馬迪留下來的位置誰人能頂替？ - 連拿度山齊士

顯示分享連結
-請支持藍獅 Facebook專頁-
《原創文章 歡迎轉載 請列明出處 謝謝》

車路士中場馬迪已經離隊加盟死敵曼聯，相信哩個轉會動作不會令球迷意外，亦不會有人感到可惜，只能夠感謝哩位二次回歸既中場哩三年半既貢獻。巴卡約高一入，馬迪一出，輾轉下藍軍在中場人腳上並沒有人數補充，更什既係放走左第四之選既青年小將查路巴，盡管來季並不著急於歐洲賽場上重奪錦標，但就連人腳上亦不足以應付四線作戰既基本條件，誰人能膽保球員在沒有任何傷患下完成一整季。而拜仁既連拿度山齊士，就有機會成為藍軍中場的最後一塊拼圖。
．圖片來源 : The Sun

先分析番車路士既中場需要先，在干地主打343下中場只能容立兩名球員，簡單黎講就係一攻一守，而且較容易同平均地分配兩者既工作，相反，受制於中場人數所限就會喺控制節奏同時間上有所不足，同時對手亦較容易進行針對性部署，以人多打人少或聯合緊迫驅使你交出控球權。除左龍門之外，上季加盟既簡迪絕對係領隊填在十一人正選名單中既第二人，而拍擋就要睇對手而定，干地最初安排馬迪分擔部份進攻工作，好讓簡迪專心防守，而法比加斯為變奏節拍機，後備上陣交出長傳助攻，但明顯哩一招到上季季尾已經失效。
．圖片來源 : Football Talk

由此可見，中場板凳深度不足就係首要解決既問題，干地需要收購番一啲唔同類型既中場球員，而巴卡約高就成為中場引援既第一目標，不幸既係馬迪要求離開要到奧脫福與摩連奴共聚，而先前年輕小將查路巴亦選擇離隊他投，喺兩出一入既情況下更需要再作收購。在先前中場的引援名單當中，除了巴卡約高外就只有巴黎聖日門既華拉堤、國際米蘭既干度比亞、已轉投AC米蘭既卡斯及拜仁既哥倫天杜利素，但全部都係雷聲大雨點小，直到近日喺第三場季前熱身賽對陣拜仁後，就有消息傳出干地有意借用連拿度山齊士，而消息同時獲得拜仁主席開腔作實。
．圖片來源 : Brila.net

連拿度山齊士貴為2016年歐洲金童獎得主，喺加盟拜仁之前絕對係賓菲加既正選要員之一，除左中場中外，亦有擔當過攻擊中場及左中場，同時具備優厚既身體質素、速度爆炸力以及用不完氣力，理應在拜仁能夠更上一層樓。可惜既係主帥安察洛堤並未有將佢排在正選十一人名單當中，球員既多功能性喺人才濟濟既安聯只成為「周身刀冇張利」既副產品，一直都被投閒置散。而原本正選既沙比阿朗素退休後，拜仁立即從里昂收購哥倫天杜利素，導致來季連拿度山齊士既上陣時間只會被繼續分薄。
．圖片來源 : Teamtalk

由於拜仁單方面要求哩位葡萄牙新貴只借不賣，令部份球迷認為車路士借用佢只係「幫人養仔」，同時不留查路巴亦係不智既做法。理性討論，球會的確有開出高薪合約留任查路巴，但由於無法保証出場時間干地亦無謂強人所難，所以賣走佢亦係長痛不如短痛既做，人手上出現空缺的確需要補充，而連拿度山齊士確係擁有不同類型既元素，坦克車身型同時具備跑不完既氣力，還有重腳頭既遠射絕對可以穩佔一席位，尤其係喺熱身賽對拜仁時，干地已經充份了解佢喺中場既壓倒性。不過，車路士有必要在外借期間繼續尋找其它中場人選，好讓最後拜仁收回後亦有第二選擇。
．圖片來源 : Evening Standard

話雖如此，昨日剛剛有消息話安帥有意留用連拿度山齊士，佢同主席對外既講法意向不一，究竟「搞邊科」？一切都要留待到轉會窗結束才自有分曉。

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章，請即分享到︰