《干地用死一對翼衛 揭示球員在戰術上的單一性才是致命傷？》
《原創文章 歡迎轉載 請列明出處 謝謝》
-請支持藍獅 Facebook專頁-
．圖片來源 : Daily Echo
加時險勝李斯特城1-2，車路士有驚無險下晉級足總盃四強，但睇番出場陣容同場上形勢，干地依舊以不變應萬變，沿用番上場對巴塞既人選作正選陣容，只係收起左門將古圖爾斯及基奧特換上卡巴尼路同莫拉達，而大部份車路士球員都顯得力有不逮，明顯在休息不足下欠缺戰意，尤其係今集想講既一對翼衛，摩西斯及馬高斯阿朗素。
先要為馬高斯阿朗素入選新一輪西班牙國家隊名單感到高興，雖然未必有機會參與黎緊既世界盃，但總算叫做得到第一次機會，相信好好把握的話，足球世界無話無野係無可能；其實有睇開三後衛陣式既球迷都知道，兩邊翼衛既職責係非常重要，無論進攻定係防守都需要參與，進攻上要識得喺邊路出波，同時具備前插同埋門意識，而防守上需要有做到攔截同補位，翼衛對體力同速度上都要有一定支持，否則下下走上走落都未必頂得順一場九十分鐘既賽事。
反觀睇番車路士一對翼衛摩西斯同馬高斯阿朗素，先講前者，體能同速度對於哩位尼日尼亞國腳唔成問題，反而係在於防守技術同埋邊路出波方面，始終球員係邊鋒出身，防守技術難免粗糙，面對質素有番咁上下既對手多以犯規攔截，同時摩西斯邊線出波既質素簡直係不堪入目，幾乎係將控球權拱手雙讓比對手；至於馬高斯阿朗素正正同摩西斯成相反，左腳出波及罰球質素可以話係佢殺手鐧，而閘位球員出身既佢一啲防守動作同技術亦不成問題，只係西班牙人速度偏慢係佢既致命傷，面對英格蘭典型邊鋒，稍一不留神失左位幾乎係只能陪跑食塵，體力上需要負出更多，亦相信佢唔會再有空間可以讓他在速度上作出顯注進步。
以上兩位其實近期都接連打左唔少硬仗一直都無休息過，不論在戰意同體力上其實都絕非最佳狀態，亦間接導致球員自身既缺點更容易暴露出黎。而後備席上又係唔係欠缺左替代人選？車路士今季各自喺兩個轉會窗都從意大利收購左兩名意籍兵番黎，分別係喺拖連奴簽入薩柏哥斯達以及羅馬簽入艾馬臣，但兩者似乎都唔係干地原先想買入既位置首選。干地原先一心想要既係當時仲喺皇馬既丹尼路同祖雲達斯既阿歷士辛度，但分別被曼城捷足先登以及球會討價還價而告吹，換黎既薩柏哥斯達以及艾馬臣相信只係意大利人心目中既第三四左右既選擇，級數上絕對存在分野。
其實佢兩個有咩唔好？薩柏哥斯達擔任右翼衛時見到，出波質素比起摩西斯好，但球員單對單既過人能力十分之差，速度同身位上連一般既英超防守球員都過唔到，而艾馬臣加盟至今都只係為車路士喺聯賽後備上陣一次，參考指數極低，但睇番哩位左閘球員過往效力羅馬時都係攻強守弱，相信場上效果同薩柏哥斯達分別不大。再睇番干地原先想要既丹尼路同阿歷士辛度，進攻上能夠有自己既搵食能力，防守上亦有速度同適當既壓迫能力，當日球會如果唔係貪平的話，相信車路士喺聯賽排名上都唔洗搞到依加咁咁險峻。
無疑車路士喺翼衛哩個位置上既人選，人數上係足夠，但質素上實在不堪入目，各自球員在戰術功能上過於單一，引致干地用人非常有限度，但如果佢繼續打死哩一對翼衛的話，相信受傷風險只會與日俱增，到時先換恐怕為時以晚。
文章最後更新時間 : 19/03/2018 14:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
