖然助攻力及後上射門不及維度，但防守方面較為細膩未有智利人既粗糙，不過兩者責任亦較為相近。
即使馬迪自己無提交轉會申請，但相信巴卡約高既來投係直接取其位置，明顯地後者既反應時間、靈活性同速度都較馬迪出色，同時兩者都係透過迫搶攔截及死纏對手而重新為球隊奪回控球權，但干地有機會要求減少巴卡約高既上腳時間，由於法國人控球及盤球方面技術不俗，搶回皮球後都能夠帶球推進到前場，但好多時都單打獨鬥缺乏與隊友配合，亦係與普巴相近既地方。
講到法比加斯就會係一個值得商榷既位置，即使擁有新球員加盟，但西班牙人既創造力同助攻能力繼續係喺球隊中首屈一指，干地曾經表示來季法比加斯將會有更多機會上陣，如果轉陣到352的話佢就能夠減少負責分擔防守工作，專注於為隊友鋪橋搭路製造機會。但究竟會係攻中位定係似番派路既蕩後式派牌中場就仲係未知知數，後者由於體力所限大多數只有後場校炮，而法比雖然已經步入三十但體力亦足以應付來回跑動，未必需要過份留守在後場。．圖片來源 : post img
與此同時，車路士至今既中場陣容後備人員不足，雖則擁有貝加等年輕新星，但明顯只能夠頂替查路巴離開既位置，在於來季需要兼顧歐聯之下，以上季同樣既中場人數實在不足以去應付多一條戰線，中場需要收購多一名球員作輪換，但暫時未有傳出有關中場既最新目標。
假設轉陣到352陣式，中場喺攻守方面都能夠達致平衡，但車路士需要收購多一名中場球員，才能夠支持得到三中場正選，只能夠希望球會盡快處理馬迪既轉會事宜，好讓干地出師有名再添收購，否則缺乏多類型球員就只會像上季一樣沒有變換能力，比人捷足先登作出針對性部署。
下回再續。
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
如果喜歡我們的文章，請即分享到︰
延伸閲讀：
《深入淺出》魯迪加會取替何人成為正選
干地在英超的第一份成績表
《小總結》莫拉達加盟後 車路士的轉會工作達到一半還是已經完結？
《詳細分析》經歷拜仁獲贈一場敗仗 車路士既問題基本上已經全部浮現
《賽後有感》車路士亞洲之旅正式結束 球隊與干地有何得著？
《深入淺出》魯迪加會取替何人成為正選
干地在英超的第一份成績表
《小總結》莫拉達加盟後 車路士的轉會工作達到一半還是已經完結？
《詳細分析》經歷拜仁獲贈一場敗仗 車路士既問題基本上已經全部浮現
《賽後有感》車路士亞洲之旅正式結束 球隊與干地有何得著？