《Deadline Fighter》車路士尚欠前鋒一人 似曾相識的討價還價
-請支持藍獅 Facebook專頁-
《原創文章 歡迎轉載 請列明出處 謝謝》
．圖片來源 : The Football Faithfu
轉會窗踏入最後一天，今個冬季轉會窗亦係近年黎最受觸目既其中之一，是因好幾單破記錄轉會都喺今個轉會窗發生。反觀近年一改常態不再大打金錢足球既車路士，即使有技術總監艾文拿路離任，但球會依舊堅持一貫轉會動作慢熱作風，繼續與其它球會在收購目標的費用上討價還價，難免讓主帥干地以及一眾藍軍球迷意氣闌珊。
今個月頭就傳出巴克里加盟既消息，而更意外既係官方亦隨即宣佈成功從愛華頓羅致哩位英格蘭中場球員，難免令球迷一度憧憬在黑監離任後，車路士高層在轉會動作上加快左進程。但事實卻並非如此，繼承左上一個轉會窗既風格，在未有任何新球員加盟前先後將球員以外借方式送走，包括已經由官方宣佈既邊路球員堅尼地外借到紐卡素至季尾，以及剛剛外借埋比利時小將梅桑達到蘇超球霸些路迪為期十八個月，更傳出黎緊會將剛傷癒被人遺忘既左閘球員巴巴拉文再一次外借到德甲史浩克04。
喺未有任何新收購既前題底下，一氣過將三位球員外借到其它球會，再一次縮減干地手上既選擇。當然，唔排除球會已經在部份位置上作出成功收購，在截稿前車路士經已官方宣佈從羅馬簽入巴西左閘艾馬臣，雖然未知球員能否重拾重傷前表現，但總算暫時解決了左翼衛人手上既燃眉之急。反而依加要專注既就係前鋒位置，車路士在迪斯高身上一直討價還價，藍軍喺唔想打破年過三十球員一年一約既前題下，基本上唔可能簽入哩位波斯尼亞國腳，而且球員一心想繼續為羅馬效力，新合約唔吸引經已無計傾。
而車路士好快搵到其他替代人選，傳得最勁既就係阿仙奴首席後備前鋒基奧特，但另一個難題又出現，連鎖效應下哩單轉會涉及到三間球會三名球員，阿仙奴希望得到多蒙特既奧巴美揚至會放走「銀河唯一」，而後者希望租借巴舒亞伊去彌補有關攻擊席位。與此同時，亦傳出車路士重燃對熱刺前鋒洛蘭迪既興趣，但哩一支同市對手堅決要求巴舒亞伊以正式轉會加盟而唔係租借。不論迪斯高也好，基奧特也好，車路士一貫討價還價既方式就只會繼續頭頭碰著釘。
正所謂「貪字得個貧」，一眾車路士球迷要有定心理準備，在轉會窗結束前有機會見到既只係卡路爾、高治之流。
文章最後更新時間 : 31/01/2018 10:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
．圖片來源 : The Football Faithfu
轉會窗踏入最後一天，今個冬季轉會窗亦係近年黎最受觸目既其中之一，是因好幾單破記錄轉會都喺今個轉會窗發生。反觀近年一改常態不再大打金錢足球既車路士，即使有技術總監艾文拿路離任，但球會依舊堅持一貫轉會動作慢熱作風，繼續與其它球會在收購目標的費用上討價還價，難免讓主帥干地以及一眾藍軍球迷意氣闌珊。
今個月頭就傳出巴克里加盟既消息，而更意外既係官方亦隨即宣佈成功從愛華頓羅致哩位英格蘭中場球員，難免令球迷一度憧憬在黑監離任後，車路士高層在轉會動作上加快左進程。但事實卻並非如此，繼承左上一個轉會窗既風格，在未有任何新球員加盟前先後將球員以外借方式送走，包括已經由官方宣佈既邊路球員堅尼地外借到紐卡素至季尾，以及剛剛外借埋比利時小將梅桑達到蘇超球霸些路迪為期十八個月，更傳出黎緊會將剛傷癒被人遺忘既左閘球員巴巴拉文再一次外借到德甲史浩克04。
喺未有任何新收購既前題底下，一氣過將三位球員外借到其它球會，再一次縮減干地手上既選擇。當然，唔排除球會已經在部份位置上作出成功收購，在截稿前車路士經已官方宣佈從羅馬簽入巴西左閘艾馬臣，雖然未知球員能否重拾重傷前表現，但總算暫時解決了左翼衛人手上既燃眉之急。反而依加要專注既就係前鋒位置，車路士在迪斯高身上一直討價還價，藍軍喺唔想打破年過三十球員一年一約既前題下，基本上唔可能簽入哩位波斯尼亞國腳，而且球員一心想繼續為羅馬效力，新合約唔吸引經已無計傾。
而車路士好快搵到其他替代人選，傳得最勁既就係阿仙奴首席後備前鋒基奧特，但另一個難題又出現，連鎖效應下哩單轉會涉及到三間球會三名球員，阿仙奴希望得到多蒙特既奧巴美揚至會放走「銀河唯一」，而後者希望租借巴舒亞伊去彌補有關攻擊席位。與此同時，亦傳出車路士重燃對熱刺前鋒洛蘭迪既興趣，但哩一支同市對手堅決要求巴舒亞伊以正式轉會加盟而唔係租借。不論迪斯高也好，基奧特也好，車路士一貫討價還價既方式就只會繼續頭頭碰著釘。
正所謂「貪字得個貧」，一眾車路士球迷要有定心理準備，在轉會窗結束前有機會見到既只係卡路爾、高治之流。
文章最後更新時間 : 31/01/2018 10:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/