《轉會名單》冬季補強事在必行 車路士迎接黑監走後的第一個轉會窗（下）
-請支持藍獅 Facebook專頁-
《原創文章 歡迎轉載 請列明出處 謝謝》
．圖片來源 : tribuna.com
上回提要《轉會名單》冬季補強事在必行 車路士迎接黑監走後的第一個轉會窗（上）
到下半部份會輪到講中前場，先講中場方面，干地今季開始試行352陣式，但由於人手不足導致唔能夠每場都排出三中場，而意大利人早前「放風」想同曾經喺祖雲達斯共事過，依加喺拜仁踢緊既維度爾再次合作，雖然未知干地對於中場位置既收購係在於正選提升質素還是作替補輪換，但哩位智利國腳如果加盟無疑能夠為藍軍中場硬度作出顯著增強，與此同時智利國家隊並沒未獲得黎緊世界盃既參賽資格，所以並唔存在球員需要爭取上陣機會去換取良好狀態，不過轉會費上必定成為今次交易中既最大障礙，始終藍軍對於一啲年過三十既球員無論出價還是個人合約條件出手都十分謹慎。
另一人選就係季初轉會窗臨尾交易告吹既愛華頓中場巴克里，由於球員本人希望傷癒後再決定去留，導致車路士不能與拖肥糖成功進行交易，而現任愛華頓主帥艾拿戴斯早前亦表示巴克里留隊機會相當渺茫，相信車路士一月再次出手既機會什大。曾於出道時被譽為英格蘭中場新星既巴克里近年一直受傷患困擾，除左帶波過人及盤扭能力之外，佢喺禁區頂遠射能力亦係車路士依加正正缺乏既元素，自林佰特及奧斯卡離開後球隊中場都缺少遠射能手，少了一項進攻板斧。但剛康復既巴克里能夠回復傷前幾多成狀態仍是未知之數，藍軍喺哩單交易上存在一定風險。
至於前線除左前鋒外，邊路攻擊手亦需作補充，摩納哥既利馬以及利華古遜利安拜利都係熱門人選，前者同時具備個人技術、突破力、組織創造以及位置多面性，可以話係一個技術特點非常豐富同時集多項能力於一身既前線攻擊手，同市宿敵阿仙奴曾於季前以破記錄轉會價錢提出報價，但遭到摩納哥一口拒絕，相信如果要召募此子到倫敦效力，必需一個更具吸引力既價錢至能夠驅使上屆法甲盟主放人；另一位人選利華古遜既翼鋒利安拜利，技術特點則未有利馬咁鮮明，大多數都係以速度及小技巧過人，但年紀尚輕絕對能夠為車路士既邊路提供得到活力及新衝擊，但藥廠強硬堅拒放走哩位德甲新貴，未知藍軍在報價上會否有所提升。
去到最前線既前鋒位，巴舒亞伊離隊亦只係時間問題，只係究竟以直接轉會還是外借身份離開，就取決於干地、球會以及球員本人三方既取態，而人選方面則有水晶宮既賓迪基以及效力貝爾格萊德紅星既耶當保亞基，前者制空力強，可在前場作支點再分波二傳比邊路球員進攻，但佢個人埋門同把握力真係不敢恭維，而且傷病史多，貴為護級球隊水晶宮頭號射手在價錢上定必價值不菲；至於加納國腳耶當保亞基其實同車路士拉上關係都一段時間，所屬聯賽參考價值唔高，而喺今屆貝爾格萊德紅星所參與既歐霸盃賽事中六場就只能攻入得一球，同組對手亦有阿仙奴及科隆等，整體表現中規中矩。
綜合了上下部份內容，車路士在多個位置上都需要補充，但深信以上人選不會全數於冬季轉會窗時間加盟，有一至兩名球員能夠穿上藍色球衣都真係要「劏雞還神」，馮勸高層一句，繼續作出一啲唔理性或開源節流既收購，干地亦無力回天，最終球會只會得不賞失。
文章最後更新時間 : 5/1/2017 09:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
