《歐聯十六強出局 干地來季何去何從？》
《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Marca
回憶永遠係美好的，相信唔少車路士球迷喺今場作客巴塞隆拿既歐聯十六強次回合賽事前，都曾經希望球隊能夠有好似2012年時喺魯營既超水準表現，可惜既係現實總是殘酷的，最終以一場大敗作為今屆藍軍在歐聯場上既終止符，干地既前境亦再次亮起紅燈。
睇番首回合喺史丹福橋既主場賽事，干地少有地喺哩場重點賽事中選用343無鋒陣陣式，以夏薩特為首，配合韋利安以及柏度作攻堅，得出效果獲得相當正面既回應，巴塞可以話接近完全無「甜頭」可言，要不是藍軍後防一下「自殺式」大意犯錯，最後比數絕不會以1-1打成平手。車路士無疑喺哩場賽事既演出，比左唔少假希望球迷，認為藍軍能夠喺次回合同樣以哩場既表現擊倒巴塞，可惜現實不似預期。
作為無鋒陣之首既夏薩特似乎對於自己所打既位置有啲意見，繼而外界傳出，干地喺次回合前曾徵詢全隊球員意見，希望球隊能夠上下一心，以一個最好既陣容去應戰。次回合的確無用到無鋒陣，取而代之既係以「銀河唯一」基奧特為正選，夏薩特以及近期狀態相當火熱既韋利安各佔邊路，法比加斯搭上簡迪為雙中場，而左右翼衛繼續以馬高斯阿朗素及摩西斯擔任，三中堅人選方面亦無變，以基斯甸臣、魯迪加及艾斯派古達作為正選。
安排上干地明顯想加強番前場硬度，以基奧特作支持為夏薩特同韋利安開路，始終今場車路士喺必需取得入球至能夠晉級既前題下，主動出擊係無容置疑，但上半場經已失左兩球，而其中一球更加係喺開賽三分鐘就失，球隊可以話完全自亂陣腳，即使賽前戰術安排點咁完善都好，過於早段既失波對球隊整體士氣一定有所影響，而干地既臨場調動可以話係「災難級」。
雖然帶住兩球失波入更衣室，但車路士喺下半場出番黎果下其實打出左一段唔短時間既攻勢，可以話就算好大機會出局，球隊依然抱著希望，至少睇得出想爭取入球。當然巴塞主帥華維迪亦唔會睇唔到依個情況，喺56分鐘安排保連奴入替恩尼斯達，繼而再喺61分鐘收起受傷既布斯基斯，派上阿祖安高美斯，喺70分鐘前完成哂三個換人調動。反觀既係干地，佢並未有「食住道氣」安排更多體力相對充足既後備攻擊球員喺下半場早段入替，第一同二個調動都係喺67分鐘先至出現。
同時換入莫拉達及薩柏哥斯達，入替基奧特同摩西斯，後者全場表現其實相當失準，多次攻勢中斷都係黎自佢，其實點解干地唔可以早啲換走佢？基本上干地同華維迪既臨場調動喺今場已經高下立見，雖然車路士喺人腳既級數上同巴塞之間存在分野，但意大利人絕唔能夠常用哩個為失利既借口，其實唔止近期，係自干地上任後都睇到佢既即場換人真係相當之慢。
歐聯十六強出局，聯賽前四位置未明朗，干地既壓力有增無減，而球迷對佢「落台」既聲音各佔一半，但佢絕對不愁下家，有傳意大利國家隊什至同樣歐聯十六強出局既巴黎聖日門都有興趣搵佢掌權。而干地與車路士高層之間既關係，今季經歷過唔同大小既事件後，破裂程度幾乎已經達到無法修補既地步，敢相信既係即使會方唔解僱干地，意大利人亦會喺今季完結後自己請辭離開。
文章最後更新時間 : 16/03/2018 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Marca
回憶永遠係美好的，相信唔少車路士球迷喺今場作客巴塞隆拿既歐聯十六強次回合賽事前，都曾經希望球隊能夠有好似2012年時喺魯營既超水準表現，可惜既係現實總是殘酷的，最終以一場大敗作為今屆藍軍在歐聯場上既終止符，干地既前境亦再次亮起紅燈。
睇番首回合喺史丹福橋既主場賽事，干地少有地喺哩場重點賽事中選用343無鋒陣陣式，以夏薩特為首，配合韋利安以及柏度作攻堅，得出效果獲得相當正面既回應，巴塞可以話接近完全無「甜頭」可言，要不是藍軍後防一下「自殺式」大意犯錯，最後比數絕不會以1-1打成平手。車路士無疑喺哩場賽事既演出，比左唔少假希望球迷，認為藍軍能夠喺次回合同樣以哩場既表現擊倒巴塞，可惜現實不似預期。
作為無鋒陣之首既夏薩特似乎對於自己所打既位置有啲意見，繼而外界傳出，干地喺次回合前曾徵詢全隊球員意見，希望球隊能夠上下一心，以一個最好既陣容去應戰。次回合的確無用到無鋒陣，取而代之既係以「銀河唯一」基奧特為正選，夏薩特以及近期狀態相當火熱既韋利安各佔邊路，法比加斯搭上簡迪為雙中場，而左右翼衛繼續以馬高斯阿朗素及摩西斯擔任，三中堅人選方面亦無變，以基斯甸臣、魯迪加及艾斯派古達作為正選。
安排上干地明顯想加強番前場硬度，以基奧特作支持為夏薩特同韋利安開路，始終今場車路士喺必需取得入球至能夠晉級既前題下，主動出擊係無容置疑，但上半場經已失左兩球，而其中一球更加係喺開賽三分鐘就失，球隊可以話完全自亂陣腳，即使賽前戰術安排點咁完善都好，過於早段既失波對球隊整體士氣一定有所影響，而干地既臨場調動可以話係「災難級」。
雖然帶住兩球失波入更衣室，但車路士喺下半場出番黎果下其實打出左一段唔短時間既攻勢，可以話就算好大機會出局，球隊依然抱著希望，至少睇得出想爭取入球。當然巴塞主帥華維迪亦唔會睇唔到依個情況，喺56分鐘安排保連奴入替恩尼斯達，繼而再喺61分鐘收起受傷既布斯基斯，派上阿祖安高美斯，喺70分鐘前完成哂三個換人調動。反觀既係干地，佢並未有「食住道氣」安排更多體力相對充足既後備攻擊球員喺下半場早段入替，第一同二個調動都係喺67分鐘先至出現。
同時換入莫拉達及薩柏哥斯達，入替基奧特同摩西斯，後者全場表現其實相當失準，多次攻勢中斷都係黎自佢，其實點解干地唔可以早啲換走佢？基本上干地同華維迪既臨場調動喺今場已經高下立見，雖然車路士喺人腳既級數上同巴塞之間存在分野，但意大利人絕唔能夠常用哩個為失利既借口，其實唔止近期，係自干地上任後都睇到佢既即場換人真係相當之慢。
歐聯十六強出局，聯賽前四位置未明朗，干地既壓力有增無減，而球迷對佢「落台」既聲音各佔一半，但佢絕對不愁下家，有傳意大利國家隊什至同樣歐聯十六強出局既巴黎聖日門都有興趣搵佢掌權。而干地與車路士高層之間既關係，今季經歷過唔同大小既事件後，破裂程度幾乎已經達到無法修補既地步，敢相信既係即使會方唔解僱干地，意大利人亦會喺今季完結後自己請辭離開。
文章最後更新時間 : 16/03/2018 12:00
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/