《撥亂反正》干地獲油王支持 但代表短期內唔會被炒魷？
-請支持藍獅 Facebook專頁-
《原創文章 歡迎轉載 請列明出處 謝謝》
．圖片來源 : Sky Sports
連續兩場聯賽失分，更以大比數輸波，相信對於過往擁有著豐富「炒人魷魚」經驗既車路士黎講，傳出干地帥位岌岌可危既消息絕不令人感到意外，更指出前巴塞主帥安歷基，以及前拜仁主帥安察洛堤或會再一次接掌藍軍帥印。雖然及後傳媒供稱干地獲班主艾巴莫域治支持，但咁又代唔代表到意大利人短期內唔會被炒魷？一齊分析下依加藍軍面對緊既問題。
近依兩場大敗，球隊都只能夠取得一個入球，反映出車路士前線乏力既問題相當嚴重，正中鋒莫拉達受背傷所困擾，對上三場波都已經缺陣，另一方面由阿仙奴引進既基奧特初到貴境，對於干地既戰術理念以及隊友之間既配合都仲需要時間適應，而意大利人上場經已開始放「銀河唯一」後備上場，相信黎緊亦好有機會直接進入正選十一人既名單當中。當然，在連鎖反應一環扣著一環下，中場缺乏供應，即使前線有正中鋒又還是選用無鋒陣都冇用。
車路士中場缺乏創造型球員？非也，法比加斯、真禾特以至新加盟既巴克里都係一啲善於為隊友鋪橋搭路創造機會既球員，但干地過於選用既係巴卡約高配搭簡迪哩個雙中場組合，前者自今季加盟後表現一直飽受批評，懶於跑動、護球差劣、傳球質素欠佳等等問題幾乎每場波都有出現，但干地依然好似視若無睹咁繼續放佢打正選什至打足九十分鐘，難怪有繼韋利安後既「新契仔」之稱。
巴克里近期又再次受傷，而法比加斯亦剛傷癒需要時間重拾狀態，但長居於後備既「飲水哥」呢？雖然真禾特近期上場時都偶有甩漏，但真係唔值得正選咩？功能上真係會比經常「自爆」既巴卡約高差咩？球迷們真係睇唔透；去到後場方面，基斯甸臣同樣宣告受傷，同樣大衛雷斯既傷病都一直都斷斷續續，但依照後防問題大少排序的話最大都唔係喺哩度，最大問題一定係喺隊長卡希爾度。
卡希爾出名速度慢都唔係今日既事，而睇得到球隊喺依兩場好幾個失波都關佢事，身為隊長就一定要正選？唔好忘記干地你自己上季都因應戰術需要，連傳奇領袖泰利都要長居後備，依加區區一個卡希爾又算得上什麼，後備席上至少有一個速度快既魯迪加，各方面既防守能力都唔會比佢差，真係諗唔明點解仲要係咁放卡希爾出黎「出醜」。
球員傷病、戰術安排、臨場調動，種種問題在同時間爆發，別忘記上任領隊摩連奴亦喺晚期受到油王支持，但不久之後亦黯然下台。當然，無論聯賽排名還是球員精神面貌，依加都未有當時既情況咁壞，但如果黎緊繼續失分，在連敗既記錄下更多問題將會接踵而來，干地下台既壓力同聲音就只會愈黎愈大。
文章最後更新時間 : 07/02/2018 13:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
．圖片來源 : Sky Sports
連續兩場聯賽失分，更以大比數輸波，相信對於過往擁有著豐富「炒人魷魚」經驗既車路士黎講，傳出干地帥位岌岌可危既消息絕不令人感到意外，更指出前巴塞主帥安歷基，以及前拜仁主帥安察洛堤或會再一次接掌藍軍帥印。雖然及後傳媒供稱干地獲班主艾巴莫域治支持，但咁又代唔代表到意大利人短期內唔會被炒魷？一齊分析下依加藍軍面對緊既問題。
近依兩場大敗，球隊都只能夠取得一個入球，反映出車路士前線乏力既問題相當嚴重，正中鋒莫拉達受背傷所困擾，對上三場波都已經缺陣，另一方面由阿仙奴引進既基奧特初到貴境，對於干地既戰術理念以及隊友之間既配合都仲需要時間適應，而意大利人上場經已開始放「銀河唯一」後備上場，相信黎緊亦好有機會直接進入正選十一人既名單當中。當然，在連鎖反應一環扣著一環下，中場缺乏供應，即使前線有正中鋒又還是選用無鋒陣都冇用。
車路士中場缺乏創造型球員？非也，法比加斯、真禾特以至新加盟既巴克里都係一啲善於為隊友鋪橋搭路創造機會既球員，但干地過於選用既係巴卡約高配搭簡迪哩個雙中場組合，前者自今季加盟後表現一直飽受批評，懶於跑動、護球差劣、傳球質素欠佳等等問題幾乎每場波都有出現，但干地依然好似視若無睹咁繼續放佢打正選什至打足九十分鐘，難怪有繼韋利安後既「新契仔」之稱。
巴克里近期又再次受傷，而法比加斯亦剛傷癒需要時間重拾狀態，但長居於後備既「飲水哥」呢？雖然真禾特近期上場時都偶有甩漏，但真係唔值得正選咩？功能上真係會比經常「自爆」既巴卡約高差咩？球迷們真係睇唔透；去到後場方面，基斯甸臣同樣宣告受傷，同樣大衛雷斯既傷病都一直都斷斷續續，但依照後防問題大少排序的話最大都唔係喺哩度，最大問題一定係喺隊長卡希爾度。
卡希爾出名速度慢都唔係今日既事，而睇得到球隊喺依兩場好幾個失波都關佢事，身為隊長就一定要正選？唔好忘記干地你自己上季都因應戰術需要，連傳奇領袖泰利都要長居後備，依加區區一個卡希爾又算得上什麼，後備席上至少有一個速度快既魯迪加，各方面既防守能力都唔會比佢差，真係諗唔明點解仲要係咁放卡希爾出黎「出醜」。
球員傷病、戰術安排、臨場調動，種種問題在同時間爆發，別忘記上任領隊摩連奴亦喺晚期受到油王支持，但不久之後亦黯然下台。當然，無論聯賽排名還是球員精神面貌，依加都未有當時既情況咁壞，但如果黎緊繼續失分，在連敗既記錄下更多問題將會接踵而來，干地下台既壓力同聲音就只會愈黎愈大。
文章最後更新時間 : 07/02/2018 13:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/