．圖片來源 : tribuna.com
上回提要《轉會名單》冬季補強事在必行 車路士迎接黑監走後的第一個轉會窗（上）
到下半部份會輪到講中前場，先講中場方面，干地今季開始試行352陣式，但由於人手不足導致唔能夠每場都排出三中場，而意大利人早前「放風」想同曾經喺祖雲達斯共事過，依加喺拜仁踢緊既維度爾再次合作，雖然未知干地對於中場位置既收購係在於正選提升質素還是作替補輪換，但哩位智利國腳如果加盟無疑能夠為藍軍中場硬度作出顯著增強，與此同時智利國家隊並沒未獲得黎緊世界盃既參賽資格，所以並唔存在球員需要爭取上陣機會去換取良好狀態，不過轉會費上必定成為今次交易中既最大障礙，始終藍軍對於一啲年過三十既球員無論出價還是個人合約條件出手都十分謹慎。
另一人選就係季初轉會窗臨尾交易告吹既愛華頓中場巴克里，由於球員本人希望傷癒後再決定去留，導致車路士不能與拖肥糖成功進行交易，而現任愛華頓主帥艾拿戴斯早前亦表示巴克里留隊機會相當渺茫，相信車路士一月再次出手既機會什大。曾於出道時被譽為英格蘭中場新星既巴克里近年一直受傷患困擾，除左帶波過人及盤扭能力之外，佢喺禁區頂遠射能力亦係車路士依加正正缺乏既元素，自林佰特及奧斯卡離開後球隊中場都缺少遠射能手，少了一項進攻板斧。但剛康復既巴克里能夠回復傷前幾多成狀態仍是未知之數，藍軍喺哩單交易上存在一定風險。
至於前線除左前鋒外，邊路攻擊手亦需作補充，摩納哥既利馬以及利華古遜利安拜利都係熱門人選，前者同時具備個人技術、突破力、組織創造以及位置多面性，可以話係一個技術特點非常豐富同時集多項能力於一身既前線攻擊手，同市宿敵阿仙奴曾於季前以破記錄轉會價錢提出報價，但遭到摩納哥一口拒絕，相信如果要召募此子到倫敦效力，必需一個更具吸引力既價錢至能夠驅使上屆法甲盟主放人；另一位人選利華古遜既翼鋒利安拜利，技術特點則未有利馬咁鮮明，大多數都係以速度及小技巧過人，但年紀尚輕絕對能夠為車路士既邊路提供得到活力及新衝擊，但藥廠強硬堅拒放走哩位德甲新貴，未知藍軍在報價上會否有所提升。
去到最前線既前鋒位，巴舒亞伊離隊亦只係時間問題，只係究竟以直接轉會還是外借身份離開，就取決於干地、球會以及球員本人三方既取態，而人選方面則有水晶宮既賓迪基以及效力貝爾格萊德紅星既耶當保亞基，前者制空力強，可在前場作支點再分波二傳比邊路球員進攻，但佢個人埋門同把握力真係不敢恭維，而且傷病史多，貴為護級球隊水晶宮頭號射手在價錢上定必價值不菲；至於加納國腳耶當保亞基其實同車路士拉上關係都一段時間，所屬聯賽參考價值唔高，而喺今屆貝爾格萊德紅星所參與既歐霸盃賽事中六場就只能攻入得一球，同組對手亦有阿仙奴及科隆等，整體表現中規中矩。
綜合了上下部份內容，車路士在多個位置上都需要補充，但深信以上人選不會全數於冬季轉會窗時間加盟，有一至兩名球員能夠穿上藍色球衣都真係要「劏雞還神」，馮勸高層一句，繼續作出一啲唔理性或開源節流既收購，干地亦無力回天，最終球會只會得不賞失。
文章最後更新時間 : 5/1/2017 09:45
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/