．圖片來源 : Daily Echo
加時險勝李斯特城1-2，車路士有驚無險下晉級足總盃四強，但睇番出場陣容同場上形勢，干地依舊以不變應萬變，沿用番上場對巴塞既人選作正選陣容，只係收起左門將古圖爾斯及基奧特換上卡巴尼路同莫拉達，而大部份車路士球員都顯得力有不逮，明顯在休息不足下欠缺戰意，尤其係今集想講既一對翼衛，摩西斯及馬高斯阿朗素。
先要為馬高斯阿朗素入選新一輪西班牙國家隊名單感到高興，雖然未必有機會參與黎緊既世界盃，但總算叫做得到第一次機會，相信好好把握的話，足球世界無話無野係無可能；其實有睇開三後衛陣式既球迷都知道，兩邊翼衛既職責係非常重要，無論進攻定係防守都需要參與，進攻上要識得喺邊路出波，同時具備前插同埋門意識，而防守上需要有做到攔截同補位，翼衛對體力同速度上都要有一定支持，否則下下走上走落都未必頂得順一場九十分鐘既賽事。
反觀睇番車路士一對翼衛摩西斯同馬高斯阿朗素，先講前者，體能同速度對於哩位尼日尼亞國腳唔成問題，反而係在於防守技術同埋邊路出波方面，始終球員係邊鋒出身，防守技術難免粗糙，面對質素有番咁上下既對手多以犯規攔截，同時摩西斯邊線出波既質素簡直係不堪入目，幾乎係將控球權拱手雙讓比對手；至於馬高斯阿朗素正正同摩西斯成相反，左腳出波及罰球質素可以話係佢殺手鐧，而閘位球員出身既佢一啲防守動作同技術亦不成問題，只係西班牙人速度偏慢係佢既致命傷，面對英格蘭典型邊鋒，稍一不留神失左位幾乎係只能陪跑食塵，體力上需要負出更多，亦相信佢唔會再有空間可以讓他在速度上作出顯注進步。
以上兩位其實近期都接連打左唔少硬仗一直都無休息過，不論在戰意同體力上其實都絕非最佳狀態，亦間接導致球員自身既缺點更容易暴露出黎。而後備席上又係唔係欠缺左替代人選？車路士今季各自喺兩個轉會窗都從意大利收購左兩名意籍兵番黎，分別係喺拖連奴簽入薩柏哥斯達以及羅馬簽入艾馬臣，但兩者似乎都唔係干地原先想買入既位置首選。干地原先一心想要既係當時仲喺皇馬既丹尼路同祖雲達斯既阿歷士辛度，但分別被曼城捷足先登以及球會討價還價而告吹，換黎既薩柏哥斯達以及艾馬臣相信只係意大利人心目中既第三四左右既選擇，級數上絕對存在分野。
其實佢兩個有咩唔好？薩柏哥斯達擔任右翼衛時見到，出波質素比起摩西斯好，但球員單對單既過人能力十分之差，速度同身位上連一般既英超防守球員都過唔到，而艾馬臣加盟至今都只係為車路士喺聯賽後備上陣一次，參考指數極低，但睇番哩位左閘球員過往效力羅馬時都係攻強守弱，相信場上效果同薩柏哥斯達分別不大。再睇番干地原先想要既丹尼路同阿歷士辛度，進攻上能夠有自己既搵食能力，防守上亦有速度同適當既壓迫能力，當日球會如果唔係貪平的話，相信車路士喺聯賽排名上都唔洗搞到依加咁咁險峻。
無疑車路士喺翼衛哩個位置上既人選，人數上係足夠，但質素上實在不堪入目，各自球員在戰術功能上過於單一，引致干地用人非常有限度，但如果佢繼續打死哩一對翼衛的話，相信受傷風險只會與日俱增，到時先換恐怕為時以晚。
文章最後更新時間 : 19/03/2018 14:30
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/